Свет
Судењето на Трамп во Џорџија ќе трае четири месеци и ќе има повеќе од 150 сведоци
Специјалниот обвинител во постапката што се води во американската држава Џорџија против поранешниот американски претседател Доналд Трамп поради субверзија на претседателските избори во 2020 година, денеска на прелиминарното рочиште оцени дека судењето најверојатно ќе трае четири месеци и дека се повикани повеќе од 150 сведоци.
Судењето на Трамп е закажано за 4 март 2024 година, на сред партиските „пред-избори“, каде се избира кој ќе ја претставува Републиканската партија на САД на претседателските избори во ноември истата година. Трамп се номинираше себеси за републикански кандидат и води во анкетите на јавното мислење.
Прелиминарното рочиште пред судијата на Врховниот суд на округот Џорџија, Скот Мекафи беше емитувано во живо на телевизија и преку каналот на судијата на јутјуб, што е сосема поинаква практика во споредба со трите одделни кривични постапки против Трамп во други американски судови, каде што не беше дозволено ниту носење камери на сослушувањата.
Специјалниот обвинител Нејтан Вејд процени дека судењето ќе трае четири месеци, што не го вклучува процесот на избор на поротата.
Закажано е прелиминарно рочиште за барањето за раздвојување на постапките на двајца од 18-те обвинети со Трамп. Засега не се знае каква ќе биде одлуката на судијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невреме во Хрватска: гром запали куќа, летаа покриви, автомобили заглавени во вода
Пожар избувна во семејната куќа во Борлин по удар на гром по силното невреме.
Со тешки телесни повреди се здобил и 52-годишен пожарникар кој е пренесен на лекување, јавува „ Нова ТВ“.
Командирот на Јавната противпожарна служба во Карловац, откри детали за повредениот пожарникар.
„За време на гаснењето имаше неколку експлозии, најголемата беше при нашето пристигнување, за време на гаснењето имаше неколку секундарни експлозии, не знаеме точно што ги предизвикало експлозиите, можеме да претпоставиме дека се работи за остатоци од мини-експлозивни направи од Татковинската војна“, рече тој.
Додаде дека пожарникарот има сериозни повреди, пренесува „Индекс“.
„Ќе биде опериран, сакаме да закрепне што е можно поскоро“, изјави тој за РТЛ.
Соседите во предградието на Карловац, опишаа дека гром прво удрил во куќата, по што следеле поголеми и помали експлозии, од кои стотици. Плочки летаа и до 80 метри, а на улица можеше да се најдат и чаури.
Силно невреме попладнево зафати делови од Хрватска. Најтешка беше ситуацијата во Карловац.
Големо количество врнежи за кратко време предизвикаа поплави на бројни патишта во Карловац. Поплавени се подвозници и паркинзи, автомобили останаа заглавени во водата.
Итните служби се на терен.
Во повеќе делови од градот паѓаше град. Засега се уште нема информации за штети.
Карловачките пожарникари примиле околу 20 повици за интервенции, потврди градоначалникот Дамир Мандиќ.
Свет
Роберт де Ниро: Трамп е кловн кој може да стане тиранин
Познатиот американски актер Роберт де Ниро денеска ненадејно се појави во близина на судот во Њујорк за јавно да го нападне кандидатот за претседателските избори, републиканецот Доналд Трамп, за кого рече дека е „кловн кој може да стане тиранин“.
Актерот кој го поддржува актуелниот, демократски претседател Џозеф Бајден изјави дека Њујорк е „неговото место“.
„Го сакам овој град, не сакам да го уништам. Доналд Трамп не само што сака да го уништи овој град, туку и земјата и, на крајот на краиштата, може да го уништи светот“, изјави Де Ниро, долгогодишен противник на поранешниот републикански претседател.
Обраќањето на Де Ниро всушност беше организирано од предизборниот тим на демократскиот претседател Бајден, додека во исто време, чекор понатаму, Трамп ги слушаше своите адвокати кои се залагаат за ослободителна пресуда во кривичната постапка против него.
Актерот кој сега има 80 години изјави дека Трамп е „кловн“ и дека неговата кандидатура за претседател во 2016 година сите ја сметале за шега.
„Кога Трамп се кандидираше во 2016 година, тоа беше како шега, идиот кој се кандидираше за претседател. Ги заборавивме лекциите од историјата кои ни покажуваат дека другите кловнови не беа сфатени сериозно додека не станаа диви диктатори“, рече Де Ниро.
Тој додаде дека сега никој не треба да се смее, туку мора да ја искористи оваа единствена можност и да гласа против него – еднаш засекогаш.
Свет
Лукашенко: „Се приближуваме до жешката фаза од судирот со Западот, не се опуштаме“
Белорусија е изложена на најголемиот притисок во поновата историја од Западот, меѓу нив е и информативниот, кој е увертира во жешката фаза на конфликтот, изјави белорускиот претседател Александар Лукашенко.
„Не се опуштаме. Згора на тоа, максимално сме фокусирани на заканите. Причините се познати. Сè уште сме подложени на хибриден притисок од Западот – најголем во поновата историја. Станува збор за политички притисок, кој го вршат преку промовирање антибелоруска позиција на меѓународно политичко-правно поле, потоа информативен притисок, кој го вршат со радикализирање на екстремистички платформи, економски – со воведување нови пакети санкции, како и војската – со обиди да се вовлече Белорусија во воени конфликти“, рече Лукашенко во своето обраќање на форумот на белоруските медиумски заедници во Могилев.
„Правам се за да нема војна во државата“, рече тој.
„Не сакам никаква војна и сигурен сум дека ниту мнозинството Белоруси не сакаат“, додаде тој.
„Вчера, додека се подготвував да се сретнам со вас, се обидов да се сетам кога во нашиот речник се појавија термините „информативна војна“, „ментална војна“, „лажна“, „пост вистина“ и други. Одговорот е – неодамна, буквално пред некои шест до седум години. И колку се стари овие феномени? Нема да броиме. Веројатно додека живее човек, бидејќи информативната војна е увертира во горливата фаза на конфронтацијата“, изјави Лукашенко.
Според него, во Белорусија треба да се зајакне пропагандата и контрапропагандата, како и идеолошката работа.