Свет
Ураганот Идалија зајакна, ситуацијата опасна

Опасниот ураган Идалија, кој достигна јачина од 4 категорија (од максимум 5), се движи кон Флорида и се очекува да стигне денеска до копното. Веќе предизвика прекин на електрична енергија за речиси 60.000 корисници, а се очекува да донесе значителни поплави и невреме.
Ураганот моментно се наоѓа на речиси 97 километри западно од Седар Ки и 145 километри јужно од Талахаси. Ураганот е на пат кон копното, каде што ќе стигне во регионот Биг Бенд на Флорида. Веќе се забележани прекини на струјата во окрузите Тејлор, Дикси и Леви.
Идалија бргу зајакна во изминатите 24 часа, а ветровите се зголемија за 88,5 километри на час. Тој стана ураган од четврта категорија, со максимални постојани ветрови од 209 километри на час.
Се очекува Идалија да донесе значителни бури и да предизвика издигнување на морињата меѓу 1,2 и 1,5 метар во заливот Тампа. Гувернерот на Флорида, Рон де Сантис, набргу треба да одржи прес-конференција.
Исто така, издадено е предупредување за торнадо за речиси 12 милиони луѓе во централна и северна Флорида и во југоисточна Џорџија. Жителите се предупредуваат сериозно да ја сфатат ситуацијата бидејќи ќе дојде момент кога службите за итни случаи повеќе нема да може да даваат помош. Веќе се пријавени проблеми со пристапот до некои евакуирани области.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Додик: Нема да поднесам оставка, ниту да ја напуштам Република Српска

Претседателот на Република Српска (РС) Милорад Додик денеска за руската државна агенција ТАСС изјави дека не размислувал за оставка и дека нема да ја напушти Република Српска.
„Никогаш нема да поднесам оставка под притисок. Ќе ја напуштам политичката сцена само кога граѓаните на Република Српска ќе одлучат дека е време да си одам“, изјави Додик, пренесуваат сараевските медиуми.
Тој додаде дека „сигурно нема да ја напушти РС“, бидејќи, како што рече, „има сè – неговото семејство и неговите најблиски“.
„Таму се чувствувам добро“, истакна Додик, додавајќи дека е посветен „да се залага за Република Српска и да се бори за секој нејзин агол“.
Тој рече дека властите на РС „не се милитаристи, ниту се бунтовничка група и нема од што да се плашат“.
„Законот е на наша страна и се врши очигледна и широко распространета злоупотреба од политичарите во Сараево, особено оние босански муслимани кои се посветени на политичкиот ислам, кој тие го промовираат на овие простори веќе три децении“, рече Додик.
За Додик, премиерот на РС, Радован Вишковиќ и претседателот на Собранието на РС, Ненад Стевандиќ, по налог на Судот на Босна и Херцеговина е издадена внатрешна потерница, бидејќи тие се под истрага за напад на уставниот поредок на Босна и Херцеговина.
На 26 февруари, Додик во прв степен беше осуден на една година затвор и шестгодишна забрана за вршење политичка функција за кривичното дело неисполнување на одлуката на високиот меѓународен претставник во Босна и Херцеговина, Кристијан Шмит.
Свет
Трамп дополнително ги зголеми царините за Кина

Белата Куќа потврди дека вкупната царина за кинески стоки сега е 145 отсто и дека стапката стапува во сила веднаш.
Актуелниот американски претседател, Доналд Трамп, вчера објави дека царините против Пекинг ќе се зголемат на 125 отсто, како одговор на, како што тврди, нефер кинеските трговски практики.
Сепак, Белата куќа денеска појасни дека бројката не ја вклучува постојната царина од 20 отсто, што Трамп ја наметна во првите недели од неговиот втор мандат.
Вкупната стапка од 145 oтсто е над сите други тарифи што беа во сила пред враќањето на Трамп во Белата куќа, кои се разликуваат според типот на производот.
Вчера Трамп ги паузираше повеќето од своите глобални царини, воведувајќи стандардна стапка од 10 отсто на увозот од речиси сите земји. Главен исклучок, се разбира, останува Кина, која и возврати на Америка со тарифна противмерка од 84 проценти.
Свет
Трамп: Договорот со Кина за „Тик-ток“ е на маса

Американскиот претседател Доналд Трамп синоќа изјави дека договорот за „Тик-Ток“ со Кина е на маса, и покрај ескалацијата на трговската војна меѓу Вашингтон и Пекинг.
„Кина не е многу ентузијаст за потпишувањето“, рече Трамп во Овалната соба.
„Имаме договор со некои многу добри луѓе, некои многу богати компании, кои би завршиле одлична работа со тоа, но ќе мора да почекаме и да видиме што ќе се случи со Кина. Има многу на маса. Мислам дека Кина всушност ќе сака да го направи тоа“, додаде тој.
Преговорите продолжуваат.
Трамп најави 90-дневна пауза на неговите нови „реципрочни“ царини за повеќето земји, но ги задржа претходно воведените царини од 104 отсто за Кина и воведе дополнителни 21 отсто како одмазда.
Минатата недела Трамп го продолжи рокот за присилна продажба на „Тик-ток“ за 75 дена, дозволувајќи и на популарната платформа за социјални медиуми да продолжи да работи во САД.
Сопственикот на компанијата, „Бајт денс“, вели дека преговорите со САД продолжуваат, но дека секој договор со Вашингтон ќе биде предмет на кинескиот закон.
Иднината на „Тик-ток“ остана неизвесна откако законот потпишан од поранешниот американски претседател Џо Бајден бара од „Бајт денс“ да ја продаде платформата или да се соочи со забрана. Неколку американски компании, вклучувајќи го и „Амазон“, наводно понудиле да ја преземат платформата за споделување видеа.