Спорт
(Видео) Фулам го елиминираше Тотенхем во Лига купот по пенал-драмата
![](https://makfax.com.mk/wp-content/uploads/2023/08/F4ujIrRWQAIt4PI.jpg)
Фулам успеа да го елиминира Тотенхем во второто коло на Англискиот лига куп (Карабао купот), откако беа поуспешни на пенали по 1:1 во регуларните 90 минути во единствениот меч помеѓу два премиерлигаши.
Фулам дојдоа во водство со автоголот на Ван де Вен во 17. минута, но Ришарлисон, со својот прв гол оваа сезона во 56. минута од мечот израмни. Тотенхем имаа повеќе од играта, посебно во второто полувреме, но не успеја да дадат уште еден гол, пред во пенал-серијата само Давинсон Санчез да биде непрецизен за победа на Фулам.
Другите премиерлигаши влегоа во третото коло. Најтешко им беше на Брентфорд кои одиграа 0:0 на гости кај Њупорт, за потоа во пенал-серијата да победат со зачудувачки 3:0. Лутон со 3:1 го совлада Гилингем, Борнмут славеше со 3:2 на гости кај Свонси, додека најубедливи беа Вулверхемптон со 5:0 победата над Блекпул и Кристал палас со гостинскиот 4:2 триумф над Плимут.
АНГЛИСКИ ЛИГА КУП, 2.КОЛО
Фулам – Тотенхем 1:1, 5:3 пен.
Свонси – Борнмут 2:3
Лутон – Гилингем 3:1
Њупорт- Брентфорд 0:0, 0:3 пен.
Вулверхемптон – Блекпул 5:0
Плимут- Кристал палас 2:4
Бирмингем сити – Кардиф 1:3
Болтон – Мидлзборо 1:3
Бристол сити – Норич 0:1
Ексетер – Стивениџ 1:1, 5:3 пен.
Порт Вејл – Кру 0:0, 2:0 пен.
Портсмут – Питерборо 1:1, 4:5 пен.
Шефилд венсдеј – Менсфилд 1:1, 4:5 пен.
Стоук сити – Ротерам 6:1
Транмир – Лестер 0:2
Рексам – Бредфорд 1:1, 3:4 пен.
Вајкомб – Сатон 0:1
Рединг – Ипсвич 2:2
Салфорд – Лидс 1:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва