Спорт
(Видео) Галата, Брага и Јанг бојс „визираа“ место во Лигата на шампиони
Турскиот Галатасарај, португалскиот Спортинг Брага и швајцарскиот Јанг Бојс успеаја да ја остварат главната цел со влезот во групната фаза во Лигата на шампиони по реваншот во бараж-мечевите.
Мауро Икарди уште во седмата минута постигна гол од пенал, за да им донесе предност на Галатасарај победа од 1:0 против норвешкиот Молде, што беше доволно за пласман по драматичната 3:2 победа на гости во Норвешка. Еирик Хестад во 66. минута ги направи последните половин час интересни, израмнувајќи на 1:1, но до крајот на мечот, во 93. минута Анжелино стрелаше за 2:1 и потврда на пласманот.
Во Атина, бучната публика не му помогна на Панатиникос против Спортинг Брага, кои успеаја да извлечат уште една победа со голот на Брума во 80. минуат за 0:1 триумф, и потврда на победата од од 2:1 од првиот меч.
Најубедливи беа Јанг бојс, кои со 3:0 ги совладаа Макаби Хаифа за сигурен пласман во Лигата на шампиони.
ЛИГА НА ШАМПИОНИ, БАРАЖ
Галатасарај – Молде 2:1, прв меч 3:2, вкупно 5:3
Панатинаикос – Брага 0:1, прв меч 1:2, вкупно 1:3
Јанг Бојс – Макаби Хаифа 3:0, прв меч 0:0, вкупно 3:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Англија со победа го започна ЕП – Белингем и пресуди на Србија
Англија, според прогнозите најголемиот фаворит за титулата на ЕУРО 2024, со победа над Србија 1:0 (1:0) го започнаа контитнеталниот шампионат.
Одличен динамичен натпревар одиграа двете репрезентации во Гелзенкирхен, на крајот пресуди голот на Џуд Белингем во 13.минута и кукавичката игра на Србија во првите 20 минути од натпреварот.
Англичаните во силно темпо го започнаа натпрварот, не им дадоа да „дишат“ на Србите, кои панично се бранеа. Првата вистинска акција ја претворија во гол, Сака успеа некако да нафрли покрај Павловиќ, а Белингем од седум метри ја закова топката во голот.
Притисокот на Англичаните траеше и во наредните десетина минути, пото Србите полека започнаа да фаќаат ритам, ја презедоа контролата врз играта, но до крајот на полувремето имаа една можност, преку Митровиќ чии удар заврши крај голот.
Во вториот дел, Србите апосолутно доминираа, ги стиснаа Англичаните кои успеаја да се одбранат. Пикфорд го одбрани ударот на Влаховиќ, а Кејн интервенираше по шутот на Бирманчевиќ.
Англичаните во второто полувреме имаа само една шанса, ударот на Кејн го одбрани Рајковиќ, а потоа топката од гредата се одби во поле.
Во второто коло, Англија ќе игра против Данска, а Србија против Словенија.
Спорт
УЕФА покрена дисциплинска постапка против ФС на Албанија
Дисциплинската комисија на Европската фудбалска унија (УЕФА) покрена истрага против Фудбалскиот сојуз на Албанија, поради непримерното однесување на нивните навивачи пред, за време и по натпреварот против Италија во петок, на 15 јуни.
Албанците фрлаа предмети на теренот на стадионот, употребија пиротехника, а еден од навивачите во самиот финиш влезе на теренот. Имаше и провокативни пораки кои беа главна причина за поведување на постапката.
Засега не е важно кога ќе биде изречена казната и колку таа ќе биде сериозна.
Во меѓувреме, албанските навивачи не се смируваат и денеска учествуваа во судири со српските навивачи низ улиците на Гелзенкирхен.
Спорт
(Видео) Данска и Словенија одиграа без победник
Словенија и Данска одиграа без победник 1:1 (0:1) во првиот меч од Ц групата на Европското првенство. Ова е прв нерешен резултат на првенството и воедно прв натпревар на кој беа постигнати помалку од три гола.
Натпреварот на стадионот во Штутгарт, според квалитетот, беше најслаб од почетокот на турнирот. Данска доминираше и играше подбро во првиот дел, а Словенците издоминираа во последните 25 минути од натпреварот.
Данците во 17.минута ја одиграа најубавата акција на мечот, Винд му асистираше на Ериксен на кого не му беше тешко да го совлада Облак. Ериксен постигна гол на ЕП точно 1.100 дена откако доживеа срцев удар на последниот континентален турнир.
Словенците во првиот дел се определија да го бранат својот гол, ретки беа нивните напади, а Шпорар имаше шанса да постигне гол.
Клучниот момент на натпреарот се случи во 66.минута кога Облак го одбрани ударот на Хојлунд и спречи водство на Данска 2:0.
Од тој момент Словенците тргнаа во офанзива. Се редеа шансите пред голот на Шмајхел. Два пати не успеа Шпорар, Шешко со страотен удар од 25 метри ја погоди стативата, а во 77.минута изедначи Јанжа со мала помош на Јумланд.