Регион
Косово губи повеќе од 500 милиони евра: приштинските економисти загрижени од однесувањето на Курти
Штетата за косовската економија ќе биде повеќе од 500 милиони евра доколку продолжат мерките што Европската унија ги воведе против Приштина, сметаат локални економски експерти.
Мерките директно ги засегаат производителите, додека актуелната влада на Албин Курти пред јавноста, како што пренесуваат приштинските медиуми, дури се обидува да ги минимизира нивните негативни ефекти, наведува РТС.
Претседателот на Косовската бизнис алијанса, Агим Шахини, рече дека мерките на ЕУ кон Косово влијаеле на економијата и дека ќе бидат изгубени повеќе од 500 милиони евра, вклучително и централните и локалните институции, како и компаниите кои имале или имаат проекти преку ИПА. програма.
– Мерките што ги презедоа меѓународните институции речиси влијаеа на општата економија во Косово. Според нашите прелиминарни пресметки, доколку продолжат овие мерки, штетата ќе биде над 500 милиони евра – рече Шахини.
Поранешниот претседател на Косовската стопанска комора, Сафет Грџалију, рече дека владата ги минимизира негативните ефекти од овие мерки. Тој рече и дека „земјата што ЕУ има намера да ја казни на овој начин е крајно загрижувачка“.
– Време е посериозно да се третираат овие мерки, а не да се игнорираат. За жал, ова се случува на Косово, особено владата ги минимизира негативните ефекти од овие мерки – рече тој.
Тој додаде дека со овие мерки Косово нема да има економски раст, подобрување на платниот биланс, нема да биде конкурентно, а пред се нема да има нови работни места
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.