Свет
Кремљ: Односите меѓу Москва и Пјонгјанг не треба да загрижуваат никого, не се насочени против нив
По преговорите во проширениот состав, одржана е лична средба меѓу Владимир Путин и Ким Џонг-ун, соопшти прес-службата на Кремљ.
Средбата меѓу претседателот на Русија, Владимир Путин, и лидерот на Северна Кореја, Ким Џонг-ун се одржа на космодромот „Восточни“ во областа Амур во Русија.
Односите меѓу Москва и Пјонгјанг не треба да ги загрижуваат другите земји бидејќи тие не се насочени против никого, посочи Песков, коментирајќи ја средбата меѓу двајцата лидери.
„Сите други прашања се однесуваат само на нашите две суверени земји и не треба да бидат грижа на трети земји бидејќи нашата соработка е во корист на народот на нашите две земји, а не против никого“, изјави Песков за телевизијата „Русија 1“.
„Северна Кореја е наш близок сосед. И покрај какви било коментари или извици однадвор, односите со соседите ќе ги градиме на начин што е корисен за нас и за нашите соседи“, нагласи тој.
Тој додаде дека Русија ја задржува својата позиција во ОН кога се во прашање санкциите против Северна Кореја, но тоа не може, не треба и нема да биде пречка за развојот на руско-севернокорејските односи.
Посочи дека градењето односи меѓу Русија и Северна Кореја се однесува и на чувствителните области, вклучително и војската.
Разговорот се одвива во салата за состаноци на првиот кат од инженерската зграда на техничкиот комплекс на вселенскиот ракетен комплекс „Сојуз 2“. Во преговорите учествуваа членови на делегациите на двете земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еруптираше вулканот Ибу во Индонезија, третото ниво на предупредување е на сила
Вулканот Ибу на островот Халмахера во Индонезија еруптираше околу пет минути, исфрлајќи пепел високо пет километри во воздухот, соопшти индонезискиот центар за вулканологија и геолошки опасности.
Засега не се издадени наредби за евакуација, јавува Ројтерс. Во сила е третото ниво на предупредување, од вкупно четири, а забранети се сите активности во радиус од пет километри, изјави раководителот на Центарот Хендра Гунаван.
„Ако почне да паѓа пепел, им препорачуваме на луѓето кои се во близина на вулканот да носат маска и очила“, додаде Гунаван.
Индонезија, архипелаг каде живеат околу 270 милиони луѓе, има 127 активни вулкани, а се наоѓа во т.н. Пацифичкиот огнен прстен, област каде што се судираат повеќе тектонски плочи, предизвикувајќи зголемена сеизмичка активност.
Свет
Сергеј Лавров: Ако Западот сака решение на украинската криза на бојното поле, Русија е подготвена
Доколку западните земји сакаат да ја решат украинската криза на бојното поле, тогаш Москва е подготвена за тоа, изјави рускиот министер за надворешни работи, Сергеј Лавров.
„Тоа е нивно право, ако сакаат да бидат на бојното поле, ќе бидат на бојното поле“, рече Лавров за време на консултациите во Советот на Федерацијата за неговото повторно именување за министер за надворешни работи, пренесува „РИА новости“.
Зборувајќи за конференцијата за Украина во Швајцарија, која е закажана за јуни и на која Русија не беше поканета, Лавров ја спореди ситуацијата со „укор за ученик“.
Свет
Украина: Непријателот постигнува тактички успеси
Украинската армијa призна дека руските сили напредуваат во нивната офанзива во североисточниот дел на регионот Харков.
Руските сили се обидуваат да се пробијат во тој регион, што предизвика тревога во Киев и кај западните сојузници за потенцијална голема офанзива врз Харков – вториот по големина во Украина, кој се наоѓа на триесет километри од руската граница.
„Непријателот моментно постигнува тактички успеси“, објави украинскиот Генералштаб.
По освојувањето неколку села во областа Харков, во моментот се водат борби во близина на градот Вовчанск, кој се наоѓа на пет километри од руската граница, пишува ДПА.
Украина тврди дека Русија бележи големи загуби, но дека и покрај тоа испраќа многубројни сили во Вовчанск кон кој се движат пет баталјони. Русија веќе го окупира Вовчанск на почетокот на војната.
Русија почна уште еден пробив кон регионот Харков на 10 мај. Во последните два дена освоила девет села, тврди руското Министерство за одбрана.