Британскиот тенисер Енди Мареј ќе добие статуа во комплексот Вимблдон.

Мареј, кој го заврши 77-годишниот пост на Британците на Вимблдон, ќе биде почестен на теренот на Ол Ингланд Клубот.

Мари го победи Новак Ѓоковиќ во финалето во 2013 година, а ја освои титулата во 2016 година со триумф над Милош Раониќ.

Тој се повлече од тенисот минатото лето, по Олимписките игри во Париз.

Деби Џиванс, директорка на Ол Ингланд Клубот, вели дека планот е статуата да биде поставена во 2027 година.

Тоа ќе биде на 150-годишнината од турнирот Вимблдон, кој се игра од 1877 година.

За потсетување бронзена статуа на Фред Пери беше поставена на Вимблдон во 1984 година, на 50-годишнината од неговата прва титула.

Капитенот на Тотенхем, Сон, по 10 години ќе го напушти клубот. Опција за Кореецот е Саудиска Арабија и веројатно таму ќе ја продолжи кариерата. Тотенхем и новиот тренер Томас Франк ја означија замената за Сон.

Офанзивниот играч на Кристал Палас, Еберечи Езе (26), се споменува како клучно засилување, кое ќе ги накави високите амбиции на Тотенхем во новата сезона.

Англискиот репрезентативец е еден од најзаслужните за освојувањето на првиот трофеј во историјата на Палас, во финалето на ФА Купот го постигна единствениот гол за триумф против Манчестер сити.

Езе има откупна клаузула во износ од 68.000.000 фунти, но тоа очигледно не го загрижува раководството на Тотенхем, кое е подготвено да ги издвои споменатите пари и на тој начин да ја наполни касата на градскиот ривал. Палас пред пет години за Езе на КПР им плати нешто повеќе од 15.000.000 фунти.

Дарвин Нуњез (26) сака да ја продолжи кариерата во Наполи, но италијанскиот клуб сè уште се обидува да постигне договор со Ливерпул, пишува „Фудбал Италија“. Уругвајскиот напаѓач доби неколку понуди ова лето, но јасно стави до знаење дека кариерата сака да ја продолжи во редовите на италијанскиот шампион.

Италијанските медиуми објавија дека Наполи е подготвен да плати околу 43 милиони евра, додека Ливерпул бара 50 милиони евра.

Се очекува преговорите со Ливерпул да потраат некое време, бидејќи Наполи се обидува да најде начин да се приближи до барањата на англискиот шампион. Во Неапол се свесни дека продажбата на неколку играчи, особено нигерискиот напаѓач Виктор Осимен, би можела да донесе пари во клубот и со тоа да се реализира трансферот на Нуњез.

Нуњез дојде во Ливерпул од Бенфика во летото 2022 година за 85 милиони евра. Тогаш стана најскапото засилување во историјата на клубот. Рекордот минатата недела го сруши трансферот на Флоријан Вирц од Баер Леверкузен.

И покрај тоа и фактот дека има договор со „црвените“ до летото 2028 година, клубот повеќе не смета на Нуњез, кој беше поврзуван со бројни клубови во последните години.

Нуњез на 143 настапи за Ливерпул, тој постигна 40 гола и постави 26 гола, а во неодамна завршената сезона, тој постигна седум гола и имаше седум асистенции во 47 настапи.

„Трансфермаркт“ ја проценува неговата вредност на 45 милиони евра.