Македонија
Мицкоски за тужбата против СДСМ: Имаше една кампања за рачиња во медот, тие што сега го сркаат медот, треба да се свесни дека по медот, следува пелин
Ова е втора или трета по ред тужба бидејќи одлучив дека секогаш кога ќе обидат да клеветат и да нанесат штета на моето лично достоинството и на ВМРО-ДПМНЕ, да поднесам тужба каде што тие сега се осудени дека клеветеле без аргументи, односно дека емитувале лажни вести поврзани со мене, рече лидерот на ВМРО-ДПМНЕ, Христијан Мицкоски, за време на денешната посета на општина Новаци во врска со последната тужба, која е во негова полза.
Ако се сеќавате, рече Мицкоски, тоа беше минатата година кога имаше кампања за рачиња во мед итн. за проект кој се однесуваше за пречистителната станица во Скопје.
„Проект кој го почна Владата на СДСМ во време кога градоначалник беше од редовите на СДСМ, го потпиша актуелниот градоначалник и можам да заклучам дека медот изгледа друг го срка. Ама треба сите тие кои сега го сркаат медот да се свесни дека после медот следи пелин, а пелинот за неколку месеци од денес ќе дојде кога сите овие кои денес мислат дека комотно сркаат мед ќе одговараат за ова што го прават“, рече Мицкоски.
Мицкоски објасни дека според пресудата тие треба да се извинат и извинувањето да го објават во еден дневен весник на нивен трошок.
„Ако тоа не го направат тоа нормално ќе го направам јас бидејќи сум оштетениот, бидејќи лажеле и она кое можам да го порачам до македонската јавност е внимателно, многу внимателно да ги слушаат пораките од СДСМ, бидејќи станува збор за луѓе кои често пати се служат со лажни вести и тоа го потврдуваат дури и овие партизирани и октроирани судови во Македонија. Внимавајте, многу внимателно какви пораки СДСМ испраќа во јавноста да не подлегнуваме на тоа. Месеци се во прашање пред да ја ослободиме Македонија, а потоа следуваат подобри времиња за сите нас“, заклучи Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На покана на ЕИБ, Анѓушев говореше за поставување батерии на фотоволтаични електрани во Штип
Кредити од Европската инвестициска банка (ЕИБ) за македонските фирми да постават батерии на фотонапонските електрани, инсталирани на покривите на индустриските објекти, е поволноста со која европската финансиска институција ќе го поттикнува македонското стопанство да биде енергетски ефикасно.
Пред штипските фирми, во салата на општина Штип, консултантите на Европската Банка, Ловре Ристевски и проф. Даме Димитровски, порачаа дека има потреба ефикасно да се искористува електричната енергија од обновливи извори, наместо во значаен дел таа да се губи.
На претставувањето во Штип, бизнисменот Кочо Анѓушев, сопственик на енергетската компанија ФРОИНВЕСТ, говореше за батериските системи како единствено решение во моментот за справување со вишокот електрична енергија произведена од фотоволтаици, кој вишок производителот не може да го потроши, а електричната мрежа не може да го прими.
Анѓушев ги запозна штипските фирми за важноста на тоа дека секој кој инвестира во обновливи извори, без оглед на големината, потребно е да оди на интегрирано и комплетно решение за да има најбрз поврат на инвестицијата, и оптимало работење на електраната и на батеријата.
Поволните кредити на Европската инвестициска банка (ЕИБ) ќе бидат достапни преку македонските банки, по услови пропишани од ЕИБ.
Македонија
Околу 14.000 македонски граѓани останаа без денар вложувајќи пари преку Конти
Граѓаните да внимаваат со потенцијалните инвестиции преку различни апликации, апелираше денес министерот за внатрешни работи Панче Тошковски и информира дека досега не е поднесена ниту една кривична пријава поврзани со апликацијата Конти која остави без денар околу 14.000 македонски граѓани кои вложувале пари преку Конти, а биле членови на група на Телеграм.
Според Тошковски, оние што учествувале како жртви во овој, како што рече, потенцијално кривично-правен настан, да се обратат до МВР за да се истражат случаите и соодветно да се реагира.
„Според информациите од утринава, кривична пријава официјално не е поднесена, но изразувам оргомна загриженост за ваков пирамидален инвестициски финансиски потенцијален криминал што се случува по не знам кој пат во земјава. Од службите бев информиран дека многу слична апликација за измама била констатирана и во 2022 година. И тогаш е упатен апел граѓаните особено да внимаваат кога станува збор за вакви потенцијални инвестиции кои најчесто завршуваат како класични измами. И сега апелирам, граѓаните особено да внимаваат на вакви инвестициски вложувања, да се консултираат со експерти од областа, да се обратат и до МВР каде исто така има експерти кои првично може да проценат дали станува збор за потенцијална измама, а оние што учествувале како жртви во овој потенцијален кривично-правен настан, да се обратат до МВР за да истражиме и соодветно да постапиме“, истакна министерот по прес-конференцијата по повод 100 дена од работата на Владата.
Македонија
Околу 36 килограми марихуана запленила Царинската управа пред два дена
Директорот на Царинската управа, Бобан Николовски, на денешниот настан за реконструкција на граничниот премин Деве Баир, објави дека пред два дена Царинската управа запленила 36.4 килограми опојна дрога марихуана на граничниот премин Блаце, додека вчера на Jажинце бил спречен шверц на голема количина лекови.
„Од 1 јули до 30 септември годинава или за последното тримесечје, за 70 отсто е зголемен бројот на случаи на заплени, споредено со истиот период 2023 година, лани во тој период биле 54, со 73.631 запленето парче, додека годинава бележат 92 заплени, со 396.592 парчиња. Тоа значи дека за она што се бориме, а тоа е професионално врешење на работата на царинските службеници, тоа и се забележува, резултатите се видливи и мерливи, и од аспект на финансии, полнење на буџетот, но и од аспект на нашето оперативно работење. Со реконструкцијата на управната зграда ќе добиеме нови помодерни услови, современи услови за работа на царинските но и на полициските службеници, но се создаваат и услови за подобро оперативно работење, што за нас како службеници е многу битно, со фокус на квалитет, што значи откривање и спречување на недозволената трговија со забранети стоки“, рече Николовски, објавувајќи ја големата заплена од пред два дена на Блаце.