Македонија
Левицата: Бислимовски ја штити компанијата на Капушевски, која купувала канцерогено масло
![](https://makfax.com.mk/wp-content/uploads/2023/09/Bislimovski.jpg)
Деновиве беше потврдено дека компанијата САНС-АГ од Штип незаконски увезува и произведува тешко масло за ложење, лажно декларирано како „мазут М1“, кое има канцероген ефект врз здравјето на луѓето. Регулаторната комисија за енергетика, иако целосно е запознаена со случајот, не презема ништо.
САНС-АГ ваквото канцерогено гориво со лажни фактури ѝ го продава на контроверзната компанија РКМ на Ратко Капушевски, кој под закрила на власта го продава на јавни институции и претпријатија, меѓу кои е и загадувачот ТЕЦ „Неготино“. Иако Капушевски беше директор за време на владеењето на ДПМНЕ, тој за време на владеењето на СДС и ДУИ сега стана најголем продавач на гориво, информираат од партијата Левица.
Оваа компанија, според Левицата, благодарение на снабдувањето на ТЕЦ „Неготино“, има продадено речиси 154.000 тони мазут и со тоа е на првото место по продадени количини гориво на потрошувачи надвор од бензинските станици. Компанијата на Капушевски очигледно е омилена за соработка на криминогената Влада, па таа бележи раст на добивка од дури 2.746 %!
„Претседателот на РКЕ, Марко Бислимовски, 14 месеци ги игнорира наодите на Инспекторатот за животна средина, Пазарната инспекција и УЈП и не покренува постапка за одземање на лиценцата на РКМ, која канцерогеното гориво лажно го прикажува како ‘мазут М1’. Колку време ќе му треба на Бислимовски за да им ја одземе лиценцата на геноцидните енергетски компании?! Очигледно е дека сите бизниси за партиските олигарси се озаконети преку Регулаторна комисија за енергетика.
Бислимовски, со цел да се спасат големите играчи во нафтениот бизнис, ја смени методологијата за пресметка на цените на нафтените деривати од пресметка на секои две недели – во пресметка на дневно ниво. Со ваквиот начин на пресметка им се овозможува дополнително богатење на компаниите што тргуваат со нафтени деривати, а воедно се дел од политичко-енергетската елита во Македонија“, се истакнува во нивното соопштение.
Според нив, случаите со модуларната болница во Тетово, скандалот на Клиниката за онкологија и канцерогениот таканаречен „мазут М1“ го покажуваат вистинското геноцидно лице на власта, која за екстра профит го убива сопствениот народ.
Левицата, како што додаваат од таму, се залага за укинување на РКЕ затоа што преку партиски поставените претседатели таа не е ништо друго, освен корумпирана филијала на власта, која ги штити и озаконува криминалите во енергетскиот сектор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.