Свет
(Видео) Вознемирувачки снимки од Либија: болниците не можат да ги примат жртвите од разорните поплави, улици полни со тела
Бројот на загинати во разорните поплави во градот Дерна во источна Либија драстично се зголеми. Во соопштението за медиумите, Министерството за внатрешни работи наведува дека загинале 5.300 луѓе, додека илјадници се водат како исчезнати.
На социјалните мрежи се појавија видеа од тела расфрлани по улиците во близина на болницата, која не може да прими толку многу мртви.
🚨ALERT – After devastating flooding in Libya over 2000+ people reported DEAD and over 10, 000+ reported to be missing due to two dams collapsing from the Storm Daniel 💔🙏#Libya #Flood #Derna #StormDaniel#Emergency #Fema #Africa pic.twitter.com/YAgoVHhnLw
— T R U T H P O L E (@Truthpole) September 12, 2023
„Улиците се полни со тела“, се вели во описот на видеото, снимено во градот Дерна.
„Локалните спасувачки тимови ја продолжуваат потрагата по исчезнатите лица“, изјави Мохамед Аболмоса, портпарол на министерството и повика на „меѓународна интервенција за помош во спасувачките напори“.
The streets are filled with corpses. 💔🇱🇾
Exclusive footage shows the overcrowded hospital sidewalks in the Libyan city of Derna with the bodies of flood victims that have struck the country.#Libya #إعصار_دانيال #انقذوا_الشرق_الليبي #ليبيا pic.twitter.com/GTGULYckDr
— Algeria Mix II (@AlgMiix) September 12, 2023
Преживеаните од поплавите во Либија претходно опишаа дека слушнале експлозија кога една од двете брани во Дерна пукнала и цунами го зафатил градот, а водата се искачила на третиот кат од зградите. Некои избегаа скокајќи од покрив на покрив, други со часови останаа во своите поплавени станови, додека водата речиси стигна до таванот, стои во написите.
На влезот во Дерна, град со 100.000 жители во источна Либија, група преживеани побараа засолниште откако нивните домови беа уништени. Многумина беа во пижами и влечки, бидејќи немаа време да се пресоблечат: трчаа најбрзо што можеа за да се спасат.
Раџа Саси (39) побегнал со сопругата и ќерката кога водата стигнала до горниот кат од нивната куќа. Сите други членови на семејството беа убиени.
„Прво мислевме дека е само силен дожд, но на полноќ слушнавме огромна експлозија. Браната пукна“, рече тој, додавајќи дека улиците во центарот на градот се полни со мртви.
Претседателскиот совет на Либија во понеделникот апелираше до соседните земји и меѓународните хуманитарни групи да се соберат во областите погодени од поплавите во источниот регион.
Други градови и населени места погодени од уништувањето за време на викендот се Бенгази, Бајда, Ал Марџ и Суза.
Абдул Хамид Дбеибех, шеф на либиската влада со седиште во Триполи, ги прогласи сите области погодени од смртоносните поплави за зони на катастрофа и прогласи тридневна национална жалост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија привремено ги прекина летовите на аеродромот Краснодар
Руската служба за цивилно воздухопловство „Росавијација“ соопшти дека рано утрово привремено ги прекинува летовите на аеродромот Краснодар во јужна Русија за да се обезбеди безбедноста на летовите.
Неофицијалните руски и украински канали на Телеграм објавија серија експлозии низ регионот Краснодар, каде што се наоѓаат нафтениот терминал Новоросијск и рафинеријата Илски.
Ројтерс не можеше независно да ги потврди неофицијалните извештаи за експлозиите.
фото: принтскрин
Свет
(Видео) Јапонскиот град Оита во пламен: зафатени 170 објекти, едно лице е исчезнато
Пожар зафати повеќе од 170 објекти во јужен јапонски крајбрежен град, гореше преку ноќ и сè уште не е целосно изгаснат, соопшти националната противпожарна агенција во понеделник.
Околу 175 жители на округот Саганосеки во градот Оита, околу 770 км југозападно од Токио, избегаа во засолништа за итни случаи откако пожарот избувна вчера околу 17:40 часот (08:40 GMT), соопшти Агенцијата за управување со пожари и катастрофи.
Едно лице сè уште се води како исчезнато додека причината за пожарот се истражува, соопшти Агенцијата. Локалните медиуми објавија дека пламените јазици се прошириле и на блиските шумски ридови.
Јапонскиот премиер Санае Такаичи во објава на Икс изјави дека е испратен воен хеликоптер за гаснење на пожарот на барање на гувернерот на префектурата Оита.

фото: принтскрин
Свет
Пет туристи загинаа во снежна бура во Чиле: двајца Германци, двајца Мексиканци и еден Британец
Спасувачките екипи со часови бараат група туристи кои исчезнаа во снежна бура во Националниот парк Торес дел Пајне во Чиле, во која загинаа најмалку пет лица, вклучувајќи Германци, Британци и Мексиканци.
Една од жртвите е жена која им подлегна на повредите откако беше евакуирана, објави локалниот телевизиски канал Т13.
Според официјален претставник од покраината Ултима Есперанца, Гилермо Руиз, спасувачите првично се упатиле кон пронаоѓање на седум туристи, но лошите временски услови им ги попречувале напорите.
Во меѓувреме, пристигна вест дека се пронајдени четири лица и дека се наоѓаат на најмалку четири часа пешачење од најблискиот пат.
Туристите исчезнаа во регионот Патагонија, во кампот Лос Перос, до кој може да се стигне само пеш по непристапна патека.
Областа беше погодена од снежна бура со ветрови со брзина од над 193 километри на час. Сè уште не е јасно од која земја се туристите, според Ројтерс.
Националниот парк Торес дел Пајне се простира на повеќе од 1.800 квадратни километри и го посетуваат стотици илјади туристи годишно.
фото: принтскрин

