Спорт
Кошаркарската легенда Стив Кер стана акционер во фудбалскиот клуб Мајорка
Кошаркарска легенда и актуелен тренер на американската кошаркарска репрезентација, Стив Кер стана малцински акционер во РЦД Мајорка, како дел од инветициската групација предводена од претседателот на клубот, Енди Колберг.
Колберг го купи клубот во текот на летото од поранешниот сопственик на НБА клубот Финикс санс, Роберт Сарвер, а самиот Кер изјави дека веќе присуствувал на еден меч на Мајорка минатото лето. Помеѓу помалите акционери на клубот е уште едно звучно име од НБА, Стив Неш, како и поранешниот фудбалер на Челси, Греем Ле Со.
„Јас сум пријател со Енди и ова лето тој ми кажуваше за сопственичкото менување и ми понуди да бидам дел од инвестициската група. Бев во Мајорк минатото лето и гледав еден меч и станав навивач. Ова е возбудлива можност за мене. Лани станав член на клубот и сега ги следам сите мечеви. Мотивиран сум, не само како акционер, туку и како нов навивач“, вели Кер.
Мајорка пред две години се врати во Ла лига, а минатата сезона обезбеди топ 10 пласман.
🏀 Steve Kerr reaches RCD Mallorca ownership, a year after visiting the island.
☺️ Steve Kerr joins Steve Nash, another NBA great and fellow club shareholder and fan, something that turns the club into quite the NBA Hall of Fame. pic.twitter.com/5r0QcyQ2eA
— RCD_MallorcaEN (@RCD_MallorcaEN) August 22, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Де Минор го декласира Медведев на Ролан Гарос
Австралиецот Алекс Де Минор го победи Данил медведев во осминафиналето на Ролан Гарос. Австралија по 20 години има четвртфиналист во машка конкуренција.
Два часа и 46 минути траеше мечот меѓу 11. и 5. играч во светот и заврши по четири сета со триумф на Де Минор, 3:1 (4:6, 6:2, 6:1, 6:3).
Присуствувавме на едно од најголемите изненадувања оваа година во Париз, иако почетокот не навестуваше такво сценарио
Медведев направи брејк веќе во третиот гем и лесно ја чуваше предноста до крајот на сетот за водство од 1:0.
Рускиот тенисер направи брејк и на почетокот на вториот сет, потоа побара медицински тај-аут и од тој момент неговата игра се распадна.
Де Минор значително го рена нивото на сојата игра, до крајот на сетот освои пет гема по ред, а во исто темпо продолжи и во третиот сет во кој му препушти само еден гем на Медведев.
Во четвртиот сет Де Минор направи брејк, Медведев возврати, но потоа со уште два брејка Австралиецот го реши мечот.
Во четвртфиналето Де Минор ќе игра против Александар Зверев или Холгер Руне.
Спорт
Скапо ги плати грешките, Окон ќе го напушти Алпин
Естебан Окон ќе го напушти Алпин на крајот од актуелната сезона. Францускиот тим има лоша сезона, а работите сериозно се вжештија по амбициозниот обид на Окон да го претекне тимскиот колега Пјер Гасли на Големата награда на Монте Карло.
Окон удри во задниот дел од возилото на неговиот колега, го оштети своето возило и по само еден круг испадна од трката. Бидејќи ова не му беше прва глупост што ја направи тимот реши да се раздели со возачот.
По ангажманот во Форс Индија, Французинот се избори за договор со Рено, кој го промени брендот во 2021 година и го доби името Алпин. Окон одлично се снајде во францускиот тим, дури и победи на Големата награда на Унгарија во 2021 година, беше осми во генералниот пласман во 2022 година, но 2024 година е кошмарна за целиот тим.
Се шпекулураше дека Алпин ќе го казни Окон со тоа што нема да му дозволи да вози на Големата награда на Канада, но последиците за Окон ќе бидат поголеми.
Ќе го напушти тимот и веќе е во потрага по нов ангажман. Медиумите шпекулираат дека наредната сезона би можел да вози во Хас или Заубер.
Спорт
(Видео) Мбапе не знаејќи на јавноста и откри кога Реал ќе го објави неговиот трансфер
Килијан Мбапе кариерата ќе ја продолжи во дресот на Реал Мадрид. Напаѓачот утрово на францускиот претседател Емануел Макрон му открил кога трансферот ќе биде официјално потврден.
Претседателот на Франција го посети кампот на националниот тим кој се подготвува за Европското првенство. На заминување разговараше со Мбапе.
„Како си? Дали е потпишано?“, го праша Макрон францускиот напаѓач, а тој кимна со главата како потврда.
Потоа, Макрон го праша Мбапе кога се ќе биде официјализирано, а тој одговори:
„Вечерва, вечерва“.
Во Реал го чекаа крајот на сезоната и одигрувањето на финалето на Лигата на шампионите, за да го објават трансферот на Мбапе.
🚨🇫🇷 Kylian Mbappé confirming to French president Emmanuel Macron that his move to Real Madrid will be ANNOUNCED today. pic.twitter.com/Sn7U2sg53l
— KMZ (@KM10Zone) June 3, 2024