Спорт
Флорентино Перез минатата сезона побарал Модриќ да биде резерва
Поразот на Реал кај Атлетико, во градското дерби, се уште е една од главните теми во шпанската спортска јавност. Атлетико го победи Реал со 3:1, со што го прекина перфектниот старт на „карскиот клуб“.
Лука Модриќ (39) беше стартер само вторпат оваа сезона во Примера, а според пишувањата на шпанските медиуми, тој беше и еден од најлошите играчи на теренот. Анчелоти го замени веќе на полувремето, набргу откако Модриќ доби жолт картон поради приговор.
На прес-конференцијата по поразот главна тема беше Модриќ. Новинарите беа изненадени што хрватскиот ветеран играше од почеток.
„Почнав со Модриќ затоа што сакав да го контролираме поседот на топка и сакав да го одморам Чуамени, кој игра многу во последно време“.
На прашањето како реткото вклучување на Модриќ во стартниот тим влијаеше на тактичката поставка, тренерот на Реал одговори: „Во дијамантот или системот 4-1-2-1-2, Модриќ беше десетка, играч од средниот ред зад напаѓачите, а двајцата пред голот беа Белингем.и Родриго“.
Анчелоти не криеше зошто го заменил Модриќ веднаш на полувремето.
„Затоа што Атлетико беше подобар од нас. Тие рано постигнаа два гола, подобро се бранеа и брзо одеа во транзиција. Не сакам да го вперувам прстот кон никого и да му го направам тоа на Модриќ би било премногу, но тој одигра лошо, исто така лоши беа и неговите соиграчи. Затоа на полувремето наместо Модриќ го ставив во игра напаѓачот Хоселу за да бидеме поопасни понатаму“.
Лошиот настап на Модриќ во најважниот и најголемиот натпревар од почетокот на сезоната е само продолжение на неговите настапи далеку под нивото на кое ги навикна навивачите на Реал.
Со исклучок на натпреварот против Унион Берлин во Лигата на шампионите, каде што се истакна, Модриќ, според пишувањата на шпанските медиуми, одиграл слабо на сите други натпревари. Неговите лоши настапи ги криеше победничката серија на Реал.
Кога Атлетико убедливо ја прекина низата и патем откри голем број слабости на Реал, тоа го предизвика гневот на претседателот Флорентино Перез кон италијанската и хрватската легенда на клубот.
Марио Кортегана, инсајдерот на Реал и новинар на Атлетик, пишува за поразот од Реал во дербито и очајната игра на Модриќ.
„Перез е многу несреќен што Модриќ и Крос се уште формираат тандем во редот за врска, особено на важните натпревари. Тој не сака повеќе да играат и тоа му го кажал на Анчелоти неколку пати, дури и минатата сезона“.
Претседателот на Реал сака средината на теренот да биде формирана од млади, моќни играчи за кои тој скапо плати и бараше од Анчелоти минатата сезона да направи смена на генерации. Со доаѓањето на Белингем уште поинтензивно инсистираше на тоа.
Модриќ и Крос навистина добија продолжување на договорите за уште една сезона, но на сметка на нивните стари заслуги и како симболи во соблекувалната кои повремено ќе играат, но нема да бидат клучни играчи.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ливерпул на „мускули“ победи во Нотингем
Фудбалерите на Ливерпул славеа како гости против Нотингем Форест (1:0), во натпреварот од 26-то коло од Премиер лигата.
Херој беше Алексис Мекалистер, во седмата минута од судиското продолжение, откако најдобро се снајде на одбиената топка по ударот на Вирџил ван Дајк.
„Црвените“ беа блиску до победа претходно, но бизарниот гол на Алексис Мекалистер во 89-та минута беше поништен по интервенцијата на ВАР.
Актуелниот шампион не личеше на себе, особено не во првото полувреме, но на крајот сепак успеа да ги освои важните три бода.
