Спорт
Чави го продолжи договорот со Барселона
Актуелниот шпански шампион Барселона го продолжи договорот со тренерot Чави Ернандез до летото 2025 година.
Доколку двете страни се задоволни, постои опција да се активира уште една сезона во договорот.
43. gодишниот Чави во Барселона пристигна на крајот на 2021 година и на 96 натпревари забележа 61 победа, 16 нерешени и 19 порази.
Минатата сезона Чави го предводеше тимот од стадионот „Камп Ноу“ до титулата во Ла Лига, а го освои и Суперкупот.
Во текот на својата кариера, легендарниот Шпанец цели 17 години го носеше дресот на Барселона со која освои 25 трофеи, одигра вкупно 767 натпревари.
По пет кола, Барселона е втора во Ла Лига со два бода помалку од Реал.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
По Начо, и Хоселу се сели во Саудиска Арабија
Еден од хероите на Реал во походот на 15. титулата во Лигата на шампионите, Хоселу, во летниот преоден рок ќе го напушти клубот.
Искусниот напаѓач, процени дека со доаѓањето на Килијан Мбапе, конкуренцијата во нападот ќе биде толку силна поради што неговата минутажа ќе биде дополнително намалена.
Хоселу, ќе тргне по стапките на соиграчот Начо и ќе се пресели во Саудиска Арабија, пишуваат шпанските медиуми.
Неговиот следен клуб се уште не е познат, но јасно е дека следната сезона нема да го носи дресот на Реал Мадрид.
Хоселу во кариерата бил играч на Селта, Хофенхајм, Ајнтрахт, Хановер, Стоук, Њукасл, Алавес и Еспањол. Тој е дел од шпанската репрезентација на ЕП во Германија. За националниот тим има одиграно 11 натпревари, постигнал пет гола. Поранешниот романски фудбалер Данут Лупу тврди дека е договорен конечниот резултат на натпреварот против Словачка во третото коло на Европското првенство.
Спорт
И Аврамовиќ замина од Партизан
По Кевин Пантер, Зек Лидеј, Френк Камински, Пи-Џеј Дожер и Алекса Аврамовиќ го напушти кошаркарскиот клуб Партизан.
Како што пренесува „Меридијан спорт“, дефинитивно завршува соработката помеѓу Партизан и Алекса Аврамовиќ, српскиот репрезентативец кариерата ќе ја продолжи во друг клуб.
Дел од српските медиуми тврдат дека Аврамовиќ ќе се пресели во редовите на новиот евролигаш, Париз, каде тренер наскоро во нов тренер треба да биде промовиран поранешниот капитен на Партизан, Петар Божиќ.
Аврамовиќ дојде во Партизан од шпански Естудијантес во 2021 година, ја освои АБА лигата во 2023 година.
Спорт
(Видео) Погба: Пол Погба повеќе не постои
Пол Погба (31), играчот од средниот ред на Јувентус и светски шампион со Франција во 2018 година, пред четири месеци, беше суспендиран на четири години поради допинг. Казната ја одерди италијанското обвинителство за борба против допингот.
Погба е суспендиран затоа што тестот на кој бил подложен по натпреварот меѓу Удинезе и Јувентус на 20 август 2023 година покажал дека има вишок тестостерон.
Деновиве на социјалните мрежи кружи видео на кое Погба настапува со депресивен тон:
„Завршив. Мртв сум. Пол Погба повеќе не постои“, беше објавено во кратко видео.
Погба целата своја професионална кариера ја помина во два клуба, а иако е Французин, ниту еден од нив не е од неговата татковина.
Во академијата на Манчестер јунајтед пристигна на 16-годишна возарст од ле Авр, во 2009 година. Три години подоцна тој се пресели во Јувентус без обештетување. По четири години, летото 2016 година, тој се врати во Јунајтед со отштета од 105 милиони евра.
После шест години, Погба повторно се врати во Јувентус и повторно го напушти „Олд Трафорд“ како слободен играч.
Но во втората сезона таму поради повреди и споменатата суспензија поради допинг одигра само 12 натпревари.
Погба освои четири шампионски титули и два купа со Јувентус, сите во неговиот прв мандат во клубот. Како играч на Манчестер јунајтед ги освои Лига Купот и Лига Европа.
"I’m over, I’m dead. Paul Pogba doesn’t exist anymore." 😞💔
— CentreGoals. (@centregoals) June 23, 2024