Македонија
Доделени наградите за вело-општини: Општина Центар е највело-скопска општина за 2023
Општина Центар ја понесе титулата највело-општината во Скопје и околината за 2023 – признание што првпат годинава го воведува здружението на граѓани Центар за одржливи иницијативи заедно со групата ентузијасти, со цел подобро велосипедско Скопје, „На точак“.
Бодирањето на општините, како што известија, се изврши врз база на критериум (методологија) развиен во рамките на проектот „Граѓанските организации во акција за климатските промени“.
Притоа беа земени многубројни карактеристики и активности, кои општините ги сработиле за велосипедистите во периодот 2021-2023, а информациите беа побарани по пат на барање информации од јавен карактер. Покрај тоа, беше спроведена и јавна анкета наменета за граѓаните, велат надлежните.
Методологијата, како што појаснуваат ги следи европските и светските стандарди, но e приспособена за локалното подрачје.
„Општините што не доставија информации добија 0 бода. Од вкупно 17 општини, четири општини на доставија одговори.
Сепак, иако жири-комисијата едногласно одлучи Општина Центар да биде прогласена за победничка, таа освои вкупно 49 бода од можни 100. Ова покажува дека и покрај тоа што Општината најмногу се залага за овозможување услови за граѓаните, останува уште многу простор за подобрување.
Наградата од јавноста ја доби Општина Аеродром со освоени најмногу поени на јавната онлајн-анкета пополнета од повеќе од 1.000 граѓани.
Наградата за рурална општина со најголем исчекор ја освои Општина Илинден. Оваа општина покажа значителен и најголем напредок за разлика од другите рурални општини инвестирајќи во нова велосипедска инфраструктура – вело-патеки и паркинзи“, се истакнува во соопштението.
Покрај овие три, жири-комисијата одлучила да додели уште две награди – за најповрзувачка општина и општина со најголем потенцијал.
Особено признание од комисијата добила Општина Гази Баба за остварување велосипедска рекреативна инфраструктура по должината на Вардар, која воедно служи за поврзување со општините Аеродром, Центар и Карпош.
Општина Петровец, пак, го понесе признанието за општина со најголем потенцијал поради покажаниот интерес да инвестира во велосипедската инфраструктура преку изведбата на првата вело-патека во општината, која го поврзува Скопскиот Регион со светот.
Ова признание треба да послужи како дополнително мотивирање на руралните општини за развој во насока на пријателска вело-атмосфера и охрабрување да продолжат со поврзување на вело-инфраструктура во своите граници и меѓуопштински.
„Би сакале да нагласиме дека целта на овие награди е општините преку позитивен пример да ги зголемат заложбите за подобрување на велосипедската инфраструктура, а со тоа и за климатска акција. Се надеваме дека изборот ќе продолжи и во иднина, па дури и да се претвори во традиција“, вели Мери Бакалова-Стојанова од здружението на граѓани Центар за одржливи иницијативи.
Јавната онлајн-анкета покажала дека граѓаните најчесто го користат велосипедот како превозно средство за движење во општините Центар, Карпош и Аеродром.
Оценувајќи ја велосипедската инфраструктура, речиси половина од испитаниците (48,2 %) изјавиле дека немало никакви нови инвестиции во последната една и пол година.
„Една третина од испитаниците (37,4 %) исто така изјавија дека нивната општина не презема ништо за безбедноста на велосипедистите. Повеќето од граѓаните што ги споделија своите мислења со нас велат дека не се чувствуваат безбедно да возат велосипеди со детско седиште или деца да возат сами нагласувајќи дека може да биде особено ризично“, посочи Дарко Арсовски од „На точак“.
Градоначалникот на општина Центар, Горан Герасимовски, ја поздрави иницијативата и најави нови проекти за унапредување на вело-инфраструктурата во рамките на општината.
Воедно, соопшти дека преку општинскиот Совет е донесена и одлука за поставување задолжителен паркинг-простор во секој нов изграден проект во општина Центар.
Еден од главните заклучоци на јавната анкета е и дека граѓаните не се задоволни од бројот на јавно достапни паркинзи за велосипеди, а и оние што ги има, во најголем дел ги сметаат за нефункционални.
Поради ова, Општина Центар како највело-општина за 2023 доби вело-паркинг изведен по универзален дизајн.
