Регион
Kако е ископан тунелот во судот во Подгорица – судски вештак со две теории: „Некој мораше да обезбеди прецизни карти“
Прашањето што се наметнува деновиве е: „Како е можно некој да ископа тунел долг 30 метри токму пред очите на јавноста и пред властите во Вишиот суд? За да се ископа тунелот долг 30 метри што ги поврзува двете згради, не беше потребна тешка механизација, туку беа потребни прецизни карти“, вели Драган Жарковиќ, судски вештак од областа на градежништвото.
„Некој мораше да ги даде податоците за крајната точка на тунелот, тоа мораше да го направи со геодетски апарати и инструменти и претпоставувам дека тоа е направено со рачен алат, без употреба на некој современ алат, кој би го направил тоа побргу. Моја претпоставка е дека тоа се правело подолг временски период, можеби и ноќе“, наведува Жарковиќ.
Судскиот вештак посочува дека звукот на делата биле камуфлирани од секојдневната врева, а не исклучува и современи тивки машини.
„Оние што се занимаваат со такви работи, а тоа се организирани криминални групи, имаат помодерни технологии од оние што треба да ги спречат во тоа. Тоа е проблемот на Црна Гора“, вели Жарковиќ.
Според првите процени, димензиите на тунелот се еден метар на 80 сантиметри за што требало да се ископаат приближно 18 кубни метри земја, вели Жарковиќ.
Тој додава дека во 15-годишното искуство во градежно вештачење немал ниту еден сличен случај и напоменува дека за попрецизна анализа би требало да го посети тунелот, а таков професионален наод, смета тој, ќе придонесе за истрагата.
За потсетување, во понеделникот беше откриен тунел што води од Вишиот суд во Подгорица, каде што се чуваат клучните докази, до приватен стан во станбена зграда.
Постојат неколку претпоставки за тоа што го предизвикало копањето ваков тунел. Првата е кражба на докази, а втората е бегството на еден од затворениците.
Откриено е дека тунелот бил ископан ноќта помеѓу понеделникот и вторникот, додека се попишувале докази.
Според истите информации, припадниците на антитерористичката единица потоа утврдиле дека зад отворот во ѕидот бил скриен тунел, кој води до блискиот станбено-деловен објект во центарот на Подгорица. Во акцијата била користена антидиверзантска опрема, како роботи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Чамец со туристи потона во Бледското езеро во Словенија
На езерото Блед во Словенија, кое секоја година го посетуваат голем број посетители од просторот на поранешна Југославија и околните земји, вчера за малку ќе се случеше трагедија кога, според словенечките медиуми, потона чамец со четворица туристи.
За среќа, тие биле спасени од смрт со брзата реакција на пожарникарите и нуркачите.
„Во 11 часот и 20 минути потона туристички чамец со четворица туристи на Бледското езеро кај вилата Златорог во Блед“, соопшти полицијата на Горење, а јави познатиот словенечки портал siol.net.
Регион
„Ќе поведеме соодветни мерки“ – српското министерство за смртта на осомничениот за убиството на малата Данка
Министерството за внатрешни работи на Србија се огласи за наводите повзарни со смртта на осомничениот во случајот со убиството на малата Данка, а во објавеното соопштение наведуваат како полицајците се однесувале кон него.
„Припадниците на Министерството за внатрешни работи, Сектор за внатрешна контрола, по наредба на Вишото јавно обвинителство прибираат информации и ги утврдуваат фактите и околностите под кои во Полициската управа во Бор почина Д.Д. осомничен во случајот со убиството на малата Данка. Полициските службеници за време на постапката, постапуваат во целосност и во согласност со законите и своите овластувања“, се наведува во соопштението.
Тие исто така забележуваат дека секој што придонел за смртта на осомничениот ќе биде кривично гонет.
„Доколку се утврди дека имало злоупотреби и пречекорувања на овластувањата при постапување со починатиот Д.Д., Секторот за внатрешна контрола ќе поведе соодветни законски мерки против лицата кои го прекршиле законот и полициската етика, а за тоа јавноста ќе биде информирана навремено“, се додава.
Осомничениот Далибор Драгијевиќ (40) од Бор, кому му беше одреден притвор до 48 часа поради сомнение дека му помагал на Дејан Драгијевиќ (50), осомничен за тешкото убиство на двегодишната Данка Илиќ по криминал, почина на 7 април во Полициското одделение во Бор.
Според официјалното полициско соопштение, Далибор починал во притвор како последица на срцев удар.
Далибор Драгијевиќ беше уапсен на 6 април, заедно со неговиот татко Радослав, под сомнение дека му помагале на својот брат Дејан да го премести телото на убиената Данка Илиќ.
Далибор пред смртта признал дека му помогнал на својот брат Дејан да се ослободи од телото на Данка Илиќ. Тој ја водеше полицијата на неколку локации, но телото на Данка Илиќ не беше пронајдено на ниту една од нив.
Ненадејната смрт на братот на убиецот може да влијае на истрагата, бидејќи тој беше еден од трите клучни луѓе кои можеа да и помогнат на полицијата во потрагата по телото на Данка.
Регион
Србија испраќа хуманитарна помош за Палестинците: Денеска и утре летаат авиони со стока наменета за загрозените во Појасот Газа
Владата на Србија соопшти дека го усвоила Заклучокот за испраќање хуманитарна помош во стока за Палестина, како форма на помош за ранливото население поради критичната хуманитарна ситуација во Појасот Газа.
Хуманитарната помош се дава во вид на храна, вода, медицинска опрема, како и шатори за сместување на семејствата, а вкупната вредност на робата е близу три милиони евра, со тежина од околу 900 тони.
Едниот авион денеска ќе ја земе помошта, а другиот утре, се наведува во соопштението и се додава дека „никој не може да процени“ кога оваа стока ќе стигне до жителите на Газа, со оглед на сложеноста на ситуацијата. Остатокот од хуманитарната помош во неколку наврати ќе биде транспортиран со бродови.
Владата се согласи со предлогот на Министерството за надворешни работи да одговори на повикот на специјализираната агенција на Обединетите нации за образование, наука и култура (УНЕСКО) за обезбедување финансиска поддршка на Програмата за итна помош на Газа, со уплата на средства во износ од 10.000 евра.