Европа
(Видео) Снимка од остатоците од авионот во кој наводно бил Пригожин

Авион се урна во регионот Твер во Русија, при што загинаа сите десет луѓе во него. Покрај тројцата членови на екипажот, во авионот имало и седум патници.
An Embraer Legacy 600 Business Jet going by RA-02795 which is Registered to Leader of the Wagner PMC Group, Yevgeny Prigozhin has reportedly Crashed in the Tver Region of Russia to the Northwest of Moscow resulting in the Death of all 4 who were Onboard; it is currently Unknown… pic.twitter.com/HFeBRKQMUx
— OSINTdefender (@sentdefender) August 23, 2023
На списокот на патници се најде и шефот на Вагнер, Евгениј Пригожин. Но, се уште не се знае дали навистина бил во авионот.
❗️Aircraft belonging to #Wagner PMC head #Prigozhin crashed in Russia.
All passengers on the aircraft were killed. Wagner founder Prigozhin allegedly was among the passengers of the plane, Russian media reported. pic.twitter.com/i5j29Db2Lh
— KyivPost (@KyivPost) August 23, 2023
На социјалните мрежи се појавија снимки од запален авион на земја.
The Russian Federal Air Transport Agency has announced that an Investigation has been launched to determine the “Cause” of the Aircraft Crash in the Tver Region which Killed all 10 Passengers onboard including Yevgeny Prigozhin. pic.twitter.com/1kguZWO4lr
— OSINTdefender (@sentdefender) August 23, 2023
„Чекаме потврда за смртта на Пригожин“, пишува Киев пост покрај објавата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
САД и ЕУ имаат 18 месеци да се подготват за можен вооружен конфликт со Кина и Русија, кажа командант на НАТО

Врховниот командант на НАТО во Европа, генерал Алексус Гринкевич, процени дека САД и Европската Унија имаат година и пол да се подготват за потенцијален глобален вооружен конфликт со Кина и Русија.
Тој додаде дека верува оти Пекинг и Москва би можеле да нападнат истовремено и координирано, пренесува „Билд“.
– Она што кинескиот лидер Си Џинпинг веројатно ќе го направи пред да одлучи да преземе воена акција против Тајван е да му се јави на својот пријател Путин и да го замоли за помош. Тоа за мене значи дека обете работи би можеле да се случат истовремено – рече Гринкевич за време на конференцијата за одбрана во Висбаден, Германија, каде што се наоѓа Командата на НАТО за безбедносна помош и обука на вооружените сили на Украина.
Тој додаде дека 2027 година би можела да биде „потенцијална кризна година“.
– Ќе ни треба секое оружје, опрема и муниција што можеме да ја набавиме за да бидеме подготвени – нагласи командантот на НАТО.
Според германскиот весник, во владините кругови во Берлин расте стравот дека Русија наскоро би можела да нападне една од помалите земји-членки на НАТО, бидејќи се очекува земјите од Алијансата да постигнат сериозни одбранбени способности дури во 2029 година.
Според „Билд“, некои министри во владата на Фридрих Мерц очекуваат дека руска воена провокација би можела да се случи во 2027 година.
Европа
Медведев: Можеби ќе бидат неопходни превентивни напади врз Западот

Поранешниот руски претседател Дмитриј Медведев денес изјави дека Западот практично води целосна војна против Русија и дека Москва треба да одговори на ист начин и, доколку е потребно, да изврши превентивни напади, објави руската државна новинска агенција ТАСС, пренесе „Ројтерс“.
Медведев, кој е заменик-претседател на Рускиот совет за безбедност, се претставуваше како либерален модернизатор кога беше претседател од 2008 до 2012 година, но оттогаш се позиционира силно како антизападен јастреб во Кремљ. Дипломатите велат дека неговите изјави го одразуваат размислувањето на дел од политичката елита.
„Она што се случува денес е посредничка војна, но во суштина тоа е целосна војна (лансирање западни ракети, сателитско извидување итн.), пакети-санкции, гласни изјави за милитаризација на Европа“, ТАСС го цитира Медведев. Тој го обвини Западот дека со векови се обидува да ја ослабне Москва.
„Ова е уште еден обид да се уништи историската аномалија што Западот ја мрази – Русија, нашата земја“, продолжи Медведев.
„Мораме да дејствуваме соодветно. Да одговориме целосно. И доколку е потребно, да извршиме превентивни напади“, рече тој додавајќи дека многумина на Запад носат предавство и застарени погледи за сопствената супериорност во крвта.
Воениот сојуз предводен од САД, НАТО, ја смета Русија за голема закана, а политичарите во Западна Европа честопати сугерираат дека Русија, која испрати десетици илјади војници во Украина во 2022 година, еден ден би можела да нападне земја членка на НАТО.
Медведев ги отфрли ваквите тврдења како целосна бесмислица истакнувајќи дека рускиот претседател Владимир Путин постојано ги негира.
„Изјавите на западните политичари на оваа тема се целосна бесмислица. Би додал дека оваа бесмислица е намерно поставена во информативниот простор со цел да се дестабилизира веќе сложената ситуација. Тоа е уште едно бојно поле на отворената војна на Западот против нас“, рече Медведев.
Русија и САД се, веројатно, најголемите нуклеарни сили во светот, со речиси 87 % од целото нуклеарно оружје по што следуваат Кина, Франција, Велика Британија, Индија, Пакистан, Израел и Северна Кореја, според Федерацијата на американските научници.
Европа
Украина изврши напади во Русија преку ноќ: дронови насочени кон Москва и Санкт Петербург

Руските власти и државните медиуми објавија напади од украински беспилотни летала во текот на ноќта во целата земја, вклучувајќи ги и Москва и западните региони на Русија.
Градоначалникот на Москва, Сергеј Собјанин, изјави дека руската воздушна одбрана соборила три беспилотни летала што се приближувале кон главниот град помеѓу 2 и 3 часот наутро по локално време. Тој додаде дека службите за итни случаи се на местото на настанот, но не даде информации за жртви или штети.
Во Санкт Петербург аеродромот „Пулково“ привремено го запре сообраќајот во 5 часот наутро, објави „Росавијација“. Иако причината не беше наведена, се верува дека станува збор за закана од беспилотни летала бидејќи руските аеродроми често ги приземјуваат летовите поради украинските напади. Според извештаите, најмалку 10 лета биле одложени.
Државната новинска агенција ТАСС соопшти дека беспилотните летала биле соборени источно од Санкт Петербург со употреба на системи за електронско војување.
Во регионот Смоленск, јужно од Санкт Петербург, гувернерот Василиј Анохин изјави дека се соборени 14 дрона, а едно лице е повредено.
Поблиску до линијата на фронтот, гувернерот на регионот Белгород, Вјачеслав Гладков, тврди дека украински дрон убил едно лице и ранил шест други во градот Белгород. Друго лице наводно е повредено во остатокот од регионот.
Во Воронеж руските канали на „Телеграм“ објавија дека дрон удрил во станбена зграда, при што се повредени три деца. Гувернерот Александар Гусев изјави дека во регионот се соборени најмалку пет дрона.
Во регионот Калуга гувернерот Владислав Шапша објави дека 14-годишно девојче е повредено кога три дрона биле соборени над регионот.
Руското Министерство за одбрана објави дека вкупно 122 украински дрона биле соборени над неколку делови од земјата.
Украинската војска сè уште не ги коментира наводните напади. Порталот „Киев индепендент“ забележува дека не може да ги потврди тврдењата на руските претставници или медиуми.