Свет
Руски пилот пребегнал во украинската армија: „Ова е геноцид“
Минатиот месец руски пилот пребегнал во украинската армија и открил детали од операцијата на граничниот премин со својот борбен хеликоптер, се вели во интервјуто објавено од Украинската одбранбена разузнавачка служба.
Пилотот Максим Кузминов, како што објавиле украинските власти, во интервју објаснил како го планирал своето бегство и зошто го направил тоа.
„Контактирав со претставници на украинската разузнавачка служба, ја објаснив мојата ситуација и тие ми ја понудија оваа опција: „Ви гарантираме безбедност, нови документи, паричен надоместок и награда“, открил пилотот.
Шефот на украинската одбранбена разузнавачка служба, Кирило Буданов, во август рекол дека украинските власти му помогнале на пилотот да се префрли од руските во украинските редови.
„Создадовме услови за целото негово семејство за да можеме незабележано да ги повлечеме. Со него имало уште две лица, значи вкупно тричлена екипа. Кога сфатиле каде слетале, се обиделе да побегнат“, открил Буданов.
Буданов рекол дека никој досега не го направил тоа, но се надева дека бројката ќе се зголеми. Во интервјуто пилотот се осврнува и на дезинформациите што ги шират руските медиуми, кои известуваат за инвазијата на Украина.
„Вистината е дека овде нема нацисти или фашисти. Ова што се случува овде е вистински срам. Убиство, солзи, крв. Луѓето, едноставно, се убиваат едни со други. Не сакам да бидам дел од тоа“, рекол тој.
„Ова е геноцид врз украинскиот народ. И украински и руски. Мотивот за мојот чин беше да не придонесувам за овие злосторства. Украина недвосмислено ќе ја добие оваа војна, едноставно затоа што народот е многу обединет. Порано не беа такви, но сега се многу обединети. Целиот свет им помага бидејќи, пред сè, треба да се цени човечкиот живот“, додал пилотот.
„Ќе бидете згрижени до крајот на животот. Ќе ви понудат работа секаде, без разлика што правите. Едноставно, ќе го откриете светот во бои“, изјавил пилотот во повикот до другите, пренесува N1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Марк Руте и официјално нов генерален секретар на НАТО, Столтенберг заминува од чело на Алијансата по 10 години
Холандскиот премиер во заминување Марк Руте е избран за нов генерален секретар на НАТО.
Северноатлантскиот совет одлучи во средата на 26 јуни 2024 година да го назначи холандскиот премиер Марк Руте за следен генерален секретар на НАТО, наследувајќи го Јенс Столтенберг.
Руте ќе ги преземе своите должности како генерален секретар од 1 октомври 2024 година, кога му истекува мандатот на Столтенберг по десет години на чело на Алијансата.
По одобрувањето на Унгарија и Словачка, Романија ја потврди својата поддршка за Руте минатата недела, при што романскиот претседател Клаус Јоханис ја повлече својата кандидатура за највисокото место во НАТО.
Рута во критичен момент ќе го преземе водството во НАТО алијансата. Неговиот мандат ќе започне нешто повеќе од еден месец пред изборите во САД, кои ќе ја обликуваат судбината на воената алијанса.
Поранешниот американски претседател Доналд Трамп, актуелен републикански кандидат, вети дека ќе остане во НАТО, но се закани дека ќе ја прекине американската помош за Украина доколку биде реизбран.
Марк Руте е роден на 14 февруари 1967 година и тој е холандски политичар кој беше премиер на Холандија од 2010 година. Руте е голем поддржувач на Украина.
Регион
Полиција во училиште во Чачак: таткото незадоволен од успехот на ќерката и се заканувал на професорката
Во Основното училиште „Драгиша Мишовиќ“ дошло до инцидент кога, според соопштението добиено од оваа образовна институција, родителот на еден од учениците незадоволен од оценките на своето дете влегол во конфликт со наставникот.
„На закажаното интервју со директорката дојдоа родителите на ученичката која поради три недоволни оценки беше упатена да го повтори 6-то одделение. Пред разговорот со директорот, наставникот имал непријатна средба со нејзиниот татко. За време на разговорот во директорската канцеларија, на кој присуствуваа помошникот директор и секретарката, родителите беа многу незадоволни од одлуката на Одделенскиот совет и побараа истата да се повтори за ученичката да добие уште една доволна оценка за таа не мора да го повторува класот“ – се наведува во соопштението на училиштето.
Понатаму додаваат дека разговорот бил многу тежок, бидејќи таткото барал апсолутно внимание додека зборувал и, според него, го „аргументирал“ барањето.
– Таткото продолжи со својот монолог и на сите разумни објаснувања и аргументи дека е незаконско и беспредметно да се повторува Советот на одделението, реагираше со емотивна патетика во однос на односот родител-дете. Незадоволен од ваквото објаснување и од тоа што не смее да зборува сам, тој демонстративно ја напушти средбата. Поради елементи на закани кои биле забележани и од други присутни колеги, била повикана полиција која дошла откако родителот го напуштил училишниот простор“ пренесува „Рину“.
По овој инцидент, кој бил пријавен во полиција, училиштето одржало состанок на Тимот за заштита од дискриминација, насилство, злоупотреба и занемарување. Одржани биле и состаноци на Училишниот сојуз и Училишниот одбор на кои биле донесени одлуки и мерки кои ќе се следат во иднина. За сите мерки биле известени управните органи на училиштето, Синдикатот и Управата на училиштето.
Свет
Брачен пар од САД посвоил пет деца: Ги чувале во штала, ги терале да работат како робови
Доналд Реј Ланц (63) и Џин Кеј Вајтфедер (62) од Западна Вирџинија се обвинети за занемарување на деца. Тие, наводно, ги принудувале своите посвоени деца да работат како робови и да живеат во штала. Тие беа уапсени во октомври минатата година, откако беше откриено дека пет посвоени деца на возраст од 6, 9, 11, 14 и 16 години живеат во лоши услови.
Полицијата ја повикале соседите загрижени за благосостојбата на малолетниците.
Соседите пријавиле дека децата биле принудени да вршат земјоделски работи и не им било дозволено да влезат во куќата, се наведува во обвинението. При интервенцијата полицијата во плевната затекнала 14-годишно и 16-годишно девојче. Внатре немало светлина или проточна вода. Еден од тинејџерите во полиција изјавил дека последен пат јаделе пред 12 часа и дека биле принудени да спијат на бетонот.
Ланц и Вајтфедер вчера пред судот се изјаснија за невини по повеќе обвиненија, вклучително и трговија со деца, детски труд и занемарување на децата, објави локалниот медиум „Метро Њуз“. Судијката Мериклер Акерс рече дека децата „во основа биле користени како робови“.
Тие, исто така, се соочуваат со обвиненија за кршење на човековите права, за конкретно таргетирање црни деца и принудување на работа поради нивната раса, објави „Метро Њуз“. Нивната кауција е одредена на 500 илјади долари.