Црна хроника
Акциска контрола во тетовско: Пронајдена дрога, неиздавање фискални сметки…
Рано утрово во 01.10 часот, согласно претходно изготвен оперативен план за контрола на угостителски објекти, полициски службеници од Одделот за сузбивање на организиран и сериозен криминал и ЕБР во содејство со инспектори од Управата за јавни приходи и Државниот инспекторат за труд извршија акциска контрола во угостителски објект во Жеровјане, општина Боговиње.
При контролата затекнати се четири странски државјанки (од Србија, Украина, Молдавија и Албанија) како и 55 гости, меѓу кои и двајца малолетници. На подот во објектот пронајдена е паковка со прашкаста материја.
Од страна на УЈП е констатирано неиздавање на фискални сметки, а од страна на ДИТ лица кои непријавени вршат работни активности.
По документирање на случаите ќе бидат поднесени соодветни поднесоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
20-годишник од Радовишко настрада по удар од гром
20-годишно момче од село Коџалија, радовишко синоќа почина по удар од гром, извести МВР.
Околу 20 часот во Полициската станица Радовиш било пријавено дека во 19:30 на ливада на место викано Водовод во радовишко, од гром настрадал 20-годишниот Р.М., а со повреди се здобил 23-годишниот З.М., двајцата од Коџалево.
– Смрт констатирал лекар од итната медицинска помош од Радовиш, а другото лице е пренесено во комплексот клиники „Мајка Тереза“, соопшти МВР.
Црна хроника
Малолетник прегазил момче со мотор во училишниот двор во Валандовско
Несреќата се случила во вторникот околу 13 часот и 30 минути во Валандово, при што е повредено дете од село Пирава.
Имено како што информираа и од МВР, во Полициската станица Валандово, било пријавено дека во двор на основно училиште во Валандово мотоцикл управуван од малолетник од Валандово удрил во малолетен пешак од село Пирава , Валандовско.
Во несреќата пешакот се здобил со тешки телесни повреди констатирани во здравствениот дом Валандово.
Поради сериозноста на повредите, детето било пренесено во здравствениот дом во Валандово.
Во овој момент не се знае точно како дошло до несреќата и зошто малолетникот го управувал моторот во училишниот двор.
Полицијата извршила увид.
Црна хроника
Уапсени тројца скопјани, со метални предмети истепале син и мајка
На 29 и 30 мај, полициски службеници од Единицата за интервентна полиција при СВР Скопје ги лишиле од слобода Т.Б.(50), Д.Б.(21) и Е.Б.(34), тројцата од Скопје, извести МВР.
„Тие се сомничат дека на 29.05.2024 околу 10.15 часот, по претходна расправија, физички ги нападнале М.М.(39) и неговата мајка Д.М.(56), двајцата од с.Инџиково, скопско, во дворот од нивната семејна куќа, при што употребиле метални и остри предмети, а потоа оштетиле и товарно возило“, соопшти МВР.
По целосно документирање на случајот ќе следува соодветен поднесок.