Македонија
И со намален број обвинители и недоволно финансиски средства обвинителствата биле ефикасни, покажал годишниот извештај
![](https://makfax.com.mk/wp-content/uploads/2017/04/javno-obvinitelstvo.jpg)
Годишниот извештај за работата на јавните обвинителства во 2022 година го анализира обемот на работа на обвинителствата, кои и со намалени човечки ресурси, но со добра организација, не само што го совладаа приливот на нови предмети туку го намалија и остатокот на нерешените.
Така, во извештајната година биле примени пријави против 19.934 познати сторители на кривични дела и заедно со пренесените 13.421 незавршени предмети од 2021 година јавните обвинители постапувале по вкупно 33.355 предмети против познати сторители, покажува годишниот извештај, кој беше доставен до Собраниетo.
Овие податоци покажуваат дека секој јавен обвинител во Основно јавно обвинителство во текот на годината просечно работел на речиси 192 предмета. Оваа бројка во одредени обвинителства, со оглед на нивната надлежност, е и значително поголема.
Со значително намален број јавни обвинители, бидејќи не се пополнети една третина од систематизираните места за јавни обвинители, со нецелосно пополнета јавнообвинителска служба и недоволни финансиски средства за работа, обвинителствата и во 2022 година успеаја да го совладаат приливот на нови кривични пријави и да го намалат бројот на нерешени предмети.
Одлучувајќи по предметите, основните јавни обвинители поднеле обвинителни предлози против 4.829 (24,3 %) лица, предлози за казнен налог против 4.458 (22,5 %) лица, од донесените 1.397 наредби за спроведување истрага против 1.087 лица поднесени се обвинителни акти, предлог-спогодба во скратена постапка поднесена е против 114 (0,6 %) лица, против 849 (4,3 %) лица пријавите се решени на друг начин, а против 8.207 (41,3 %) лица пријавите се отфрлени врз основа на член 288 од Законот за кривичната постапка и од други причини. Покрај тоа, за 600 (60,7 %) деца поднесени се барања за подготвителна постапка, за 5 деца поднесен е директен предлог за санкција и за 353 деца (35,7 %) кривичните пријави се отфрлени.
Од надлежните судови биле донесени пресуди против вкупно 10.680 лица, од кои за 9.577 пресудите биле осудителни врз основа на поднесеното обвинение.
Во текот на целокупната постапка јавните обвинители се грижеа за почитување на правата и на оштетените, но и на осомничените и на обвинетите. Така, мерка притвор беше побарана само за 3,2 % од сторителите на кривични дела и само тогаш кога таа беше единствен начин за да се обезбеди натамошното непречено одвивање на кривичната постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Коце Трајановски нов директор на Државни патишта
![](https://makfax.com.mk/wp-content/uploads/2017/08/koce-trajanovski.jpg)
Коце Трајановски е назначен од Владата за нов директор на Јавното претпријатие за државни патишта.
Трајановски доаѓа на функцијата на местото на Ејуп Рустеми.
Трајановски е поранешен градоначалник на Скопје и Општина Гази Баба.
Македонија
ВМРО-ДПМНЕ: Со платите што досега беа за економските директори ќе се подобруваат здравствените услуги
![](https://makfax.com.mk/wp-content/uploads/2023/04/339277028_1312557535968805_6452318681591516031_n.jpg)
Владата ги укина економските директори во здравствените установи, парите ќе одат кон подобрување на здравствените услуги, истакнуваат од ВМРО-ДПМНЕ.
На вчерашната седница владата пристапи кон предлог измени на Законот за здравствена заштита, со цел укинување на институцијата економски директор во јавните здравствени установи.
„Со укинувањето на економските директори, се укинува дуализмот во здравството, но и се подобрува ефикасноста.
Со воведување на систем на еден директор, се намалуваат административните трошоци, а средствата ќе се пренасочат во подобрување на здравствената инфраструктура, зголемување на транспарентноста и отчетноста“, стои во соопштението.
Македонија
СДСМ: Нема никогаш да ги прифатиме повиците на лажните патриоти од ЗНАМ, не не плашат ќорците на тројанскиот коњ Максим Димитриевски
![](https://makfax.com.mk/wp-content/uploads/2024/06/sdsm-venko-filipce-3.jpeg)
Вистинските социјалдемократи кои се борат со срце и со душа за остварување на социјалдемократските вредности нема никогаш да ги прифатат повиците на лажните патриоти од ЗНАМ, велат од СДСМ.
„Максим Димитривски за неколку фотељи и градоначачлничка функција стана слуга и продолжена рака на ВМРО ДПМНЕ и Мицкоски.
Срамно и жално е да се гледаат поранешни генерални секретари на СДСМ како министри и послушници во Влада која ја водат луѓе што сакаа да ги убијат нивните довчерашни сопартијци. Срамно е за поранешни пратеници на СДСМ да бидат функционери во власта на Мицкоски. Од тоа вистинските членови на СДСМ се срамат и го осудуваат.
СДСМ не го плашат ќорците на Максим Димитриевски и повиците за поделба на партијата“, истакнуваат од опозициската партија.
СДСМ, додаваат тие, е единствената вистинска опозиција која ќе се бори со сите сили за да се спречува штетните политики на владата на Мицковски и неговиот сателит ЗНАМ.
„Сега веќе работите се јасни а тројанскиот коњ Димитриевски е откриен. Брзо ќе се соочи со реалноста и гневот кој го насобра од членовите на СДСМ.
Димитриевски замолче како мало дете пред Касами а неговите изблици на лажен патриотизам беа замолчани уште првата недела од неговото слугување на Мицкоски. Толку беше од чукањето во гради и лажните закани дека ќе ја напушти владата во обид да го намали срамот“, се нагласува во соопштението на СДСМ.