Регион
Полицајката Џенана по казна била преместена во Градачац, правела проблеми во Тузла
Полицајката Џенана С., која била во контакт со тројниот убиец Нермин Сулејмановиќ, била префрлена во станица во Градачац по казна.
Аваз открива дека кариерата на полицајката Џенана веќе била компромитирана и дека многу порано имало елементи за нејзино суспендирање, односно исклучување од редовите на оние кои треба да ги штитат граѓаните и да ги спроведуваат законите.
Џенана наводно работела во Централната полициската управа во Тузла, но откако било откриено дека има непрофесионална комуникација со луѓе од криминалното милје, била префрлена на работа во мала полициска станица во Градачац.
Инспекторите наводно дошле до фотографии кои докажуваат дека полицајката освен со монструмот од Градачац имала контакти и со други лица од криминалната средина и дека често објавувала заеднички фотографии на својот Инстаграм профил.
Аваз потсетува дека откако беше објавено дека Џенана имала близок контакт со налудничавиот убиец Нермин Сулејмановиќ, МВР на Тузланскиот Кантон одлучи да ја суспендира.
По убиството, тамошните медиуми објавија неофицијални информации дека Џенана била во врска со Нермин Сулејмановиќ, а за нив знаела и убиената Низама Хеќимовиќ, невенчаната сопруга на убиецот и дека поради тоа била тепана.
Но, адвокатот на полицајката ја демантираше оваа информација.
Џенана одговори на пораката во која медиумите ја поканија да ја каже и нејзината страна на приказната, но рече дека самата не може да зборува додека не се консултира со адвокат.
Нејзиниот адвокат тврди дека неговиот клиент не само што не го открил скривалиштето на Низама, туку дека таа немала никаква врска со Нермин Сулејмановиќ, особено не романтична.
– Она што можам да ви го кажам е дека мојата клиентка Џенана немала никаков контакт со лицето кое ги извршило овие тешки кривични дела, ниту пак имала информации каде се наоѓа лицето кое загина во овој настан. Истражните органи на кантонот Тузла, во соработка со обвинителството, водат истрага против Џенана, но знаеме дека нема индикации дека таа имала некаква поврзаност со убиецот. Таа е полицаец во Градачац, местото е мало и сите се познаваат со секого, па се знае дека е примерен службеник против кој никогаш не е покрената дисциплинска постапка. Тврдиме дека никому не дала никакви информации за жртвата, ниту, сепак, била распоредена на работно место каде што би имала пристап до такви информации – изјави за Јутарњи лист, адвокат со исто презиме како и убиената Низама Хеќимовиќ.
Од Комеморативниот центар во Тузла наведуваат дека убиецот од Градачац Нермин Сулејмановиќ не е погребан, и дека никој не дошол да го земе неговото тело.
Според Амер Хајдархоџиќ, шефот на службата во Комеморативниот центар Тузла изјавил дека никој не се јавил да го преземе телото, а Центарот нема ни законска можност да го изврши погребот.
Телото на убиецот Нермин се уште е во нивните фрижидери.
Утрово било наредено вештачење на мобилниот телефон на убиецот, кое можело да открие со кои судии и полицајци разговарал, кој бил „кртот“ во МВР на Тузланскиот Кантон и ја открил адресата на неговата невенчана сопруга Низама Хеќимовиќ, која ја убил, а што го пренесуваше во живо на својот Инстаграм профил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Регион
Дачиќ и Весиќ: Човечки фактор е причина за судирот на возовите
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар.
– Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ.
Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот.
„Најважно е да нема жртви“, изјави Дачиќ за новинарите.
Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари.
– Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ.
Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците.
Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден.
Регион
Дачиќ: Припадниците на полицијата евакуираа девет лица од возовите
Веднаш по добиената дојава дека во тунел дошло до судир меѓу патнички и товарен воз, на местото на настанот пристигнале бројни полициски сили и 25 пожарникари-спасувачи со седум возила, со оглед дека екипите на итната медицинска помош нене можеле да се приближат до местото на судирот, изјави вечерва министерот за внатрешни работи Ивица Дачиќ.
Пожарникарите-спасувачи успеале, како што додаде, да стигнат до местото и евакуирале девет повредени лица и ги предале на екипите на итната помош за понатамошно лекување.
„Припадниците на српската полиција се уште се на терен и ги преземаат сите мерки и дејствија од нивна надлежност“, изјави Дачиќ.