Свет
Келнер во Сен Тропе навредувал Италијанец оти му оставил бакшиш од 500 евра, барал двојно повеќе
Италијански турист вети дека никогаш нема да се врати во Сен Тропе, гламурозно одморалиште на француската ривиера, откако келнерот го малтретирал поради бакшишот што го оставил.
Човекот, опишан како „многу богат“ во локалните медиуми, оставил бакшиш од 429 фунти (500 евра), по што келнерот го следел до паркингот во ресторанот и му барал двојно повеќе.
Пријател на италијанскиот турист, чие име не е објавено, за францускиот весник Nice Matan изјавил дека неговиот пријател „мислил дека е дарежлив оставајќи 500 евра, а наместо тоа го искарале“.
Келнерот му рекол дека тоа не е доволно и дека може да се потруди малку повеќе за да стигне до 1.000 евра, бидејќи тоа е поблиску до 20 отсто од вкупната сума на неговата сметка, вели пријател на туристот.
Францускиот весник известува и за турист кој тврди дека видел ресторан кој бара од гостите да потрошат најмалку 1.288 фунти (1.500 евра) по лице ако сакаат да вечераат таму. Како и богатиот Италијанец, овој посетител вети дека никогаш нема да се врати во Сент Тропе.
Вестите за вакви настани ја поттикнаа градоначалничката на Сен Тропе, Силви Сири, да покрене иницијатива наречена Signal Conso, која на рестораните ќе им обезбеди уникатни QR кодови за клиентите лесно да пријават „нефер комерцијални практики“.
Градоначалничката го нарече однесувањето на одредени локални ресторани, пријавени од гостите, „обид за измама“ што може да предизвика „голема штета“ на одморалиштето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Камала Харис има изопачен ум
Кандидатот на Републиканската партија на претстојните претседателски избори во САД, Доналд Трамп изјави дека неговата противкандидатка, демократската кандидатка Камала Харис има изопачен ум. Вака Трамп реагираше на нејзината изјава на телевизија дека е „фашист“, пренесува BBC.
„Таа сè повеќе ја заострува својата реторика и оди дотаму што дури ме нарекува Адолф Хитлер и дава секакви забелешки кои се производ на нејзиниот изопачен ум“, рече Трамп во објавата на платформата Truth Social. Во духот на нејзината, како што тврди, „екстремно левичарска политика“, ја нарече „другарка Камала Харис“ и посочи дека таа претставува „закана за демократијата“.
Освен што го нарече Трамп „фашист“, Харис го опиша како „опасен“ и „неподобен“ за позицијата за која се кандидира. Харис во емисијата на Си-Ен-Ен рече дека се согласува со изјавата на поранешниот шеф на кабинетот на Доналд Трамп, Џон Кели, кој претходно оваа недела изјави дека неговиот поранешен шеф ја исполнува општата дефиниција за фашист, објави Ен-би-си њуз. Таа рече дека коментарите на Кели, кои беа објавени само две недели пред изборите, што ќе се одржат на 5 ноември, се повик за итна помош до американскиот народ.
„Мораме да ги сфатиме многу сериозно оние луѓе кои најдобро го познаваа“, рече Харис, мислејќи на бројните поранешни советници на Трамп кои ја прекинаа соработката со него и ја предупредија јавноста дека не треба повторно да му се доверува власта.
На директно прашање дали мисли дека Доналд Трамп е фашист, таа одговори: „Да, мислам“. Самата Харис првпат го употреби овој збор во јавноста, изразувајќи го своето уверување дека на гласачите им е важно да нема претседател на САД кој им се восхитува на диктаторите и е фашист, пренесува Танјуг.
Свет
Израелската армија: Хезболах користи возила на брза помош за транспорт на терористи и оружје
Израелската војска тврди дека либанската група Хезболах „користи амбулантни возила за транспорт на терористи и оружје“ и предупредува дека Израел ќе ги таргетира возилата без оглед на нивниот тип.
Не наведувајќи докази за ова тврдење, портпаролот на израелската армија Авихаи Адрае издаде изјава на арапски во која изјави дека Израел ги повикува медицинските тимови да избегнуваат контакт со елементи на Хезболах и да не соработуваат со нив, пишува Гардијан.
Во соопштението израелската армија повторно им нареди на граѓаните на Либан да избегнуваат движење кон југот на земјата. Либанската влада објави дека 1,2 милиони луѓе се раселени од своите домови поради ескалацијата на борбите и израелските воздушни напади врз земјата.
Десетици илјади Израелци, исто така, мораа да ги напуштат своите домови на северот на Израел поради континуираниот ракетен истрел врз Израел од јужен Либан, пренесува Танјуг.
Европа
(Видео) Трагична сообраќајна несреќа во Германија: загинаа мајка и две деца кога автомобил удрил во нив на тротоар
Германија вчера ја потресе трагична сообраќајна несреќа. Пешак и нејзините два сина биле удрени од автомобил во Еслинген кај Штутгарт, а сите тројца загинале на местото на несреќата. Истрагата е во тек, а полицијата интензивно трага по сведоци на трагедијата.
39-годишна жена и нејзините два сина на возраст од шест и три години загинаа кога автомобил удрил во нив на тротоарот во Еслинген покрај реката Некар, откако 54-годишниот возач од непозната причина излетал од патот и ги прегазил.
Во моментот на несреќата возачот удрил и во друго возило, чиј возач исто така бил пренесен во болница.
Drei Tote: Fußgänger von PKW erfasst in #Esslingen – #Weil https://t.co/DJuKGnyiH9 pic.twitter.com/V42LdiWJgk
— 7aktuell (@7aktuell) October 22, 2024
По наредба на државното правобранителство во Штутгарт, ангажиран е вештак за расветлување на околностите и причината за несреќата. „Засега нема индикации за намерно дело“, изјави портпаролот на полицијата.
Локалната заедница ја потресе трагедијата, а очевидци велат дека полицајците плачеле кога ги виделе сцените од оваа трагедија.
На местото на настанот, покрај бројните полицајци, пожарникари и итните служби, имало и неколку стручни лица за итна психосоцијална помош, кои им пружиле поддршка на сведоците и членовите на семејството.
Истрагата треба да даде одговори на прашањето зошто се случила несреќата.