Македонија
Ковачевски во Блед: Северна Македонија носи тешки и храбри одлуки, членство во ЕУ во 2030 е остварлива цел
Премиерот Димитар Ковачевски во рамки на Бледскиот стратешки форум што се одржува во Словенија, денеска учествуваше на лидерскиот панел, насловен како „Солидарност за глобална безбедност“.
Тој во своето обраќање се осврна на процесот на проширување на ЕУ со земјите од Западен Балкан и анализирајќи го периодот од 2003 година кога нашата држава за прв пат беше ставена на агендата за проширување на ЕУ, истакна дека граѓаните во Северна Македонија се оптимисти веќе 20 години. Ковачевски рече дека и после две децении, дури 80% од граѓаните на Северна Македонија се за членство на земјата во ЕУ. Истакна дека очекува принципите на проширувањето на ЕУ да се темелат на вредностите на Унијата како и политичка и економска соработка меѓу земјите, а не да се користи домашната политика на меѓународната сцена.
„Овие блокади доаѓаат од земји членки на ЕУ во бранови коишто се користат главно за нивната домашна политика, а не за меѓународната сцена. Токму затоа, охрабрен сум од ваква јавна изјава која за прв пат ја даде претседателот Мишел, дека ЕУ треба и ќе ја валидира својата добронамерност и волја за проширување. Зошто? Затоа што сега зборуваме за проширување не само во ЕУ, туку ова е клучниот збор и во НАТО. Знаете дека ние бевме најмлада членка на НАТО, веќе не сме, сега е Финска. Ако повлечам паралела колку сме добри како земји, тогаш како членки на НАТО докажавме дека сме добри партнери. Се покажавме како многу активни партнери во НАТО и досега не гледам проблеми во рамки на функционирањето на НАТО каде Албанија, Северна Македонија и Црна Гора се земји членки“, рече Ковачевски .
Посочи дека земјите кандидатки се тесно економски поврзани со земјите членки на ЕУ, истакна дека напредокот во државите од регионот е членството во Унијата, и посочи неколку средби со млади кои работат во Словенија, а кои доаѓаат од Северна Македонија и БиХ.
„Членството во ЕУ, ни е единствената алтернатива затоа што економиите се поврзани. Имав можност да ги видам моите Македонци кои живеат и работат во Копер, но исто така забележав кога одите долж ривиерата како да се наоѓате во БиХ. Затоа што сите келнери доаѓаат од БиХ. Зошто? За повисоки плати. И кога ги прашувам како ви е, тогаш велат не може полошо, затоа што работиме на 50 степени на сонце, на терасите. Се видов со неколку македонски студенти кои работат во кафетериите, знаете што ми кажаа, – „Ве молиме направете сè, да ја внесете нашата земја во ЕУ, сакаме да се вратиме дома и да работиме во земја на ЕУ, но дома, не овде, во Словенија““, посочи тој.
Верува дека ЕУ ќе вложи напори проширувањето во 2030 година да биде реалност и дека ќе дадеме сè за да се реформира македонското општество по европски стандарди.
„Уверен сум дека Северна Македонија покажа оти може да носи тешки и храбри одлуки и по секоја од нив излеговме како посилна земја и токму затоа во овој момент би рекол дека, во старата смисла од старите земји кандидатки, најдобри сме во многу аспекти во смисла на имлементирање на европското законодавство, микро финансиската стабилност, тоа е докажано од ЕУ и инструментите на ЕУ. Затоа велам дека 2030 година е остварлива како цел“, рече Ковачевски.
На лидерскиот панел во Блед, Словенија, покрај премиерот Ковачевски учествуваа премиерите, на Албанија Еди Рама, на Србија Ана Брнабиќ, на Хрватска Андреј Пленковиќ, на Бугарија Николај Денков, на Косово Албин Курти, на Црна Гора Дритан Абазовиќ и претседателката на Советот на министри на Босна и Херцеговина Борјана Кришто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Кој се плаши од анкетна комисија во Собранието со меѓународно надгледување“, прашува ДУИ
„Демократската унија за интеграција прашува – кој се плаши од формирање на анкетна комисија во Собранието со учество на сите политички партии и меѓународно набљудување од ОБСЕ, САД и Европската Унија? Трагедијата во Кочани ја разоткри вистината за целосното заробување на државата. Владата не само што не превенираше катастрофа која цела година била позната на надлежните институции, туку и го злоупотреби системот за да ги заштити одговорните“, велат од ДУИ.
„Прво со политички притисок врз обвинителството – преку заплашување на обвинителот со партиски активисти на улица, потоа со иницијатива за негова смена, за на крај да му биде ветено останување на функцијата доколку игра по диктираните правила.
Освен тоа, владата ги притисна медиумите, граѓанското општество и сите критички гласови, претворајќи ја државата во партиска алатка за амнестирање на виновниците.
По трагедијата, наместо институционален одговор, сведочиме на селективна правда – обид да се префрли одговорноста на други, без истрага за оние кои навистина беа одговорни за превенција.
Две недели по трагедијата, Собранието не собра сила ниту да одржи комеморативна седница, бидејќи партиската контрола врз институциите е посилна од моралната и општествената одговорност.
