Македонија
Стојаноски: Владата да ја објави листата на прехранбени производи и јавноста да знае кои ќе добијат повисока цена
Граѓаните живеат сè посиромашно и потешко, а главните виновници СДС и ДУИ тоа воопшто не ги интересира. Во Македонија со оваа власт повеќе нема перспектива и нема иднина ниту за младите ниту за повозрасните, истакна Бојан Стојаноски, пратеник на пратеничката група на ВМРО-ДПМНЕ.
„На денешната пленарна седница, Владата, предводена од СДС и ДУИ, предлага измени на Законот за додадената вредност, со што веднаш по неговото стапување во сила над 4.000 прехранбени производи ќе поскапат минимум 5 или 13 %. Токму поради оваа таканаречена даночна реформа на власта, инфлацијата во Македонија уште повеќе ќе расте, а квалитетот на животот на граѓаните ќе биде уште полош. За апсурдот да биде уште поголем, оваа Влада веќе извесен период ја крие и избегнува да ја објави листата на производи што ќе бидат опфатени со оваа даночна реформа“, рече Стојаноски.
Потсети дека таканаречената транспарентна Влада предводена од СДС и ДУИ уште во декември минатата година објави дека ја подготвува оваа листа на производи, но таа никогаш не го виде светлото на денот.
„Дури и денес, кога мнозинството треба да ги гласа овие измени, листата сè уште ја нема. Значи, пратениците од мнозинството ќе гласаат за зголемување на даноците, без притоа да ја видат листата на производи. Срамно и неодговорно. Во изминатиот период пратеничката група на ВМРО-ДПМНЕ и коалицијата нудеа мерки и поднесуваа амандмани со кои ќе се замрзнеа цените на производите во маркетите, со што ќе се намалеше ДДВ-то на електричната енергија и на огревното дрво за домаќинствата, но и тоа, Владата на СДС и ДУИ, без око да им трепне, го одбиваше.
Ја повикуваме и бараме од Владата, конечно, да ја објави листата на прехранбени производи сè со цел ние пратениците, а и целата македонска јавност, да види и да знае кои основни прехранбени производи ќе добијат покачена и повисока цена“.
Бараме транспарентност и отчетност кон граѓаните бидејќи токму тие се жртвите на деструктивната и катастрофална економска политика на оваа власт предводена од СДС и ДУИ“, порача Стојаноски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
24 Мај – Денот на сесловенските просветители свети Кирил и Методиј е неработен ден за сите граѓани
Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 24 мај 2024 година (петок), Св. Кирил и Методиј – Денот на сесловенските просветители – е неработен ден за сите граѓани на Република Северна Македонија.
Министерството за труд и социјална политика на сите граѓани во Република Северна Македонија им го честита празникот Св. Кирил и Методиј – Денот на сесловенските просветители.
Македонија
Мицкоски – Дрекслер: Заложбите на владата на ВМРО-ДПМНЕ се евроинтеграциите, забрзан економски развој и борбата против криминалот и корупцијата
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски оствари средба со амбасадорката на Сојузна Република Германија, Петра Дрекслер.
На средбата претседателот Мицкоски ги презентира заложбите што ВМРО-ДПМНЕ како идна влада ќе ги има, а тоа се евроинтеграциите, забрзан економски развој и борбата против криминалот и корупцијата.
„Потребно е Македонија да се стави на брза лента кон ЕУ, но и засилено да се забрза економскиот развој и да се подобри животниот стандард на граѓаните. Борбата против криминалот и корупцијата се клучни бидејќи Владата на СДС и ДУИ ја деградира државата по сите основи, а најмногу на тоа поле. ВМРО-ДПМНЕ ќе работи за сите граѓани на државата, а не како СДС и ДУИ до сега“, рече Мицкоски.
Македонија
Шверцувале мигранти од Босна и Херцеговина во Хрватска: на цариниците им плаќале по 1.500 евра
По спроведена истрага, УСКОК поднесе обвинение пред судот во Осиек против групата, во која беа вклучени двајца царински службеници, осомничени за шверцување најмалку 47 турски мигранти во најмалку пет наврати и шверцување разновидна комерцијална стока преку граница.
Инспекторите се сомневаат дека првообвинетиот, со засега непознати лица од БиХ, се договорил и за пари организирал континуирано нелегално префрлање поголем број странски државјани од БиХ во Хрватска преку граничните премини во Гуња, Топушка и други места.
За нивниот пикап и превоз преку граница за цена од 1.500 евра од превоз организаторот на групата во договор со еден од осомничените царински службеници го ангажирал четвртопријавениот, кој ги превезувал мигрантите скриени во багажникот на возилото. Потоа ги предал на непознати лица за понатаму да ги вози до договорените дестинации во Хрватска и другите земји од Европската Унија.