На сите победнички општини им беа врачени статуетки, рачно изработени од волонтери креативци во столарска едукативна работилница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: Пет активни пожари во Македонија
Центарот за управување со кризи информира дека до 20:30 часот на територијата на државата има вкупно 20 пожари на отворен простор, од кои:
5 се активни, 3 под контрола, 12 се изгаснати
Активни пожари:
1. Општина Василево – с. Нивичино (нискостеблеста шума, смрека, грмушки и ниска вегетација)
2. Општина Македонски Брод 1 – с. Грешница (мешана шума и сува трева)
3. Општина Македонски Брод 2 – помеѓу с. Црешнево, с. Локвица, с. Крапа (деградирана дабова шума, грмушки и ниска вегетација)
4. Општина Прилеп – помеѓу селата Царевиќ и Смолани (мешана шума и нискостеблеста вегетација)
5. Општина Ресен – с. Покрвеник – с. Перово – с. Асамати – с. Наколец (трски и сува трева)
Пожари под контрола
1. Општина Желино – с. Желино према Еребино – планина Жеден (нискостеблеста шума, грмушки и ниска вегетација)
2. Општина Велес – кај селата Џидимирци – Крушје – Иванковци (мешана нискостеблеста деградирана шума)
3. Општина Струга – помеѓу селата Октиси и Белица (сува трева)
Изгаснати пожари
1. Општина Студеничани – с. Студеничани (сува трева)
2. Општина Крушево – с. Селце (сува трева)
3. Општина Македонски Брод – с. Слатина, м.в. Стојанова Населба (смрека, сува трева и друга ниска вегетација)
4. Општина Пробиштип – с. Бунеш (сува трева)
5. Општина Виница – ул. Славчо Стојменски (сува трева)
6. Општина Куманово – Градиште (ниска шума)
7. Општина Липково – с. Слупчане (стрниште и сува трева)
8. Општина Ранковце – с. Псача, м.в. Гладно Поље (сува трева)
9. Општина Кратово 1 – с. Железница (стрниште и сува трева)
10. Општина Кратово 2 – м.в. Филтер Станица Кратово (стрниште и сува трева)
11. Општина Гостивар – Депонија (ѓубре)
12. Општина Маврово-Ростуше – с. Дуф (ливада)
Македонија
Топлотен бран ја зафаќа Македонија, температурите ќе надминат 40°C
Од утре Македонија ќе биде зафатена од нов топлотен бран.
Според податоците на Управата за хидрометеоролошки работи, времето утре ќе биде претежно сончево и исклучително топло, со слаб до умерен ветер од западен и југозападен правец. Утринските температури ќе се движат околу 10°C, додека дневниот максимум ќе достигне и до високи 40°C.
Во вторник, жештината ќе продолжи со иста интензивност – сончево време без врнежи, со минимални температури од 12°C и максимални до 41°C.
Среда носи слична слика – стабилно, сончево и жешко, со мала до умерена облачност. Ќе дува слаб до умерен ветер од југозападен правец. Утринските температури ќе се бидат околу 11°C, а дневните ќе се искачуваат до 40°C.
Во четврток, се очекува живата во термометарот повторно да се искачи до максимални 41°C, што ќе биде четврти последователен ден со температури над 40 степени.
Министерството за здравство потсетува за почитување на општите препораки за заштита на населението од високи температури:
– Престојувајте во затворени, разладени простории, особено во периодот од 11 до 17 часот;
– Внесувајте доволно течности избегнувајќи алкохол и засладени пијалаци;
– Носете лесна, светла облека и користете заштита за главата и за очите;
– Избегнувајте физичка активност во најтоплите часови од денот;
– Посветете внимание на децата, на старите лица, на лицата со хронични заболувања и на бремените жени – овие групи се особено чувствителни на високи температури;
– Во случај на симптоми, како вртоглавица, главоболка, гадење или забрзан пулс, веднаш побарајте медицинска помош;
– Одложете активности на отворено во најтоплиот дел од денот;
– Обезбедете микроклиматски услови (разладени простории со температура до 25°C) на работното место и во домот.
Македонија
ЦУК: Седум активни пожари низ Македонија
Центарот за управување со кризи информира дека денеска се регистрирани вкупно 15 пожари на отворен простор, од кои 7 се активни, 2 се под контрола, а 6 се целосно изгаснати.
Активни пожари:
1. Општина Василево – с. Нивичино (нискостеблеста шума, смрека, грмушки и ниска вегетација)
2. Општина Македонски Брод 1 – с. Грешница (мешана шума и сува трева)
3. Општина Македонски Брод 2 (реактивиран) – помеѓу с. Црешнево, с. Локвица, с. Крапа (деградирана дабова шума, грмушки и ниска вегетација)
4. Општина Прилеп – помеѓу селата Царевиќ и Смолани (мешана шума и нискостеблеста вегетација)
5. Општина Струга – помеѓу селата Октиси и Белица (сува трева)
6. Општина Ресен – с. Покрвеник (трски и сува трева)
7. Општина Маврово-Ростуше – с. Дуф (ливада)
Под контрола:
1. Општина Желино – с. Желино према Еребино – планина Жеден (нискостеблеста шума, грмушки и ниска вегетација)
2. Општина Велес – кај селата Џидимирци – Крушје – Иванковци (мешана нискостеблеста деградирана шума)
Изгаснати се пожарите во: Студеничани, Крушево, Македонски Брод, Куманово, Липково и Ранковце.
(Видео) Лефков: Структури од СДС делуваат со бугарската антимакедонска пропаганда
До нас стигнаа информации кои укажуваат на јасна поврзаност на бугарската антимакедонска пропаганда и политички структури поврзани до и од...
