Претседателот на Реал Мадрид, Флорентино Перез, донел одлука, која е и очекувана, да го продаде бразилскиот крилен напаѓач, Родриго.

Шпанскиот новинар, Марио Кортегана наведува дека овој фудбалер го изгубил статусот „недопирлив“ и клубот е подготвен да го продаде во зимскиот преоден рок.

„Понудите што ќе пристигнат за Родриго ќе бидат разгледани. Тој повеќе не е „недопирлив“, особено откако стигна до очајната бројка од 30 натпревари без постигнат гол. Тој го израмни негативниот рекорд на Маријано Дијаз“, рече Кортегана.

„Кралевите“ сакаат да заштедат што е можно повеќе, па затоа се подготвени да слушнат понуди за него во јануари, а се очекува една да биде прифатена.

Интересот за 24-годишникот доаѓа претежно од англиската Премиер лига, а неговата моментална цена е 80 милиони евра.

Родриго е член на Реал од 2019 година. Сепак, тој никогаш не успеа да го достигне статусот што го постигна Винисиус Жуниор, иако имаше шанса.

Тој беше херој во претходните години. Му донесе на Реал неколку пати и тоа како резерва, но во изминатата година е едноставно непрепознатлив и не е ни чудо што клубот сака да го продаде.

Одигра вкупно 285 натпревари во дресот на шпанскиот гигант и има учинок од 68 гола и 53 асистенции.

Истиот извор наведува дека Дани Себаљос и Фран Гарсија, исто така се вишок во Реал. Се очекува и тие во зимскиот преоден рок да го напуштат клубот.

Foto/ EPA

Леброн Џејмс, учествуваше во поразот на Лос Анџелес Лејкерс против Феникс Санс (108:125). Ветеранот на теренот мина малку повеќе од 31 минута. Го заврши натпреварот без ниту еден скок, што претходмо му се случило пет пати во кариерата. Постигна 10 коша. Еден помалку би значел крај на чудесната серија.

Рекордерот според бројот на постигнати поени во НБА (42.260 во регуларната сезона, 8.289 во плејофот) е во серија од 1.297 натпревари во кои постигна двоцифрен број поени.

Таа серија трае речиси 19 години, односно од 6 јануари 2007 година.

Џејмс на крајот забележа 10 поени, три асистенции и три изгубени топки. Тој шутираше 3/10 од поле и 3/4 од линијата за слободни фрлања.

Леброн го пропушти почетокот на сезоната поради повреда, а оттогаш има просек од 15,2 поени, 4,0 скока и 7,2 асистенции по натпревар. Неговите просеци на поени и скокови никогаш не биле пониски во лигата во која влезе во 2003 година.

Тој ќе го прослави својот 41-ви роденден на последниот ден од годината.

Foto/ EPA

Фудбалерите на Ница, Џереми Бога и Терем Мофи покренаа судска постапка откако беа физички нападнати од сопствените навивачи. Двајцата моментално се на боледување поради инцидентот што го фрли клубот во хаос, јавуваат медиумите.

Сè се случи во недела навечер, по поразот од 3:1 од Лориен. Клубскиот автобус пристигна во тренинг центарот. Таму, играчите и персоначот беа пречекани од околу 400 бесни навивачи. Бога и Мофи беа удирани со тупаници, клоцани и плукани. Наводно, кон нив биле упатени расистички навреди.

Поради нападот Бога, тој доби петдневно боледување, а Мофи ќе биде надвор од терените до следната недела. На нигерискиот напаѓач наводно му била потребна помош од голманот Јехван Диуф за безбедно да влезе во просториите на клубот.

Иако играчите биле предупредени за можен непријателски пречек при напуштање на аеродромот, тимот сепак одлучил да се врати во тренинг центарот.

По пристигнувањето, на двајца претставници на навивачите им било дозволено да влезат во автобусот за да го изразат своето незадоволство. Ситуацијата ескалирала кога тие се излегувале од автобусот. Во метежот, и покрај присуството на обезбедување, бил нападнат и спортскиот директор Флоријан Морис.

Клубот, во сопственост на Сер Џим Ратклиф, ко-сопственик на Манчестер Јунајтед, е во длабока резултатска криза. Тие моментално се десетти на табелата во Лига 1 со шест последователни порази. Тоа е драстичен пад во споредба со минатата сезона, кога завршија на четвртото место.

Француските медиуми пишуваат дека тренерот Франк Хаиз размислува да го напушти клубот.

Foto/ EPA