Спорт
Алкараз избори пласман во осминафиналето
Првиот носител на машкиот турнир на Ју-ес опен, Карлос Алкараз се пласираше во осминафиналето на последниот Грен слем во 2023 година.
На стадионот „Артур Еш“ беше подобар од Британецот Даниел Еванс со резултат 3:1 (6:2, 6:3, 4:6, 6:3), по три часа и 11 минути тенис.
Шпанецот во осминафиналето ќе игра против Матео Арналди од Италија, кој изненади со победата против уште еден Британец, Камерон Нори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Челзи го продава Лукаку: позната сумата за која се подготвени да се откажат од него во Лондон
Челзи е подготвен да го продаде Ромелу Лукаку, а Фабрицио Романо ја откри сумата за која клубот од Стемфорд Бриџ е подготвен да ја заврши зделката.
Најсигурниот стручњак за трансфери тврди дека во Лондон се подготвени да се откажат од услугите на белгискиот напаѓач за 45 милиони евра.
Лукаку ја помина сезоната на позајмица во Рома, негова втора позајмица откако се врати во Челзи во 2021 година. Првиот центарфор на Рома во Челзи никогаш не играл толку добро како во италијанските клубови. Во Интер беше најдобар стрелец во италијанскиот шампионат, а во Рома незаменлив првотимец. Додека играше за Челзи, новинарите и навивачите жестоко го критикуваа, па тој отворено кажа дека е подобро да игра во Италија, што наиде на уште поголем гнев кај навивачите.
Се споменуваше дека Лукаку би можел да остане во Италија, поточно да се пресели во Наполи. Тоа би се случило во зделка во која Виктор Осимхен би заминал во Челзи, со дополнително финансиско обештетување. Романо пишува дека засега ништо не се случува на овој план. Лукаку постигна 21 гол и четири пати асистираше на 47 натпревари за Рома во штотуку завршената сезона. Тој е под договор со Челзи до летото 2026 година.
Спорт
Финансиски колапс на Лига 1 поради заминувањето на Мбапе
Огромен пат на рејтингот ќе доживеаа француската Лига 1, по заминувањето на единственот играч со стаус на супер ѕвезда. Килијан Мбапе го напушти ПСЖ, кариерата ќе ја продолжи во Реал и покрај тоа што нема официјална потврда за трансферот.
Заминувањето на најдобриот француски фудбалер ќе се одрази на целата економија на елитниот француски фудбал. На тоа укажува и фактот што на два и пол месеци пред почетокот на новата сезона, Лига 1 се уште нема потпишан договор за ТВ права за следната натпреварувачка сезона.
Затоа, сега кога го нема Мбапе, никој нема да ги пренесува натпреварите од француската лига, поточно не за сумата што беше актуелна кога напаѓачот беше дела од ПСЖ.
Првично, Лига 1 побара 800 милиони евра за правата за пренос на натпревари од првата и втората француска лига, тоа беше уште во октомври, за периодот од 2024-2029 година.
Телевизиите, уште тогаш беа свесни дека Мбапе заминува од ПСЖ, што го принуди првиот човек на француската лига Винсен Лабрун да влезе во директни преговори со телеоператорите за да спаси ја ситуацијата.
Сега преговорите за новите сопственици на ТВ правата траат со месеци, без епилог кој би би ги задоволил челниците на Лига 1.
Никој не сака да плаќа превисоки суми, кога самото натпреварување не е привлечно и кога однапред се знае кој ќе биде шампион (ПСЖ), освен во ретки случаи.
Поради големиот финансиски колапс со кој се соочува францускиот фудбал, во решавањето на проблемот се вклучи и претседателот на државата Емануел Макрон.
Пред два месеци, на ручекот што го организирал, според некои медиуми, го замолил, Насер Ал Хелаифи (претседателот на ПСЖ) да влијае на телевизијата од Катар, „BeIN Sports“, да ги откупи правата за пренос на натпреварите од францускиот шампионат.
Одговорот бил дека тоа би го направиле само доколку француската телевизија „Canal+“ им го исплати делот од 250 милиони, а тие ќе го исплатат остатокот, што до денес не се случило.
Според последните информации, Лига 1 би се согласила да ги продаде ТВ правата на секој што ќе понуди 400 милиони евра, што е половина од сумата што им беше понудена на ТВ куќите во октомври.
Ситуацијата, пишуваат француските медиуми, е многу критична.
Пресметката е јасна: ако Лига 1 потпише договор за продажба на ТВ права за сума од 400 милиони евра, тоа значи и дека сите клубови ќе бидат во голема финансиска загуба. Затоа што сите го делат финансискиот колач, не подеднакво се разбира.
Грубо кажано, заминувањето на Мбапе од Франција предизвика Лига 1 да претрпи загуби од најмалку 200 милиони евра.
Спорт
Лаутаро Мартинез ќе го продолжи договорот со Интер
Успешно завршија преговорите меѓу Интер и Лаутаро Мартинез. Аргентинецот ќе потпише нов договор со клубот до јуни 2029 година.
Долго време траеја преговорите меѓу менаџерот на Лаутаро и Интер. Интер не го прифати предлогот платата на Лаутаро да расте во наредните три сезони, односно да биде 12, 14, па 16 милиони евра.
За потсетување, според актуелниот договор, Аргентинецот има годишна плата од шест милиони евра. Поголема плата во клубот има само Хакан Чалханоглу (6,5 милиони).
Најплатени играчи во лигата се Виктор Осимен со 10 милиони, Душан Влаховиќ девет, Ромелу Лукаку и Адриен Радио по седум милиони евра.
Италијанските медиуми тврдат дека Лаутаро му порачал на менаџерот да побара пет годишен договор и плата од девет милионие вра по сезона. Челниците на Интер ја позтивно одговориле на овие барања.
Лаутаро Мартинез дојде во Интер од Расинг пред шест години за 25 милиони евра и со текот на времето стана првата ѕвезда на клубот. Тој освои две титули во италијанскиот шампионат, два Купа на Италија, три Суперкупа и играше во финалето на Лигата на шампионите и Лигата на Европа.
Оваа сезона со 23 гола беше најдобар стрелец во Серија А и на крајот беше избран за најкорисен играч во лигата.