Македонија
Стојаноски за даночните реформи: На криминалците од власта поважно им е да го соберат арачот, а трагедиите од Онкологија да ги скријат
![](https://makfax.com.mk/wp-content/uploads/2023/09/бојан.jpg)
Денес, ќе продолжи 120. седница, на која ќе се разгледуваат законите од т.н. даночна реформа наместо да дискутираме за скандалот на Универзитетската клиника на радиотерапија и онкологија. Итно расчистување на овој грозоморен скандал е приоритет и го повикуваме владиното мнозинство да не бега и веднаш да се формира анкетна комисија и да се разгледува извештајот на ДЗР за утврдените неправилности уште од 2021 година, истакна на прес-конференција Бојан Стојаноски од ВМРО-ДПМНЕ.
На криминалците од власта, како што вели, поважно им е да го соберат арачот за да продолжат да крадат, а трагедиите на пациентите од Онкологија и фактот дека некој свесно убивал луѓе сакаат да ги скријат низ собраниските лавиринти.
„За потсетување на граѓаните, ова не е даночна реформа, туку арач на сите нивоа. Со данокот за додадена вредност се зголемува ДДВ за храната на 10 % наместо сегашните 5 %. Иако бараме веќе неколку месеци, власта одбива да ја даде целосната листа на производи што ќе ги поскапи. Во услови на инфлација, која е особено изразена кај прехранбените производи, власта дополнително ќе ги покачи цени. Дрско, безобразно и надвор од реалноста“, рече Стојаноски.
Појасни дека со законот за данок на добивка ќе ги укинат ваучерите за спорт.
„Кога ги фатија функционерите од Агенција за млади и спорт дека прават злоупотреби, решија да ги укинат ваучерите, а со тоа да ги казнат спортистите. Системот има слабости, но тие треба да се отстранат, а не да се укинат 10 милиони евра, кои го одржуваат и онака кревкиот спорт во Македонија. Во комисиската расправа, министерот за финансии најави нов модел, но еве веќе 3 месеци поминаа, а такво нешто нема. Дополнително, се додава уште една спорна одредба, која му дава преголемо дискреционо право на инспекторот од УЈП да казнува за реинвестирана добивка – на база на субјективна одлука. Ова е уште една гилотина за притисок на стопанството“, нагласува Стојаноски.
Со третиот закон, кој се однесува на данокот на солидарност, Владата, дополнува Стојаноски, удира по најуспешните од стопанството.
„Се повикуваат на европски практики, само за побргу да се дограбат до пари, кои немилосрдно ќе ги трошат. Не постои регулатива во ЕУ со која е воведен еднократен данок за сите компании како што е кај нас. Во ЕУ овој данок се однесува само на енергетските компании што работат со нафта, јаглен, природен гас и електрична енергија. Овој закон нема поддршка од ниту еден општествен фактор и сите стопански комори се едногласно против ова решение. Власта ќе собере стотина милиони евра од граѓаните и стопанството. Овие пари власта може да ги собере со сузбивање на распространетата сива економија, но тоа не го прави. Полесно им е да зголемат давачки отколку да работат“, потенцира Стојаноски.
Апелира до мнозинството веднаш да се почне со постапката и расправата за случувањата на Онкологија.
„Секој изминат ден е можност за трговците со цитостатици да ги забошотат трагите. Мора да се утврдат лицата што направиле злоупотреба и да бидат соодветно казнети. Довербата пациент – доктор е сериозно нарушена, да се лоцира одговорност е повеќе од неопходно“, оценува Стојаноски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Препладне сончево, попладне наместа нестабилно со пороен дожд и грмежи
![](https://makfax.com.mk/wp-content/uploads/2022/08/Ohrid-meteo-sonce.png)
Времето претпладне ќе биде сончево и топло со мала до умерена облачност. Попладне наместа ќе биде нестабилно со пороен дожд и грмежи, локално во форма на невреме со пообилен пороен дожд, грмежи, засилен ветер и локална појава на град. Минималната температура ќе биде во интервал од 13 до 20, а максималната ќе достигне од 30 до 37 степени. UV=8, јавува УХМР.
Во Скопје сончево и топло со мала до умерена облачност. Попладне во делови од котлината ќе има пороен дожд, грмежи и засилен ветер. Минималната температура ќе се спушти до 18, а максималната ќе достигне до 35 степени.
До петок во попладневните часови ќе има честа појава на нестабилност со пороен дожд и грмежи. Локално процесите ќе бидат во форма на невреме со интензивен пороен дожд, силен ветер и појава на град. Дневните температури постепено ќе опаѓаат.
Македонија
Муцунски во прва работна посета на Брисел на средби со Генералниот секретар на НАТО и високи претставници на ЕУ
![](https://makfax.com.mk/wp-content/uploads/2017/02/mucunski-viena.jpg)
Министерот за надворешни работи и надворешна трговија, Тимчо Муцунски, од Луксембург продолжува во прва работна посета на Брисел, во чии рамки ќе се сретне со генералниот секретар на НАТО, Јенс Столтенберг, како и високи претставници на Европската унија.
Во фокусот на разговорите ќе бидат евроинтегративниот процес на државата, реформските процеси, како и активностите во рамки на НАТО, со посебен фокус на претстојниот Самит на Алијансата, што ќе се одржи идниот месец, во Вашингтон.
Посетата на Муцунски на Брисел на почетокот на мандатот како Министер за надворешни работи и надворешна трговија е показател за цврстата определба на земјава за што поскоро членство во Европската унија и посветениот придонес кон глобалниот мир и регионалната стабилност како кредибилна земја членка на НАТО.
Македонија
Без вода дел од општина Кисела Вода
![](https://makfax.com.mk/wp-content/uploads/2024/05/voda-chesma.jpg)
Од ЈП Водовод и Канализација известуваaт дека денеска поради изведување на водоводен приклучок на ул. Борис Трајковски 39, прекинато водоснабдување ќе имаат корисниците на дел од истата улица и ул. Иван Козаров.
Водоснабдувањето ќе биде прекинато од 08:00 часот до завршување со работните активности.( општина Кисела Вода ).