Свет
(Видео) Дури 10.000 луѓе се водат за исчезнати во Либија
Околу 10.000 луѓе се водат како исчезнати по големите поплави во Либија, изјави претставник на Меѓународната федерација на Црвениот крст и Црвената полумесечина (IFRC).
The devastation is as far as the eye can reach. #Derna desperately needs international assistance! Estimates are rising into the thousands of dead. #Libya pic.twitter.com/OgPrTXVmqv
— Anas El Gomati (@AGomati) September 12, 2023
„Од нашите независни извори на информации, можеме да потврдиме дека бројот на исчезнати достигна 10.000 досега“, рече Тамер Рамадан, шеф на делегацијата на IFRC во Либија.
🇱🇾 Deadly storm winds and heavy floods hit #Libya over the past two days, with estimates of fatalities ranging from hundreds to thousands of people.
🔴 FRANCE 24’s @ClemenceWaller has this report. pic.twitter.com/4NFwvUIiRG
— FRANCE 24 English (@France24_en) September 12, 2023
Поплавите и свлечиштата предизвикани од силниот дожд уништија многу патишта и куќи. Најтешко беше погодено пристаништето Дерна, најголем дел под вода откако се урнаа две брани и четири моста.
„Бројот на загинати е огромен и може да достигне илјадници“, додаде Рамадан.
Повеќе од 1.000 тела се пронајдени во источниот либиски град Дерна, изјави министер од источната влада, додавајќи дека конечниот биланс на загинати се очекува да биде многу висок.
„Се вратив од Дерна. Катастрофално е. Телата лежат насекаде – во морето, во долините, под зградите“, изјави за Ројтерс по телефон Хихем Шкуат, министер за цивилна авијација и член на Комитетот за вонредни ситуации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нов аларм во Грац: само неколку часа по масакрот во училиштето, пристигнаа заканувачки повици

Во вторникот наутро, Грац беше шокиран од веста за масакрот во училиштето, каде што напаѓачот убил 10 лица, а потоа извршил самоубиство, а само неколку часа подоцна имаше нов аларм.
Како што пишува „Кронен“, само неколку часа по масовното убиство во училиштето, имитаторите го искористиле пукањето како изговор за да упатат закани.
Имено, друга гимназија во Грац добила заканувачки повик во вторникот вечерта, изјави Франц Руф, генерален директор за јавна безбедност.
Закана била испратена и до централната станица во Грац во вторникот попладне, пишува „Кронен“ и додава дека истрагите за овие закани се во тек.
Свет
Руски амбасадор: Обновувањето на односите меѓу САД и Русија го забавува „длабоката држава“ во Америка

Разговорот меѓу САД и Русија за решавање на прашањата во нивните билатерални односи ќе биде преместен од Истанбул во Москва, изјави денес за ТАСС новиот руски амбасадор во Вашингтон.
„Сè уште има долг пат за обновување на руско-американските односи“, рече амбасадорот Александар Дарчиев.
Според него, зближувањето со Москва го забавуваат таканаречената „длабока држава“ во САД и антируските „јастреби“ во Конгресот.
„Можам да потврдам дека во блиска иднина во Москва ќе се одржат нови разговори на делегации“, рече Дарчиев.
Војната во Украина предизвика најголеми тензии во односите меѓу Москва и Западот од Студената војна. Искусни дипломати од Москва и Вашингтон изјавија за Ројтерс во 2024 година дека не можат да се сетат дека односите некогаш биле полоши.
Администрацијата на претседателот Доналд Трамп го смета украинскиот конфликт за посредничка „proxy“ војна меѓу САД и Русија. Трамп постојано предупредуваше на ризикот од ескалација на конфликтот во светска војна.
Свет
ЕУ го додаде Монако на листата на земји со висок ризик за перење пари

Европската комисија денес објави дека го додаде Монако на листата на земји со „висок ризик“ во однос на перењето пари, како и дека ги отстрани Обединетите Арапски Емирати од листата.
Европската комисија се согласи со „сивата листа“ на Работната група за финансиски дејствија (FATF), меѓународно тело задолжено за евалуација на активностите на земјите во борбата против перењето пари.
Монако е на нивната листа од 2024 година.