Европа
Британија: Руски бомбардер уништен со дрон
Во своите најнови разузнавачки информации Министерството за одбрана на Обединетото Кралство ги потврди извештаите дека руски бомбардер со долг дострел е уништен од напад на украинско беспилотно летало. Министерството за одбрана на „Твитер“ објави дека во саботата, најверојатно, е уништен руски бомбардер со среден тип, „ту-22М3“, во воздухопловна база во Новгородската област, на 650 километри од украинската граница.
Latest Defence Intelligence update on the situation in Ukraine – 22 August 2023
Find out more about Defence Intelligence’s use of language: https://t.co/WYHfB5NZIN
🇺🇦 #StandWithUkraine 🇺🇦 pic.twitter.com/Ab4QQUyeMF
— Ministry of Defence 🇬🇧 (@DefenceHQ) August 22, 2023
Руското Министерство за одбрана соопшти дека за нападот е одговорен дрон.
„Ако е вистина, тоа додава тежина на оценката дека некои напади со беспилотни летала врз руски воени цели биле извршени од руска територија. Беспилотните летала, веројатно, нема да имаат дострел да стигнат до Солцки-2 надвор од Русија“, напиша Министерството за одбрана на X, порано познато како „Твитер“.
Би-би-си: Гордоста на руските воздухопловни сили е уништена
Би-би-си и украинските медиуми јавуваат дека Украина уништи суперсоничен руски авион за време на напад со руски беспилотни летала. Извештаите се засноваат на слики објавени на социјалните мрежи, на кои се гледа како гори бомбардер со долг дострел „туполев ту-22“, слики анализирани од Би-би-си.
Pictures from Soltsy-2 have finally leaked and it does not look good. Looks like a lone RuAF Tu-22(M3?) took a direct hit. pic.twitter.com/PIstWtGEYw
— Intel Crab (@IntelCrab) August 20, 2023
Запалениот авион се чини дека е јужно од Санкт Петербург, објави Би-би-си користејќи историски сателитски снимки од воздухопловната база. Според Би-би-си, авионот бил лоциран на местото на нападот и бил интензивно користен за лансирање проектили во Украина за време на војната. „Фотографиите објавени на платформата за социјалниот медиум ‘Телеграм’ покажуваат како голем пожар го зафати авионот „ту-22“ со карактеристичниот конус“, објави Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.