Спорт
Фердинанд: Роналдо, а не Модриќ требаше да ја добие Златната топка во 2018 година
Рио Фердинанд тврди дека на Кристијано Роналдо му била „украдена“ една Златна топка во кариерата и дека тоа било во 2018 година, кога играчот од средниот ред на Реал Мадрид и капитен на хрватската репрезентација Лука Модриќ беше прогласен за најдобар во светот. Според него, тогаш била направена неправда и на Португалецот му било одземено големото признание.
Прославениот поранешен англиски фудбалер одговараше на прашање за Златната топка и споредбите меѓу Лионел Меси и Кристијано Роналдо.
Запрашан кој има повеќе златни топки, Фердинанд рече: „Меси. Седум на пет. На Роналдо му беше украдена кога Модриќ ја освои наградата“.
Пред да ја освои Златната топка и да ја прекине десетгодишната доминација на Меси и Роландо, кои наизменично се менуваа како нејзини освојувачи, Модриќ беше прогласен за најдобар играч на Светското првенство, УЕФА го прогласи за најдобар фудбалер во Европа, а ФИФА за најдобар во светот.
Во 2018 година со Реал ја освои Лигата на шампионите. Тоа беше негов четврти ваков трофеј. Со Хрватска стана светски вицешампион.
Модриќ во 2018 година доби 753 поени при гласањето за Златната топка. Кристијано Роналдо, кој беше негов соиграч во Реал таа сезона и постигна 44 гола и осум асистенции на 44 натпревари, заврши на второто гласање со 478 поени.
Трет беше Антоан Гризма со 414 гласови. Интересно, Францускиот ас статистички беше најдобар во 2018 година. Беше најдобар играч и стрелец на Атлетико Мадрид и Франција. Со Франција стана светски првак, со Атлетико ги освои Лига Европа (прогласен за најдобра играч во ова натпреварување) и Суперкупот на УЕФА, a во шпанското првенство „јорганџиите“ беа втори на табелата пред Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.