Затоа, ги повикуваме пратениците да ја послушаат сопствената совест, да размислат за семејствата на жртвите, за довербата во системот, и да го потпишат барањето на Европскиот фронт за формирање на анкетна комисија во Собранието.
Селективната правда ќе биде извор на огромна недоверба и деформација на системот во иднина.
ДУИ останува посветена на вистината, транспарентноста и правдата – и нема да дозволиме оваа трагедија да се затвори без целосна истрага со меѓународно набљудување“, соопшти ДУИ.
Македонија
Муртезани: Со зајакнати капацитети кон поефикасна реализација на ИПА програмите
Министерот за европски прашања, Орхан Муртезани, во улога на Национален координатор за ИПА (NIPAC), денеска го копретседаваше Третиот состанок на Мониторинг комитетот за Инструментот за претпристапна помош ИПА III, нагласувајќи ги актуелните политички и технички предизвици поврзани со ефикасното искористување на европските фондови.
Министерот Муртезани истакна дека оваа Влада ќе преземе важни иницијативи за стабилизација на ИПА структурите и за решавање на наследените проблеми од претходниот период, меѓу кои се високата флуктуација на професионалниот кадар, задоцнетите постапки за јавни набавки и значителните отстапки во секторите транспорт и животна средина. Тој подвлече дека до крајот на 2024 година, договорените средства за ИПА II достигнале 71%, додека искористувањето на средствата од ИПА III во истата година е на ниво од 31,37%. Министерот укажа на важноста од интензивирање на имплементацијата на тековните програми за да се избегне неискористување на ИПА средствата во иднина.
Муртезани се осврна и на мерките за зајакнување на административните капацитети и најави интензивен ангажман за системско решение на политиките за задржување и континуирана обука на државните службеници. Тој посочи дека Министерството за европски прашања работи на воспоставување Академија за ЕУ, чија задача ќе биде обезбедување квалитетна и одржлива обука за кадарот ангажиран во ИПА структурата.
Со состанокот претседаваше и Валентина Суперти, раководител на одделение при Генералниот директорат за проширување и источно соседство (DG ENEST) при Европската комисија, која се осврна на важноста од јасно дефинирани обврски и активности за надминување на сегашните предизвици во управувањето со ИПА програмите.
Мониторинг комитетот за ИПА е највисокото надзорно тело за сите ИПА програми и има задача да обезбеди ефективна, транспарентна и усогласена реализација на европската претпристапна помош во Северна Македонија, во согласност со Рамковната спогодба за финансиско партнерство помеѓу Европската комисија и Република Северна Македонија, соопшти Министерството за европски прашања.
Македонија
Нема опасност за жителите по излевањето на Маркова Река
Нема опасност за жителите од излевањето на Маркова река, а водостојот е вратен во коритото, информираат од Дирекцијата за заштита и спасување. Од таму додаваат дека еден тим за брз одговор интервенирал со пумпи за извлекување на вода и истите ќе интревенираат по потреба во текот на денот.
„По првичната информација за излевањето на Маркова река во Општина Студеничани, село Батинци, екипата за процена на ризици на Дирекцијата за заштита и спасување одблиску на терен ја следеа состојбата. Директорот Џеват Селами беше во постојана комуникација со екипите на терен, градоначалникот на општина Студеничани, г-дин Азем Садики, директорот на А.Д. Водостопанство, г-дин Филип Филиповски, сѐ со цел да се обезбеди координиран и ефективен одговор. Еден тим за брз одговор интервенираше со пумпи за извлекување на вода, и истите ќе интревенираат по потреба во текот на денот“, се наведуваа во соопштението.
Од таму додаваат дека според досегашните информации ситуацијата е под контрола и нема опасност за жителите и дека е евидентирана материјална штета што допрва ќе се проценува.
Од денеска нова авионска линија Скопје – Париз („Орли“)
Од денеска Скопје и официјално директно се поврзува со Париз преку новата авиолинија Скопје – Париз. Утрово, на Меѓународниот аеродором...
Водостоите на сите реки во земјата се доста високи и таа тенденција се очекува да продолжи и во текот на денот
Според утринските податоци од хидролошките станици низ земјава, водостоите на сите реки низ земјава се доста високи и таа тенденција...
Трамп со денешната одлука го менува светот: ова се трите најважни прашања
Доналд Трамп вели дека царините доаѓаат. Таа порака од американскиот претседател останува конзистентна. Но кои царини и кога? Увозните даноци...
Поплавени куќи, магацини и индустриски објекти во Студеничани, Батинци, Пинтија и во Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски, освен со фотографирање, со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир нормализиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржувањето на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност за населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат
Во текот на оваа недела од лекување во странство најавено е дека ќе се враќаат пациентите што се целосно закрепнати,...
93 пациенти повредени во пожарот во Кочани закрепнаа, уште 100 се лекуваат во странство и во домашните болници
Од вкупно 193 повредени во пожарот во Кочани, 93 пациенти закрепнаа и заминаа на домашно лекување, а во болниците во...
