Европа
Вучиќ по средбата со Зеленски: Ќе биде жешка есен, ќе има уште многу проблеми
Претседателот на Србија, Александар Вучиќ, се сретна со претседателот на Украина, Володимир Зеленски, по што ќе разговара и со премиерот на Грција, Киријакос Мицотакис и со претседателот на Црна Гора, Јаков Милатовиќ.
„Огромна можност да разговараме со европските лидери и да видиме каде е нашата иднина. Утрово имав средба со Володомир Зеленски, претстојни средби со Јаков Милатовиќ и Мицотакис околу пладне. Она што е важно за луѓето во Србија е дека разговаравме и со Урсула фон дер Лајен. И таа и Шарл Мишел ја повторија важноста на агендата за раст и како ЕУ подготвува за октомври програма за раст за земјите од Западен Балкан, за подобрување на нашите економски перформанси. Покрај помошта со разни програми, субвенции, стимулации за многу важни работи, пред се во зелената агенда, очекувам и паричен прилив за земјите од Западен Балкан, кој секако би бил многу значаен во денешни услови. Разговаравме и за стратешки работи“, рече Вучиќ во обраќањето по средбата со Зеленски.
Вучиќ во своето обраќање спомена и дека Србија очигледно е поврторно критикувана за речиси никаков напредок во владеењето на правото.
„Мислам дека е важно да се каже дека мора да знаеме дека во декември очекуваме Молдавија и Украина да го добијат датумот за почеток на преговорите. Добија кандидатски статус, сега ќе добијат датум. Што се однесува до нас останатите, за нас е важно она што го најави Фон дер Лајен во однос на политиката на раст. Во моментов од 27 земји имаат 10 кои ги финансираат сите останати. Нема други кои можат да бидат нето-придонесувачи, тие не можат да прифатат други. Се разбира, тие ја туркаат Украина во моментов, бидејќи таа е во војна и работи за сите нив и мора да добие поттик, но штом слушнам забелешки за владеење на правото, знам каде оди, знам како оди. И кога станува збор за некои други земји. За нас е многу важно рационално да гледаме што можеме да направиме, особено во однос на заедничкиот економски пазар“.
View this post on Instagram
„Зеленски праша што мислат луѓето во Србија и зошто. Му кажав што се случи во 1999 година и потврдив дека Србија го поддржува територијалниот интегритет на Украина и ќе продолжи да го прави тоа. Разговаравме за различни форми на соработка. И треба да размислат како ќе ја обноват државата. „Мислам дека нема да има промена на Украина кон Србија што се однесува до територијалниот интегритет“, рече Вучиќ.
Тој додаде дека Украина никогаш не направила ништо против Србија, како што Србија никогаш не направила ништо против Украина.
„Не се согласивме со примена на санкции против Русија, има друг дел, но за тоа ќе зборувам подоцна“, рече претседателот на Србија и додаде дека „се трудевме да не бидеме најгласни дури и во обвинувањата кон другите“.
„Нашата работа е да ги заштитиме нашите интереси. Не се согласивме со делот од Декларацијата што зборува за санкции, имаше уште еден, прецизно ќе ви го прочитам. Ќе биде жешка есен, бидејќи ситуацијата не е лесна, ќе има уште многу проблеми“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Путин се закани на Западот со нуклеарно оружје, „но овој пат заканата беше малку поинаква“, наведува Скај њуз
Вчерашниот говор на Владимир Путин, во кој тој му се закани на Западот со нуклеарно оружје, не беше прв, а веројатно ниту последен пат кога прибегна кон таков пристап. Но, како што наведува московскиот дописник на Скај њуз Ајвор Бенет, овој пат заканата беше малку поинаква од оние што имавме можност да ги слушаме откако Русија започна целосна инвазија на Украина во февруари 2022 година.
Како што наведува, тоа бил „поконкретен, подефиниран обид на Москва да ги прекрои црвените линии“. Сето ова е поврзано со руската нуклеарна доктрина – документ кој дефинира кога и како Москва може да го користи својот нуклеарен арсенал.
Putin's new nuclear bluff.
Putin has announced changes to Russia's nuclear doctrine. The proposal is to include a clause, according to which a war against Russia by a non-nuclear country with the support of a nuclear power will become grounds for using Russian nuclear weapons.… pic.twitter.com/V7cy5tmIuI
— Anton Gerashchenko (@Gerashchenko_en) September 25, 2024
„Во моментов тоа е само ако е загрозено постоењето на државата. Но вчера Путин рече дека сака да ја промени оваа доктрина, така што, теоретски, Русија може да одговори со нуклеарни бомби на напад од која било држава што користи конвенционално оружје – како на пр. проектили, беспилотни летала и авиони“, јави дописникот на Скај њуз од Москва.
Ова е значајно бидејќи токму тоа се случува со Украина, посочува тој. Путин, исто така, рече дека Кремљ ќе го разгледа секој напад од ненуклеарна сила поддржана од нуклеарна сила како заеднички напад. Тоа е всушност предупредување, или закана за сојузниците на Украина.
