Спорт
Енди Мареј го пропушти погребот на баба му за да игра меч од Дејвис купот: „Бабо, ова е за тебе“
Британскиот тенисер Енди Мареј вчера оствари важна победа за својата репрезентација во натпреварот од Дејвис купот против Швајцарија. Тој со 6:7, 6:4, 6:4 беше подобар од Лоренцо Риеди и и донесе победа на својата репрезентација со вкупни 2:1.
По мечот Енди Мареј откри дека тоа беше многу тежок настап за него. Британецот призна дека поради овој меч го пропуштил погребот на баба му, кој се одржал во исто време.
„Денес е тежок ден за мене. Денеска е погребот на баба ми, жал ми е што не сум со семејството. Но, бабо, ова е за тебе“, изјави Мареј по мечот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Што видовме на ЕУРО 2024
Заврши групната фаза на Европското првенство во Германија а од утре го очекуваме стартот на нокаут фазата.
Досегашниот тек на турнирот ни понуди многу неочекувани резултати, убави голови, ВАР интервенции и речиси рекорден број автоголови.
Ако ја исклучиме Србија која постигна убедливо најмалку голови на целиот турнир (само еден), од оние селекции кои се пласираа во осминафиналето, селекцијата на „трите лава“ покажа најмалку. Барем во споредба со она што се очекуваше од неа.
Избраниците на Герет Саутгејт успеаа да го освојат првото место во најнеефикасната група во историјата на Европското првенство, во кое Србија беше најлоша.
Кога сме кај головите на големите фаворити: Германија постигна дури осум гола, од кои пет во првото коло против Шкотска. Германците упатија дури 57 удари кон голот на ривалот и затоа се најдобри досега во првенството.
Пред три години, на Европското првенство кое се играше низ целиот континент, играчите забележаа осум гола во сопствената мрежа.
На ЕУРО 2020 имаше вкупно 11 автоголови, ќе видиме дали ќе ја достигнеме таа бројка до крајот на турнирот.
Спорт
(ВИДЕО) Среќата е на негова страна
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.