Македонија
Левица: Расте бројот на измамени граѓани со брзи кредити, ќе иницираме законски измени
![](https://makfax.com.mk/wp-content/uploads/2023/08/бесими.jpg)
Расте бројот на оштетени граѓани што никогаш не зеле брзи кредити, а „продавниците за пари“ ги известуваат дека треба да враќаат кредити за кои воопшто не аплицирале, реагираат од Левица.
Во 2021 година во Македонија, како што информираат, се регистрирани 142 кривични дела за злоупотреба на лични податоци, за кои по преземени мерки, кривично се пријавени 67 сторители.
„Во 2022 година регистрирани се 125 кривични дела и мерки на кривичен прогон се преземени против 76 сторители, додека во 2023 година само за седум месеци има 65 пријави до МВР“, велат од партијата.
Вистинската бројка на ваквите случаи според Левица, сигурно е поголема, затоа што голем дел од оштетените граѓани стравуваат од извршители и наместо да пријават, ги плаќаат туѓите долгови.
Левица претходно реагираше дека во овој бизнис се инволвирани роднини на политичката елита, како синовите на Љубчо Георгиевски и Зоран Верушевски, како и мајката на Трајче Заев.
„Продавниците за пари“ како што оценуваат, со голема леснотија одобруваат потрошувачки кредити, каде не е потребно кредитобарателот да се идентификува со физичко присуство, освен ако кредитот го подигнува во готовина.
„Наменските или стоковите кредити се исплаќаат директно на добавувачот, без притоа да се достави профактура или договор за намената за која е одобрен кредитот.
Министерството за финансии, и покрај тоа што е задолжено да врши надзор над овие „продавници за пари“ како финансиски друштва, сепак, министерот Бесими воопшто не се огласува за проблемот со масовната појава на измами во овие друштва“, реагираат од оваа партија.
Додаваат дека согласно измените на Законот за заштита на потрошувачите при договори за потрошувачки кредити, договорите се склучуваат во писмена форма или преку друг траен медиум, иако претходно се сметаа ништовни договорите кои не се склучени во писмена форма и беше предвидена глоба во износ од 3 000 до 5 000 евра.
Левица како што информираат, ќе поднесе измени на Законот за заштита на потрошувачите при договори за потрошувачки кредити, со што ќе се спречи одобрените кредити да ги користат лица кои не се вистинските кредитобаратели и ќе заврши грабежот на граѓаните кои не зеле брзи кредити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Николоски: Борбата со корупцијата и криминалот е главен приоритет на оваа Влада
![](https://makfax.com.mk/wp-content/uploads/2024/07/IMG-20240702-WA0000.jpg)
Заменик на претседателот на Владата и Министер за транспорт, Александар Николоски, денеска оствари работна средба со Александар Јанев, директор на Бирото за јавна безбедност.
На средбата присуствуваа и дел од тимот на директорот на Бирото за јавна безбедност кои работат на предмети од областа на организираниот криминал и корупција.
На средбата се разговараше за информациите објавени во последниот извештај на Државниот завод за ревизија, а во однос на направената ревизија за реализација на капиталните инвестиции во ЈП за државни патишта и во ЈП за железничка инфраструктура, како можни индиции за неодговорно трошење на буџетски средства.
“На денешната средба разговаравме за индиции за сторен криминал и неодговорното трошење пари во рамки на ЈП за државни патишта и во ЈП за железничка инфраструктура. Овие индиции произлегоа од извештајот за реализација на капиталните инвестиции на Државниот завод за ревизија, а во следниот период ќе се разгледуваат и други предмети и активности во рамки на министерството за транспорт и институциите кои се под негова надлежност.
Борбата со корупцијата и криминалот е главен приоритет на оваа Влада. Ќе се истражи целата работа и сиот можен криминал. Нема да дозволиме никој да ги краде народните пари и никој не смее да биде над законите”, истакна министерот Николоски по средбата.
Македонија
Лога: Никој не може да им го забрани на албанските граѓани користењето на нивното национално знаме
![](https://makfax.com.mk/wp-content/uploads/2024/05/loga.jpg)
Никој не може да им го забрани на албанските граѓани на Северна Македонија користењето на нивното национално знаме, а уште помалку Димитриевски; тој може да дозволи или да забрани знамиња во неговиот приватен дом, истакнува Кренар Лога, генералниот секретар на АА.
Владата, додава Лога во својот напис на социјалните мрежи, е дом на сите граѓани на Северна Македонија, а следствено и на 1/3 од вкупното население, во овој случај Албанците.
„Секоја заедница може да го користи своето знаме, кои се дел од преамбулата на оваа држава, како турското, бошњачкото, влашкото, ромското, египетското итн.
Државното знаме на Северна Македонија е почитувано од сите и затоа сите треба да ги почитуваат соодветните симболи. Таканаречениот српски етноцентризам се појавува како црн облак над нашата земја, и е лош знак, затоа запрете ги експериментите врз државата која секој ден се повеќе се обидувате да ја поделите и разедините. Засукајте ги ракавите и работете за иднината на оваа земја, доста со постизборна кампања“, потенцира Лога.
Македонија
ССНМ ги осудува заканите кон колегата Видиновски и бара негова заштита
![](https://makfax.com.mk/wp-content/uploads/2022/07/SSNM-logo-pomalo.jpg)
Самостојниот синдикат на новинари и медиумски работници ги осудува директните закани кон колегата од Канал 5 Александар Видиновски и бара од надлежните да постапуваат по очигледната закана по безбедноста на новинарот.
Под објавата на својот Фејсбук профил на неговата репортажа од Пустец, Албанија, Видиновски доби сериозни и застрашувачки закани од лицето Виктор Стојанов кое има забрана за влез во Македонија на неопределено време поради дејствија насочени против македонската држава. Тој го обвини Видиновски дека лаже и му се закани со притворање.
ССНМ смета дека “слободата“ секој на свој начин да го толкува новинарскиот труд и да си зема за право да се заканува по социјалните мрежи и во коментарите на објавените вести, па и во лична комуникација, добива на интензитет и затоа, брза и ефективна реакција на соодветните институции е исклучително важна во делот на сузбивање на веќе востановената пракса. Ваквите форми на притисоци и директни напади врз новинарите и медиумските работници претставуваат и закана за слободното изразување и слободата на медиумите, а лесно може да се претворат во посериозно попречување на работата на новинарите која е од јавен интерес.
Во исто време ССНМ бара од Министерството за надворешни работи да реагира до бугарското МНР бидејќи според договорот за добрососедство двете страни се обврзани да регистрираат и постапуваат по акти со говор на омраза кон другата страна.