Кремљ денеска дополнително ја нагласи оваа закана, па портпаролот на Путин, Дмитриј Песков, тврди дека вчерашната најава за промена на руската нуклеарна доктрина „Западот треба да ја сфати како специфичен сигнал“.
Но, треба да се има на ум дека Путин претходно се закануваше дека ќе возврати на Западот, а не „само“ нуклеарно и не реализираше ниту една од овие закани. Испраќањето проектили, тенкови и борбени авиони во Украина дојде и пројде без никакви последици.
Имаше, се разбира, многу руски закани за нуклеарен Армагедон и можеби сега двете страни чувствуваат дека овој вид јазик изгубил дел од своето влијание, вели дописникот на Скај њуз и заклучува дека веројатно тоа е уште еден блеф на Путин.
Европа
Објавени имињата на мажите кои ја силуваа 71-годишната Французинка на покана на нејзиниот сопруг
Во Франција во тек е судењето за болниот случај за масовно силување на 71-годишната Жизел Пелико, која една деценија била дрогирана од нејзиниот сопруг Доминик Пелико, а во исто време повикувал непознати луѓе да ја силуваат.
Пелико често ги снимал овие сцени, а во последниве недели се редат признанијата на обвинетите за ова грозоморно злосторство.
Сега се објавени идентитетите и професиите на злосторниците, пренесува францускиот медиум NZ Herald.
Jätiste pildil kujutatud mehi ühendab see, et nad on kohtu all, süüdistatuna teadvusetu võõra naise korduvas vägistamises. Naine on 71-aastane Gisele Pelicot, keda tema abikaasa Dominique Pelicot, ilma tema teadmata uimastas ja seejärel kutsus teisi mehi oma majja naist vägistama pic.twitter.com/eqaJLdx86i
— kadi estland (@EstlandKadi) September 26, 2024
Меѓу нив се мотоциклистот Хјуг Малаго (39), земјоделскиот работник Енди Родригез (37), Матје Дартус (53), пензионираниот пожарникар Жак Кубо, ИТ работникот Лионел Родригез (44), сликарот Хусаметин Доган (43) и Тиери Парисис (54) локален бизнисмен.
Седумте се дел од пошироката група од околу 50 мажи кои повеќе од една деценија беа регрутирани преку интернет од Доминик Пелико, пензиониран електричар сега познат како „Чудовиштето од Авињон“, кој ги канел во својот дом за да ја силува сопругата, откако таа била онесвестена од силните седативи што и ги давал.
Некои обвинети тврдат дека Пелико ги измамил со тоа што ги убедувал да ја силуваат Жизел, но тој при признанието дека е силувач, тврдеше дека и сите други соучесници се силувачи како него.
Европа
(Видео) Сè уште нема трага од бабата и нејзиниот внук, кои исчезнаа за време на поплавата во Италија
Сè уште нема трага од баба Сабина и нејзиниот петмесечен внук Ноа, кои исчезнаа за време на поплавата во Италија.
Во понеделникот вечерта, околу 21 часот, огромен бран на поројот Стерца, кој тече меѓу ридовите Монтекатини Вал ди Чечина, во областа Пиза, ги однесе од куќата.
Мајката, таткото и дедото на детето се безбедни бидејќи имале време да се фатат за столбовите од тремот од куќата и за дрвјата. Првите информации беа дека тие се качиле на покривот на куќата, од каде што биле спасени.
❌#Maltempo #Pisa, prosegue la ricerca di nonna e nipote dispersi a Montecatini Val di Cecina: #vigilidelfuoco con sommozzatori, soccorritori fluviali, droni, cinofili ed elicottero in azione tra loc. Lagabella e Canneto.
Situazione migliorata tra Pisa e Livorno [#23settembre 9] pic.twitter.com/x5b6Yeill0— Vigili del Fuoco (@vigilidelfuoco) September 24, 2024
Семејството е по потекло од Минхен и беше на одмор во Тоскана 10-ина дена. Веднаш е почната потрага по нив со помош на повеќе од 100 лица, меѓу кои и пожарникари и Црвениот крст. Освен кучиња трагачи, се користат и дронови и хеликоптер. Потрагата засега е неуспешна.
Непрестајниот дожд во понеделникот беснееше низ Вал ди Чесина, на границата меѓу провинциите Пиза и Ливорно, а нивото на реките се зголеми за неколку часа. Кога водата почна да надоаѓа во изнајмената куќа на фармата кај Стерза, надвор веќе беше темно темно, објавија италијанските медиуми.
Според медиумите, германското семејство ги повикало пожарникарите на помош во понеделникот околу 21.30 часот, но јазичната бариера ја отежнала комуникацијата. Врската била прекината, а неколку минути подоцна бебето и бабата биле однесени од силната струја на надојдениот бран.