Македонија
Мицкоски: Додека Ковачевски бара да не се политизира случајот, директорите на Клиниката што тие ги поставија им се фотографирани во штабовите

Никогаш како човек не сум ги политизирал овие работи бидејќи сепак станува збор за човечки судбини и мака што семејствата ја доживуваат, но не можам исто така како човек да не ве потсетам за оние кампањи што во минатото ги правеше СДСМ, рече лидерот на ВМРО-ДПМНЕ, Христијан Мицкоски, одговарајќи на прашање во врска со случувањата на Онкологија за време на посетата на населеното место Градец, Виница.
„Се сеќавате на случајот со малата Тамара, се сеќавате на случаевите со оние клупи што требаше да симболизираат загубени човечки животи и кои беа оставани пред вратите на градоначалниците од редовите на ВМРО-ДПМНЕ, се сеќавате на протестите на Шарената револуција, која ги злоупотребуваше човечките животи за да добијат ситни мали поенчиња“, рече Мицкоски и додаде:
„Но, морам да потенцирам дека јас не сум виновен што директорот од Онкологија ќе го видите на фотографии во партиски штабови на СДСМ како држи обука или оној економски директор од ДУИ како е прегрнат со раководството на ДУИ“.
Според Мицкоск,и тоа се факти што ги гледа цела јавност и има факти на кои не можеме да останеме неми и да не ги кажеме.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.