Спорт
Де Брујне од јануари во ПСЖ?
![](https://makfax.com.mk/wp-content/uploads/2023/09/11647902.jpg)
Моторот на тимот на Манчестер сити и во изминатите пет сезони клучениот играч на овој тим со години, Кевин де Брујне, од јануари би можел да го носи дресот на ПСЖ.
Во клубот од „Етихад“ решија да ги прекинат преговорите околу новиот договор на репрезентативецот на Белгија.
Имено, челниците на Манчестер сити ќе почекаат да видат на кое ниво ќе биде Де Брујне откако ќе закрепне од повредата, а потоа ќе одлучат дали ќе му понудат нов договор.
Актуелниот договор на Белгиецот со „Граѓаните“ истекува во 2025 година.
Сепак, конфузијата на челниците на Манчестер сити ќе се обидат да ја искористат на „Паркот на принцовите“.
Познато е дека Килијан Мбапе сака да го напушти клубот на крајот на сезоната, а ПСЖ веќе подготви список со желби за зимскиот преоден рок.
Францускиот шампион исто така сака да го искористи интересот на Пеп Гвардиола за 17. годишниот Ворен Заир-Емери, еден од најперспективните играчи на ПСЖ.
Играчот од средниот ред минатата сезона настапуваше за сениорскиот тим на ПСЖ, а сега стана стартер. Од тој момент го привлече вниманието на неколку големи клубови во Европа.
Се уште не е јасно под кои услови Кевин де Брујне би можел да пристигне во Париз, особено што е еден од најважните играчи на англискиот и европскиот шампион.
Да потсетиме, Кевин де Брујн се повреди минатата сезона во финалето на Лигата на шампионите против Интер, но неговиот тим славеше со голот на Родри во вториот дел.
Тој оваа сезона играше во Комјунити Шилд против Арсенал и во првото коло од Премиер лигата против Барнли, кога ја обнови повредата. Според шпекулациите во тимот ќе се врати за еден месец.
.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Германците се пласираа во четвртфиналето, откако ја совладаа Данска
![](https://makfax.com.mk/wp-content/uploads/2024/06/germ-1.jpg)
Фудбалерите на Германија ја совладаа Данска и се пласираа во четвртфиналето.
Овој натпревар дефинитивно го одбележа пред се силен дожд, грмежи, гром кој удри во близина на стадионот поради што натпреварот беше прекинат, а првото полувреме траеше час и 16 минути.
Што се однесува до фудбалот во првото полувреме, темпото на моменти беше исклучително високо, а играта динамична и интересна, особено кога Германците доминираа.
А во овој натпревар, го оправдаа она што се очекуваше од нив.
Тие веќе постигнаа гол во четвртата минута, кој беше поништен поради прекршок во нападот. Каспер Шмајхел шест пати мораше да ги одбрани Данците, а по ударот на Кимичо беше опасно бидејќи ударот беше силен и прецизен.
Најдобриот напад на Данците беше на крајот од првото полувреме кога Хојлунд имаше ситуација 1 на 1 со Мануел Нојер и не успеа да го матира, па резултатот остана 0:0.
Во вториот дел видовме поголема драма и возбуда.
Германските фудбалери рутински ја совладаа Данска со 2:0 во осминафиналето на Европското првенство
Спорт
Златното момче со најскап трансфер
![](https://makfax.com.mk/wp-content/uploads/2024/06/lamal.jpg)
Ламине Јамал, десното крило на Шпанија и Барселона, по одличната сезона за клубот се истакна и за националниот тим на ЕУРО 2024.
Каталонскиот Мундо Депортиво на својата насловна страница открива дека неговиот клуб среде ЕП во Германија одбил понуда од 250 милиони евра за продажба на Ламине. Изворот наведува дека понудата била испратена од ПСЖ, но Барселона ја одбила сумата што би можела да го направи најскапиот фудбалер тинејџер во историјата.
Жоан Лапорта во март откри дека добил и одбил понуда од 200 милиони евра за феноменот од неименуван клуб.
Уште тогаш шпанските медиуми пишуваа дека е испратена од ПСЖ.
Интересно, најскапиот трансфер во историјата е оној од Барселона во ПСЖ во 2017. Тогаш Нејмар направи трансфер за 222 милиони евра.
Барселона мораше да го пушти бидејќи неговата откупна клаузула беше многу висока. Клаузулата на Јамал изнесува една милијарда евра.
Спорт
Резултатот, не е разочарувачки
![](https://makfax.com.mk/wp-content/uploads/2024/06/SPALETI.jpg)
Во првиот натпревар од нокаут фазата Италијанците загубија од Швајцарија со 2:0 и останаа без можност да ја одбранат титулата освоена пред три години.
За Спалети исто како и за Пикси, резултатот не е разочарувачки.
„Тој гол на почетокот на вториот дел ни ги отсече нозете. Разликата ја направи темпото, тие беа многу побрзи од нас.
Не можеме повеќе од ова, на ова ЕП не дојдовме во најдобра кондиција“, изјави Спалети.
„Што се однесува до одговорноста, таа секогаш е на тренерот. Јас бирав. Гравина секогаш ме третираше како сериозен професионалец и ќе видиме што ќе каже“.
Морам да сменам нешто, но мислам сепак ова не е толку лош резултат.
Поминавме низ тешка група, ова се нашите можности.
Темпото на игра пресуди во корист на Швајцарија, изјави Спалети.