Македонија
Џафери на средба со делегација на данскиот парламент: нагласена важноста од пристапување кон уставните измени
![](https://makfax.com.mk/wp-content/uploads/2023/09/џафери.jpg)
На денешната средба со претседателот на Комисијата за европски прашања од данскиот парламент, Нилс Флеминг Хансен, како и со членовите на делегацијата, претседателот на Собранието на Република Северна Македонија, Талат Џафери, ги нагласи досегашните добри и пријателски односи меѓу двете земји и ја истакна потребата од интензивирање на заемната политичка комуникација на секое ниво. Тој се заблагодари на досегашната принципиелна поддршка од страна на Кралството Данска на нашиот пат на евроинтеграција и членство во НАТО.
Го потенцира и фактот дека данскиот парламент беше еден од првите парламенти меѓу членките на Европската Унија што во 2002 година го ратификува Договорот за стабилизација и асоцијација со ЕУ. Исто така, и еден од првите парламенти што го ратификува Протоколот за пристапување во НАТО на Република Северна Македонија.
Џафери ја нагласи и важноста во овој момент да се пристапи кон измените на Уставот со цел да се почнат преговорите со ЕУ, при што потенцира „ова е момент кога треба сите политички партии во Собранието да ја согледаат важноста да се дојде до едно решение, кое ќе нè придвижи напред кон ЕУ“.
Претседателот на Комисијата за европски прашања од данскиот парламент, Нилс Флеминг Хансен, се заблагодари во име на делегацијата за можноста за средба со претседателот Џафери, при што ја истакна важноста на овие средби за понатамошната соработка и интензивирање на соработката меѓу двете земји на секој план.
Во дискусија се вклучија и преостанатите членови на делегацијата, при што во фокусот на нивниот интерес беа нашиот евроинтеграциски пат и ситуацијата со уставните измени, а изразија интерес и за интензитетот на јавната поддршка што постои во нашата земја во однос на прашањето за интеграција во ЕУ.
На крајот на средбата беа изразени поддршката за Република Северна Македонија и спремноста да помогнат колку што може во нашите аспирации за почнување на пристапните преговори со ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.