(Видео) Кузеска: Тошковски кога ќе порасне сака да биде како Груевски – со партиска милиција под своја контрола
Очигледно министерот Панче Тошковски оди по стапките на својот идол – Никола Груевски и делува како негов партиски клон, рече...
(Видео) Мицевски: Обезбедени се средства од двата повици на Владата за Крива Паланка, ВМРО-ДПМНЕ се грижи за сите општини и сите граѓани
Координаторот на пратеничката група на ВМРО-ДПМНЕ, Никола Мицевски, денеска од Крива Паланка изјави дека преку двата повици на Владата, за...
(Видео) Манасиевски: СДС во октомври ги очекува дебакл
СДС ги очекува невиден дебакл во Скопје. Изборите ќе ги изгубат во октомври, како што 1 + 1 = 2....
(Видео) Димковски: Со 10 денари за откуп на пченица ВМРО-ДПМНЕ го закопа македонското земјоделство
Се случува хаос во земјоделието, земјоделците се оставени сами на себе едвај да преживуваат во тешки услови, кажа денеска на...
Пиштол и муниција пронајдени во домот на скопјанец, поведена истрага
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило...
ВМРО-ДПМНЕ: Шукова прифаќајќи да биде кандидат за Скопје, само му излезе во пресрет на Филипче, граѓаните знаат дека од СДС нема фајде
СДС и Венко Филипче со секоја нова тура на кандидати за градоначалници докажуваат дека само верно ги спроведуваат желбите на...
(Фото+видео) Тајфунот Вифа го парализира Хонг Конг – издадено највисоко предупредување, откажани над 200 летови
Хонг Конг издаде највисоко предупредување за бура – сигнал број 10 – додека тајфунот Вифа ги погоди јужните делови на...
(Видео) Шукова: Имам решенија за чисто, уредено и безбедно Скопје кое дише
Скопје може и мора да биде град за луѓето — чист, уреден, сообраќајно среден, зелен и безбеден. Град со кој...
(Видео) Попов: Јавните повици за младите сега се достапни за сите, нема веќе „прв дојден прв услужен“
Сергеј Попов, претседател на УМС на ВМРО-ДПМНЕ и пратеник во Собранието беше дел од денешната трибина „Како политиките на ВМРО-ДПМНЕ...
(Видео) Кузеска: Тошковски го претвора МВР во партиска милиција на ВМРО-ДПМНЕ
Во собраниска процедура е ставен невиден и скандалозен предлог-закон, кој претставува еден од низата опасни и антидржавни потези на министерот...
(Видео) Лефков: СДС повторно нанесува штета на Македонија вклучувајќи се во деструктивните операции спроведувани од бугарските служби
Имаме основано сомнение, поткрепено со точни информации и факти, дека во моментов се води координирана и насочена операција на дискредитација...
(Видео) Манасиевски: Филипче со ова СДС кое е слика на Заев, се доказ дека дното може да е се подлабоко
СДС под водство на Венко Филипче покажа само една работа – дека секогаш може да се оди подолу, дека дното...
СДСМ: Колапс во ЕСМ, ВМРО-ДПМНЕ направи загуба од 45 милиони евра
Неспособното раководство на ЕСМ, за само три месеци во 2025 година, направило загуба од 45 милиони евра, или дополнителни 11...
ЦУК: 35 пожари низ државата во изминатото деноноќие – четири сè уште активни
Центарот за управување со кризи информира дека во изминатото деноноќие се евидентирани вкупно 35 пожари на отворен простор низ државата....
(Видео) Шукова е кандидат на СДСМ за градоначалник на Скопје, објави Филипче
Претседателот на Социјалдемократскиот сојуз на Македонија, Венко Филипче, на денешната прес-конференција ја соопшти одлуката на Извршниот одбор на партијата, која...
МЗ: Нормализирано водоснабдувањето во Клиниката за белодробни заболувања „Козле“
Министерството за здравство информира дека водоснабдувањето во Универзитетската клиника за белодробни заболувања кај децата – Козле е целосно нормализирано. Од...
Возел со 3,15 промили алкохол во крвта, во полусвесна состојба: уапсен пијан скопјанец на патот Охрид-Кичево
Денеска (18.07.2025) околу 14 часот на патот Охрид-Кичево полициски службеници од ОВР Кичево го лишија од слобода Б.К.(48) од Скопје,...
Предметот за пожарот во “Пулс” префрлен во надлежност на ОЈО Скопје
Јавното обвинителство на Република Северна Македонија донесе Решение со кое го определи Основното јавно обвинителство Скопје за стварно и месно...
Зголемени температури во следните неколку дена – да се почитуваат општите препораки за заштита на здравјето
Министерството за здравство ја информира јавноста дека, во согласност со најновата прогноза од Управата за хидрометеоролошки работи (УХМР), во периодот...
