Европа
Нов напад со дронови врз Москва
Руската противвоздушна одбрана уништи три беспилотни летала, кои рано утринава се обидоа да ја нападнат Москва, а нема повредени, изјави градоначалникот Сергеј Собјанин.
Тој рече дека силите за противвоздушна одбрана го уништиле дронот во областа Твер во Завидово, кој летал во правец на Москва, а нема жртви или материјална штета.
Собјанин на „Телеграм“ напиша дека службите за итни случаи дошле на местото на настанот.
Градоначалникот претходно изјави дека во текот на ноќта силите за противвоздушна одбрана уништиле беспилотни летала во регионот Калуга и во Истарскиот округ на Московската област, кои се обидувале да ја нападнат Москва, и дека никој не е повреден, а во Истарската област е оштетен сервисен објект, објави „РИА новости“.
Собјанин изјави дека остатоци од дрон паднале врз селото Завидово во областа Твер.
Според агенцијата „РИА новости“, официјалната резиденција на палатата на рускиот претседател Владимир Путин, „Рус“, се наоѓа во Завидово.
Руските новински агенции јавија дека речиси 50 лета биле откажани или одложени рано утринава од четири големи аеродроми во близина на Москва.
Украинската армија секојдневно ги напаѓа руските региони со беспилотни летала, главно пограничните области, регионите Курск, Брјанск и Белгород, како и Крим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.