Тимот од „Енфилд“ останува шести на табелата со 45 бода, додека Форест е 17-ти со 27 бода.
Во истиот термин, Кристал Палас победи против Вулверхемптон (1:0), искористувајќи го самоуништувањето на „волците“.
Емануел Арокадаре промаши пенал во 43-та минута, додека Ладислав Крејчи доби два жолти картони во рок од три минути. Во 90-та минута, Иван Гесанд ја донесе победата на домашниот тим.
Исто така, Фулам беше подобар од Сандерленд на гостински терен (3:1). Раул Хименез постигна гол во 54-та и 61-та од пенал, додека Алекс Ивоби беше прецизен во 85-та минута. Единствениот гол за домашниот тим го постигна Енцо ле Фе во 76-та од пенал.
Спорт
САД со „златен гол“ до првото злато по 1980 година во хокеј на мраз
Спуштена е завесата на Олимпискиот турнир во хокеј на мраз во Милано, каде што најдобрите играчи од НХЛ шампионатот можеа да играат за прв пат од 2014 година. Во финалето репрезентацијата на САД ја победи Канада по голема драма и продолженија со резултат 2:1 (1:0, 0:1, 0:0 – 1:0).
Ова е само третата олимписка титула за Американците, која ја чекаат уште од Олимписките игри во 1980 година на нивниот домашен мраз во Лејк Плесид, каде што се случи познатото „Чудо на мразот“ и победата над Советскиот Сојуз.
Американките поведоа рано, по минути откако беше исфрлен пакот, Метју Болди ги доведе САД во водство, додека Остон Метјуз и Квин Хјуз добија асистенции.
Американците преживеаа ситуација пет на три – мораа да играат со тројца (без голман) 93 секунди. Џејк Генцел и Чарли Мекавој беа суспендирани по две минути на 29:27 и 29:55.
Втората третина мина во апсолутна доминација на Канаѓаните, а откако пропуштија неколку добри шанси, Кејл Макар успеа да го матира Хелебак.
Американците, во третата третина добија голема шанса да го решат победникот, бидејќи Сем Бенет доби двојно исклучување (четири минути), кое подоцна се претвори во четири на четири бидејќи Џек Хјуз исто така беше испратен на ладење.
Регуларните 60 минути завршија 1:1, а одлуката падна во продолжението, по само 101 секунда, 24-годишниот Хјуз го постигна „златниот гол“ по минута и 41 секунда,носејќи им го на САД првото олимписко злато по 46 години.
Foto/ EPA
Спорт
(Видео) Аталанта го победи Наполи
Фудбалерите на Аталанта го победија Наполи со резултат од 2:1 (0:1) во малото дерби од 26-то коло на италијанската Серија А.
Херој на победата на „Ла Деа“ беше српскиот репрезентативец Лазар Самарџиќ, кој постигна гол во 81-та минута за пресврт на својот тим. Македонскиот репрезентативец Елиф Елмаз, го одира целиот натпревар за Наполи.
Наполи победи четири пати по ред во Бергамо и направи добар чекор кон петти триумф по ред кога Беукема ги доведе гостите во водство во 18-та минута.
Имаше многу контроверзни ситуации, особено на штета на Наполитанците, прво кога беше поништен пеналот против Расмус Хојлунд, а потоа и на почетокот на второто полувреме кога (уште поочигледниот) пенал не беше досуден против истиот играч.
Кога тоа не се случи, Аталанта успеа да направи пресврт, прво израмнувајќи го резултатот во 61-та минута со голот на Марио Пашалиќ.
По Хрватот, на ред беше Србинот да ја погоди мрежата на Наполи, а Самарџиќ го направи тоа на многу ефектен начин.
Аталанта сега го дели шестото место со Комо со 45 бода. Наполи, на третото место, има само пет бода повеќе, што доволно зборува за тоа колку ќе биде интересна борбата за местата во Лигата на шампионите.
Foto/ EPA

