Спорт
Погба сакал да се пензионира по уцената од сопствениот брат
Ѕвездата на Јувентус, Пол Погба открива дека размислувал за повлекување од професионалниот фудбал по случајот со уцена и изнудување на пари од страна на организирана група во која беа вклучени некои негови пријатели и неговиот постар брат, Матијас.
Лани беше отворена истрага за изнудатта на 13 милиони евра од Матијас Погба и од пријатели од детството на Французинот, и сега во интервју за „Ал Џазира спорт“, Погба признава дека тоа го натерало да размислува за иднината.
„Парите ги менуваат луѓето, можат да растурат семејство. Можат да предизвикаат војна. Понекогаш си помислував: ‘Не сакам да имам пари. Не сакам да играм. Сакам само да бидам со луѓе кои ќе ме сакаат, кои се нормални, не за славата, не за парите’. Понекогаш е тешко да се справиш со тој притисок“, вели Погба.
Покрај овие проблеми, 30-годишниот Погба имаше и големи проблеми со повредите по враќањето во Јувентус од Манчестер јунајтед и не беше дел од француската репрезентација за СП во Катар. Тој додава дека сака да ги демантира сите кои сметаат дека тој е „готов“.
„Сакам да ги изедат своите зборови. Да им покажам дека не сум слаб. Може да зборуваат лоши работи за мене, но јас нема да се предадам. Фудбалот е прекрасен, но суров спорт. Луѓето може да те заборават за еден ден. Еден ден си направил нешто големо, следниот ден си нула. Сите чекаат: ‘Тој е готов, кариерата му е завршена’. Затоа треба да се докажуваш постојано. Има многу играчи кои се загубија ментално, го замразија фудбалот поради негативните работи“, додава Погба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен најбрз во Имола
Макс Ферстапен во Имола ја забележа 59.победа во кариерата. Актуелниот светски првак триумфираше на трката за Големата награда на Емилија Ромања. Покрај Ферстапен место на победничкиот подиум изборија Ландо Норис (Мекларен) и Шарл Леклер (Ферари).
Траката во Имола речиси и да не донесе никакви возбудувања. На почетокот во првите 10 кругови Пасјтри се обидуваше но не успеа да го мине Карлос Санц на четвротто место. Она што не на младиот Австралиец му успеа на патеката му успеа низ боксот.
Мала незивеснот имаше во последните седум круга, кога Ферстапен се пожали на проблеми со пенвматиците. Норис тоа го искористи, разликата од седум секунди ја намали на седум десетинки, но не дојде во позиција за напад.
Покрај најдобрите тројца бодови во Имола освоија Пјастри, Саинц, Хамилтон, Расел, Перез, Строл, и Цунода.
Шампионатот во Формула 1 продолжува наредниот викенд со трката за Голмата награда на Монако.
Спорт
(Видео) Каљари избори опстанок во Серија А
Фудбалерите на Сасуоло загубија на домашен терен од Каљари со 2:0. Екипата од Сардинија, која од клупата ја предводи Клаудио Раниери де на коло пред крајот дефинитивно обезбеди опстанок во Серија А.
За разлика од Каљари, Сасуоло во последното коло гостува кај Лацио, а ниту победа не му гарантира опстанок.
До победата Каљари го предводеа Матео Прати, кој ја погоди мрежата на домаќините во 72. минута и Џанлука Лападула, кој погоди од пенал во судиското надополнување.
Ова беше прва победа на Каљари по пет кола.
Тимот од Сардинија сега има четири бода повеќе од Фросиноне и Емполи, а седум бода повеќе од Сасуоло пред последниот натпревар сезонава.
Тимот предводен од Клаудио Раниери од клупата ќе ја пречека Фиорентина во последниот натпревар од сезоната.
Спорт
(Видео) Навивач на ПАОК го плукна Матијас Лесор
Големото дерби меѓу ПАОК и Панатинаикос во преполната сала „Палатаки“ во Солун заврши со инцидент.
Матијас Лесор бесен го напуштил паркетот, пишува порталот „СДНА“, откако го плукнал еден од навивачите на црно-белите.
Наводно, центарот на Панатинаикос со намера да се поздрави им пришол на група навивачи на Партизан, кои ги препознал меѓу поддржувачите на ПАОК, но еден од навивачите на домашната екипа го плукнал во лице.
Лесор, пишува „СДНА“, полудел и се обидел да се пресмета со навивачот, но бил задржан од соиграчите и членовите на стручниот штаб на Панатинаикос.
Овој портал наведува дека тогаш дошло до тепачка меѓу малата група навивачи од Белград и навивачите на ПАОК, но ситуацијата брзо се смирила.
Инаку навивачките групи на ПАОК и Паризан се збратимени.
Инцидентот се случи по завршувањето на вториот натпревар од четвртфиналната серија на грчкиот плеј-оф, во кој Панатинаикос го совлада ПАОК како гостин по продолжение (96:99, 89:89) и се пласираше во полуфиналето со резултат 2:0.
Oh my, oh my, fan spit Matias Lessort, and he got pretty mad. #kkp #paobc pic.twitter.com/SKy6RRpyHs
— Milos NS (@MilosNSNS) May 19, 2024