Регион
Во Грција уапсени 79 лица за подметнување пожар
![](https://makfax.com.mk/wp-content/uploads/2023/08/ret.jpg)
Грчките власти уапсија десетици лица осомничени за подметнување пожар додека шумскиот пожар, најголемиот во последните години во Европската унија, беснее низ земјата, јавува Си-Ен-Ен.
Грчката полиција уапси 79 лица под сомнение за подметнување пожар, изјави портпаролот на грчката влада Павлос Маринакис за јавната телевизија ЕПТ.
„Ова што се случува не само што е неприфатливо, туку и бизарно и криминално. Правите злосторство против државата. Нема да бидете поштедени. Ќе ве најдеме и ќе одговорите“, изјави грчкиот министер за климатска криза Василис Кикилијас, пренесува РТС.
Со изгорени повеќе од 73.000 хектари, пожарите во Александрополис официјално се најголемите пожари регистрирани досега во Европската унија, изјави европскиот комесар за управување со кризи Јанез Ленарчич.
Низ Грција, шумските пожари досега уништија 1,3 милијарди квадратни метри (130.000 хектари), што е рекорд на ЕУ, според Европскиот информативен систем за шумски пожари.
Шумските пожари во планината Парнита, северно од Атина, се уште се надвор од контрола, а во текот на ноќта се уништени повеќе шуми.
Најголемата огнена линија на фронтот во Грција е во близина на североисточниот град Александрополис, во регионот на Еврос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.
Регион
Се појавија нови сведоци во случајот со Данка Илиќ
![](https://makfax.com.mk/wp-content/uploads/2024/03/danka-ilic-1.jpg)
Во случајот со Данка Илиќ се појавија тројца сведоци, кои ќе бидат сослушани на 5 јули, потврдија од Вишото јавно обвинителство во Заечар.
Тие ќе бидат сослушани во врска со истрагата против Дејан Д. и Срѓан Ј., осомничени за убиството на двегодишната Данка, јавува „Данас.рс“.
Неофицијално, еден од нив е државјанин на Бор, а другите двајца се жители од Брестовачка Бања.
Покрај Дејан Д. и Срѓан Ј., во овој случај за убиството на девојчето осомничен е и таткото на Дејан Д. поради сомнение дека му помогнал на синот да го премести телото на девојчето.
Регион
Се преврте рингишпил во БиХ: има повредени деца, родителите со голи раце ги извлекувале под вртелешката
![](https://makfax.com.mk/wp-content/uploads/2024/05/dopisnica-iz-banata-ringispil-ljuljaska-zabavni-luna-park.jpg)
Во парк во Добој синоќа околу 20 часот пукнала вртелешка, а во таа пригода биле повредени деца, пишува „Независне“. „Зум ТВ Добој“ јавува дека четири деца се повредени и дека родителите ги однеле на раце во блискиот Здравствен дом.
Екипите на итната помош пристигнале на терен за неколку минути по инцидентот со рингишпилот, но родителите веќе ги однеле децата. „Нова.рс“ јавува дека од итната помош во Добој велат дека ниту едно дете не е во животна опасност.
Покрај родителите, повредените деца од под рингишпилот ги извлекувале и полициските службеници. Тие, според написите, со раце ја кренале конструкцијата на рингишпилот извлекувајќи ги децата.
Тамошните медиуми јавуваат дека сцените биле потресни додека децата плачелел и ги повикувале своите родители.
Полицијата во Добој соопшти дека го уапсила Б. Ј., а се работи за лицето што управувало со вртелешката што се преврте во паркот кога беа повредени неколку малолетници.
Од СВ Добој соопштено е дека синоќа е лишено од слобода лицето Б. Ј. поради сомнение дека сторило кривично дело предизвикување јавна опасност.
Б. Ј. ќе биде предаден денеска во надлежност на Окружното јавно обвинителство Добој заедно со пријава за сторено кривично дело.
Истрагата, која ја води дежурниот обвинител на Окружното јавно обвинителство во Добој, ќе продолжи денеска во присуство на вештаци.
Полицијата соопшти дека две малолетни лица се задржани на лекување во болницата „Свети апостол Лука“ во Добој, а едно малолетно лице добило полесни повреди и е пуштено на домашно лекување.