Европа
Европскиот парламент ја повика Турција да го ратификува членството на Шведска во НАТО
Европскиот Парламент денеска ја повика Турција да го ратификува членството на Шведска во НАТО и нагласи дека ова прашање не треба да се условува со заживување на преговорите меѓу Турција и ЕУ за членство во тој блок.
Во резолуцијата донесена на пленарната седница во Стразбур со 434 гласа „за“, 18 „против“ и 152 „воздржани“, Парламентот повика на нова насока во развојот на односите, почитување на човековите права во Турција, како и Анкара да ја отстрани блокадата на Стокхолм за членство во НАТО.
ЕП ја отфрла можноста за политичка трговија и во резолуцијата „нагласува дека процесот на пристапување на една земја во НАТО не може на кој било начин да се поврзе со процесот на пристапување на друга земја од ЕУ бидејќи процесот на пристапување на друга земја од ЕУ се уште е врз основа на неговите заслуги“.
Турција ги отвори преговорите за членство со ЕУ уште во 2005 година, но тие се блокирани од 2018 година и нема знаци дека би можеле да заживеат.
Но, „без драстична промена во насоката на турската влада, процесот на пристапување на Турција во ЕУ не може да продолжи во сегашните околности“, посочуваат европратениците, а тоа е затоа што во Турција нема напредок во однос на човековите права и владеењето на правото.
„Победата на турскиот претседател Таип Ердоган на последните избори за нас е само показател дека Турција ќе продолжи по својот пат, што доведе до сегашното ниво на односите“, смета социјалдемократот Тонино Пицула.
Тој додаде дека односите меѓу ЕУ и Турција се „сериозно замрзнати“ и дека ќе мора да се признае дека Турција е партнер на Унијата од една страна, а ривал од друга страна.
Во извештајот, европратениците го поздравија смирувањето на тензиите во источниот Медитеран. Грција и Турција, меѓу другото, ја оспоруваат територијата во Егејското Море, правото на истражување на енергетските извори во источниот Медитеран и поделбата на Кипар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.