Свет
Најмасовен ракетен напад врз Лавов од почетокот на руската инвазија, тврди Украина

Официјални лица изјавија дека неколку згради биле оштетени, а неколку луѓе се ранети во голем воздушен напад врз западниот украински регион Лавов и северозападниот регион Волин. Три лица загинаа, а неколку се хоспитализирани во градот Луцк откако беше погодено деловно претпријатие, изјави Јуриј Похуљајко, гувернер на областа Волин.
„Беа соборени многу проектили, но имаше погодени и во Лавов“, рече градоначалникот Андриј Садови, додавајќи дека се издадени наредби за евакуација на најмалку една запалена станбена зграда. Размерите на нападот и целосниот обем на штетата во Лавов не беа веднаш јасни. Претходно, гувернерот на Лавовската област Максим Козицки изјави дека „групи руски ракети“ се упатуваат кон регионот.
До јули, регионот Лавов – кој е далеку од првите линии на фронтот и се граничи со Полска, членка на НАТО – беше поштеден од повеќето руски воздушни напади. Но, во јули седум лица загинаа кога проектил погоди станбена зграда.
Украинските медиуми објавија дека, според прелиминарните информации, нападот денеска бил најголемиот воздушен напад врз регионот Лавов од почетокот на руската инвазија на Украина во февруари 2022 година.
Во рускиот воздушен напад врз западниот регион Лавов, според прелиминарните информации, нема жртви, но оштетени се повеќе од 100 станбени куќи, искршени се 500 прозорци и уништено е детско игралиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.