Спорт
„Сити е досаден, Милан се будали, Њукасл ми се гади“
![](https://makfax.com.mk/wp-content/uploads/2023/09/11401023.jpg)
Милан и Њукасл одиграа 0:0, во вторникот, во првиот меч од Лигата на шампионите. Италијанскиот тим имаше 25 удари кон противничкиот гол (Њукасл шест), од кои девет беа во рамките на голот (Њукасл еден).
Натпреварот беше динамичен, особено во првото полувреме, но не беа сите воодушевени од она што го понуди овој меч. Артур Видал упати жестоки критики кон фудбалерите на Милан и Њукалс. Во својата анализа, Чилеанецот не ги поштедени ниту другите клубови.
Чилеанскиот играч за врска и поранешен играч на Интер и Јувентус сега има 36 години под договор е со Атлетико Паранаенсе. Повредата на коленото го оддалечи од тимот, па има време да ги гледа и анализира другите натпревари.
„Го гледав најлошиот натпревар во историјата на Лигата на шампионите, оној помеѓу Милан и Њукасл. Тие будали од Милано ми предизвикаа болка. Имаат среќа, се што знаат е да трчаат. Не би биле ни во Лигата на шампионите да не беше тоа. Згрозен сум од Њукасл, не го разбирам овој тим. Беше четврти во првенството и мораше да го стави својот живот на коцка за да направи нешто на првиот натпревар. Само ме налути“, рече Видал и коментираше за другите клубови и игри:
„Порто – Шахтјор, тоа беше одличен натпревар. Сити беше досаден, како и секогаш досаден. Ми се допадна второто полувреме од натпреварот помеѓу ПСЖ и Борусија. Заспав во првото”.
Foto/EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Среќата е на негова страна
![](https://makfax.com.mk/wp-content/uploads/2024/06/1639321549-Max-Verstappen-scaled-e1639321570945.jpg)
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.