Македонија
Џафери на средба со делегација од Собранието на Косово: во фокусот, етичкиот реформски процес
![](https://makfax.com.mk/wp-content/uploads/2023/09/Џафери-дел.-Косово-2.jpg)
Претседателот на Собранието, Талат Џафери, се сретна со членовите на работната група од Собранието на Република Косово, која средба е во рамките на нивната студиска посета организирана од Националниот демократски институт. Целта на студиската посета е одблиску да се запознаат со етичкиот реформски процес во нашата земја, со фокус на механизмот, кој иако сè уште не е усвоен од Собранието, е еден од најнапредните нацрт-етички кодекси.
Џафери им посака добредојде на гостите и даде краток осврт за билатералните односи помеѓу двете земји, истакнувајќи ги мноштвото позитивни аспекти и посочувајќи ги прашањата на кои треба да се посвети дополнително внимание, како што е на пример олеснувањето на движењето на граѓаните од двете страни.
Говореше и за парламентарната соработка која наидува на поддршка од двете страни и се одвива на сите нивоа, од претседатели на Собранија, до работни тела и групи за соработка. Размената на добрите практики е одлична појдовна основа и во тој контекст ги спомна проектите што ги реализираме заедно со донаторите и чии резултати се од голема полза за функционалноста на законодавниот дом. Меѓу другото, тука спаѓа и првиот етички кодекс кој што беше усогласен во рамките на дијалогот „Жан Моне“, а сега е во подготовка и последното усогласување кое што ќе се пушти во собраниска процедура. Во подготовка е и новиот Деловник за работа на Собранието, во соработка со Европскиот Парламент и кој што се усогласува со големо трпение и конструктивност на сите учесници во процесот. Целта е функционално Собрание кое ги извршува своите уставна надлежности на најдобар можен начин.
Водачот на делегацијата од Косово ги претстави членовите, потенцирајќи дека во нејзин состав има членови од законодавниот дом на Република Косово и од НДИ и говореше за досегашните активности и реализирани студиски посети во разни парламенти за да соберат што повеќе искуства во областа. Се заблагодарија на поддршката што како земја ја добиваат од Собранието и од Република Северна Македонија на сите меѓународни настани и изразија желба за понатамошно продлабочување на соработката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.