Свет
Русија се огласи во врска со војната во Нагорно-Карабах: повикува да се прекине со непријателствата
Русија ги повикува Ерменија и Азербејџан да престанат со непријателствата и да се вратат на дипломатско решение, изјави портпаролката на Министерството за надворешни работи, Марија Захарова.
Таа изјави дека Русија е многу вознемирена од острата ескалација на ситуацијата и дека Москва е целосно посветена на руско-ерменскиот сојуз.
Министерството за одбрана на Азербејџан соопшти дека ја информирало командата на руските мировни сили и раководството на Заедничкиот турско-руски мониторинг-центар за антитерористичките мерки од локален карактер, што се спроведуваат во Карабах.
„За тековните активности се информирани командата на мировниот контингент на Руската Федерација и раководството на Заедничкиот турско-руски мониторинг-центар“, се вели во соопштението.
Се наведува дека како дел од антитерористичките активности единиците на ерменските вооружени сили, нивните борбени возила и воени објекти биле онеспособени со употреба на високопрецизно оружје, пренесе „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.