Спорт
Куп: Вардар на пенали ја елиминира Беса, а Воска му даде десет гола на Карбинци
Се одиграа натпреварите од 1/16-финалето во фудбалскиот Куп на Македонија. Воска Спорт беше најубедлива и победи со 0:10 на гости против Карбинци. Шкупи му даде осум гола (0-8) на Коњаре, а Нилтињо сам беше стрелец на четири гола. Брегалница исто така постигна осум гола (0:8) против Новаци, а Иван Глигоров беше стрелец на хет-трик.
Вардар на пенали ја елиминира Беса (3:4), откако мечот во регуларниот тек заврши 1:1. Филип Гачевски одбрани два пенали и го одведе Вардар во следната рунда.
Илија Донов и Александар Ристевски беа стрелци на головите за Брера на гости против Кожуф (0:2).
Работнички во финишот го скрши отпорот на Тетекс и славеше со 0:3. Атдхе Мазари го отвори резултатот во 87.минута, Гандо Биала зголеми на 0:2 во 90.минута, а во судиското продолжение стрелаше и Георг Стојановски.
Тиквеш го победи Арсими на гости со 1:2, а Пелистер со 0:4 го елиминира Велазерими.
На пенали и Башкими го елиминира Скопје (4:3), а нисколигашот Јанг Тим Струга ја совлада Победа (4-3).
1/16-ФИНАЛЕ, КУП – РЕЗУЛТАТИ
БЕСА – ВАРДАР 3-4 пен (1-1)
КОЊАРЕ – ШКУПИ 0-8
ТЕТЕКС – РАБОТНИЧКИ 0-3
КОЖУФ – АП БРЕРА 0-2
ВЛАЗЕРИМИ – ПЕЛИСТЕР 0-4
АРСИМИ – ТИКВЕШ 1-2
БАШКИМИ – СКОПЈЕ 4-3 пен. (1-1)
БЕЛАСИЦА – ГОСТИВАР 0-3 пен. (0-0)
ЈАНГ ТИМ СТРУГА – ПОБЕДА 4-3 пен. (0-0)
КАРБИНЦИ – ВОСКА СПОРТ 0-10
НОВАЦИ – БРЕГАЛНИЦА 0-8
ОХРИД – ДЕТОНИТ 2-0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024