Европа
Институтот за проучување на војната: Постојат три предуслови за значаен украински пробив

Институтот за проучување на војната вели дека постојат три претпоставки што мора да се исполнат за Украина да постигне значаен напредок. Ако една од претпоставките се покаже дека е погрешна, Институтот тврди дека хипотезата за „значаен украински успех“ ќе биде погрешна.
Првата претпоставка е дека руските сили ги немаат потребните резерви или борбена моќ за одржување на линијата на одбрана во регионот Запорожје. Американскиот тинк-тенк наведува како втора претпоставка дека украинските сили мора да задржат доволна борбена моќ за да продолжат да туркаат по исцрпувањето на руската армија.
Последната претпоставка е дека руските одбранбени позиции зад сегашното бојно подрачје не се толку минирани или добро подготвени како утврдувањата што ги пробиле украинските сили. Во моментот сите три претпоставки се чини дека се точни, но не е можно со сигурност да се предвиди дали тие ќе опстојат.
Институтот нагласува дека руските сили во регионот Запорожје се разредени, особено во нејзиниот западен дел. Украинските операции околу Бахмут го задржуваат фокусот на Русија на источна Украина и подалеку од јужниот фронт, што ја направи Москва неспособна да создаде стратешки резерви во областа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин
Европа
(Видео) Балон на топол воздух се урна во Холандија: еден загинат, петмина повредени

Едно лице загина, а петмина се повредени кога балон на топол воздух се урна на ливада во северната холандска покраина Фрисланд доцна синоќа, соопштија локалните власти. Балонот превезувал 34 патници.
„Балонот на топол воздух одеднаш падна околу 21 часот и силно удри на земјата“, соопштија властите на Фрисланд додавајќи дека полицијата почнала истрага за несреќата.
Портпаролот на Кралското холандско воздухопловно здружение изјави за локалните медиуми дека ненадеен налет на ветер предизвикал балонот силно да удри на земјата предизвикувајќи корпата да отскокне и исфрлајќи пет лица од него.