Свет
Во Белгија уапсен економист од Загреб: Шверцувал 2,7 тони кокаин
Специјална единица на белгиската полиција го уапсила 36-годишниот Т.Ш од Загреб, економист од Хрватска, осомничен дека со група луѓе од различна националност увезол 2,7 тони кокаин во Белгија, пишува Јутарњи лист, кој вели дека хрватската полиција е запознаена со апсењето.
Но, најчитаниот белгиски интернет портал HLN.be пишува дека покрај државјаните на Белгија, Холандија, Ерменија и Летонија, уапсен е и еден хрватски државјанин, но не споменуваат Хрват. Веста ја соопштија на 13 септември, па лесно е можно подоцна да се утврди дека се работи за Хрват. Ова е најголемата заплена на кокаин досега поврзана со хрватски државјанин, пишува Јутарњи лист.
Како што пишуваат, дрогата, спакувана во јутени вреќи, била пронајдена во магацин откако претходно била однесена од пристаништето Антверпен, јавуваат белгиските медиуми.
Контејнерот со дрогата бил лоциран во пристаништето во Антверпен, а полицијата набљудувала кој ќе ја земе. Кога контејнерот пристигнал во магацинот, полицијата интервенирала и привела 11 мажи и еден малолетник, меѓу кои и Т.Ш. Уапсените се на возраст од 23 до 40 години, а малолетникот има 16 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кандидат за градоначалник во Мексико е убиен во пукање на предизборен митинг
Кандидатот за градоначалник Лусеро Лопез Маза и уште пет лица, од кои едно младо девојче, беа убиени во пукање на предизборен митинг во градот Ла Конкордија во јужната мексиканска држава Чиапас, пренесе АП.
Покрај тоа, две лица се ранети.
„Конфликтот избувна меѓу вооружени цивили за време на политички митинг“, соопшти обвинителството.
Свет
Лидерот на опозициската Напредна Словачка и неговото семејство добија смртни закани
Лидерот на опозициската Прогресивна Словачка (ПС) Михал Симецка поднел кривична пријава поради смртните закани што ги добиле неговата партнерка, ќерката и тој самиот, соопштија за словачката новинска агенција ТАСР во прес-службата на ПС.
Симецка објави дека добил неколку „конкретни и драстични“ смртни закани од „одредени луѓе“, посочувајќи дека слични закани со години биле упатени до словачката претседателка во заминување Зузана Чапутова.
Тој изрази уверување дека повеќето политичари, новинари и јавни функционери кои го изразуваат своето мислење се соочуваат со смртни закани.
Свет
Обвинителството бара притвор за атентаторот на Фицо, одлука судот ќе донесе утре
Утре судијата на Специјализираниот кривичен суд во Словачка ќе донесе одлука за притвор на осомничениот за атентатот на премиерот Роберт Фицо- Јураја Цинтула.
Надлежниот обвинител до судот веќе достави предлог за изведен притвор за 71-годишниот левичар, кој во средата по владината седница неколкупати пукаше во премиерот и тешко го рани. Обвинителот бара притвор за обвинетиот поради евентуално бегство и поради ризик од повторување на делото, изјави портпаролката на судот Катарина Куѓакова.
Цинтула беше уапсен веднаш по нападот и се соочува со обвиненија за обид за убиство од прв степен од одмазда, а се соочува со 25 години затвор, па дури и доживотен затвор. Според министерот за внатрешни работи, Матус Шутај Ешток и министерот за одбрана Роберт Калињак, нападот бил политички мотивиран, пренесува Актуалити.
Состојбата на премиерот Роберт Фицо и понатаму е сериозна и тој е на одделението за интензивна нега.