Спорт
Спалети нов селектор на „аѕурите“, Наполи најавува тужба
![](https://makfax.com.mk/wp-content/uploads/2023/08/F31OmsmW8AApm-8.jpg)
Поранешниот тренер на Наполи, Лучано Спалети и официјално е промовиран во нов селектор на Италија од 1 септември до крајот на Светското првенство во 2026 година, наследувајќи го Роберто Манчини и дебитирајќи против Македонија во квалификациите за Европското првенство во 2024.
Италијанската фудбалска федерација (ФИГЦ) го потврди ангажирањето на Спалети вечерва, откако тренерот го напушти Наполи, од каде што си замина на 30 јуни откако ја донесе првата италијанска титула по пауза од 30 години. Наполи дозволи да си замине со потпишување на договор од седум страници со клаузула од 3 милиони евра кои ќе треба да ги исплати ако најде нова работа една година пред крајот на договорот.
ФИГЦ инсистираат дека ова се однесува само на клупскиот фудбал како директни ривали на Наполи, но италјанскиот шампион најави тужба против федерацијата и тренерот.
„Му посакуваме добредојде на Спалети. Репрезентацијата секогаш заслужува голем тренер и со неговите квалитети ќе ги надминеме предизвиците кои следуваат“, вели претседателот на ФИГЦ, Габриеле Гравина.
⚽️ 𝗟𝘂𝗰𝗶𝗮𝗻𝗼 𝗦𝗽𝗮𝗹𝗹𝗲𝘁𝘁𝗶 è il nuovo 𝗖𝗧 della #Nazionale 🇮🇹
🗣 Gravina: "Il suo entusiasmo e la sua competenza saranno fondamentali"
📄 Il comunicato 👉🏻 https://t.co/mnthIscXWw#Spalletti #Azzurri #VivoAzzurro pic.twitter.com/aw8yT4TVML
— Nazionale Italiana ⭐️⭐️⭐️⭐️ (@Azzurri) August 18, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.