Соопштенија
Примената на дигитални решенија и вештачка интелигенција во лозарството во „Тиквеш“ дел од темите на престижниот AI Tech Summit
![](https://makfax.com.mk/wp-content/uploads/2023/09/thumbnail_Foto_Tikves_Aleksandra-Ristova.jpg)
Имплементација на иновативни дигитални решенија во лозарството и примена на вештачка интелигенција во активностите на Винарската визба „Тиквеш“ ќе бидат дел од темите на „AI Tech Summit”, што ќе се одржи во Скопје од 29 до 30 септември годинава, во организација на ТBM Group од Чешка и М6 едукативен центар како ко-организатор на настанот. На престижниот самит посветен на вештачката интелигенција (ВИ) и нејзината улога во трансформацијата на општествата, говорници се водечките „умови“ во оваа индустрија од целиот свет. Во фокусот на самитот ќе бидат најновите трендови на полето на технологијата и вештачката интелигенција и нивниот потенцијал за трансформација на различни индустрии и општествени сфери.
ВВ „Тиквеш“ како лидер во регионот во воведување и користење на дигитални решенија и вештачка интелигенција во лозарството, ќе има можност да ги сподели своите искуства пред експертите од областа и да ги презентира придобивките за винската индустрија. Покрај другото, ќе биде презентиран и моделот на софтверска апликација за мониторинг – „4Grapes”, која овозможува следење на состојбата на секој лозов насад во реално време со што се подигнува квалитетот на лозовите насади, како и ефектите од употребата на ВИ во навремено откривање на болести кај грозјето, влијанието на климатските промени и можните решенија за навремена реакција.
За примена на иновативни дигитални методи и вештачка интелигенција во производство на висококвалитетно грозје, на „AI Tech Summit” ќе зборуваат Џовани Бигот, консултант на ВВ „Тиквеш“ и основач на „Перлеуве“ (Perleuve) и Александра Ристова, раководител на Одделот за управување со лозови насади во ВВ „Тиквеш“. Џовани Бигот е водечки светски истражувач и промотор на иновации во лозарството, кој од неодамна заедно со тимот на „Тиквеш“ работи на имплементација на дигитални алатки и софтвери.
На „AI Tech Summit” своите искуства и достигнувања пред присутните ќе ги споделат над 20 говорници, а темите се поделени во неколку клучни области. Првата тема се однесува на етичките импликации на вештачката интелигенција, клучна тема на која се дискутира на глобално ниво. Потоа следуваат теми кои го истражуваат влијанието на ВИ врз финансискиот сектор и врз производството, а во рамки на самитот говорниците ќе зборуваат и на темите посветени на значењето на податоците за развој на вештачката интелигенција, на влијанието што вештачката интелигенција ќе го има врз човештвото, како и на револуцијата што ВИ ја создава во правната индустрија.
Преку фокус на етичките дилеми, предностите, предизвиците и заканите поврзани со технологијата на вештачката интелигенција, на конференцијата ќе се разгледа и суштината на користењето на ВИ во функција на благосостојбата на поединците и општеството како целина.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Соопштенија
Фестивал на видео игри во Diamond Mall
![](https://makfax.com.mk/wp-content/uploads/2024/06/Foto_1.jpg)
Од 15 до 19 јуни, сите љубители на видео игри ќе бидат во Diamond Mall каде ќе се одржи специјален фестивал посветен на модерните и ретро видео игри. Фестивалот е во организација на Diamond Mall и ќе има натпреварувачки карактер, со атрактивни подароци за натпреварувачите во различните категории. Посетителите што нема да се натпреваруваат ќе имаат можност да бидат дел од гејминг забавата во посебно опремениот простор со симулатори и конзоли за видео-игри.
На фестивалот во Diamond Mall сите учесниците и љубителите на видео-игрите ќе можат да се забавуваат и натпреваруваат, а меѓу игрите што ќе ги понуди фестивалот се оние од „PlayStation“ и „Nintendo“, но и ретро видео-игрите како „Super Mario“, „Pack-Man“, „King Kong“ и сл. Понудата е дополнета и со опции за натпреварување и забава, преку практикување фудбалски вештини.
За најуспешните учесници на фестивалот на видео-игри, Diamond Mall ќе обезбеди подароци ќе ги додели познатиот македонски актер, познат љубител на видео игри и програмер Гораст Цветковски, а доделувањето ќе се одржи на 19 јуни 2024, на последниот ден од фестивалот.
Настанот е дел од низата активности што Diamond Mall ги нуди на своите посетители, овозможувајќи им нови и поинакви искуства, кои се комплементарни со останатите содржини на трговскиот центар. Благодарение на ваквиот уникатен концепт, Diamond Mall прерасна во една од омилените дестинации за сите жители и посетители на главниот град.
ПР текст
Соопштенија
Компанијата „Зегин“ ги обедини граѓаните во хуманитарна трка
![](https://makfax.com.mk/wp-content/uploads/2024/06/NO1_8466.jpg)
Во неделата во Општина Аеродром се одржа “Хуманитарната Трка Зегин Спектратон- Трка на херои во сите бои”.
Трката беше во организација на компанијата Зегин и Фондацијата Д-р Верица Механџиска, а средствата собрани од сите котизации на пријавените учесници ќе бидат донирани во Здружението “Во мојот свет”, за реконструкција на првиот регионален социјален клуб за адолесценти со аутистичен спектар.
Повеќе од 1800 граѓани трчаа во име на хуманоста, љубовта и свет еднаков за сите.
Трките беа поделени во неколку категории:
Трка на 10км
Трка на 5км
Штафетна трка 2х5км
И детски трки од 150, 300 и 500м.
За сите пријавени учесници следуваше богат пакет, а за најдобрите имаше и награди во сите категории.
Тркачите имаа задоволство да трчаат по сертифицирана патека, а сите посетители уживаа во забава, музика, игри за најмалите и освежување.
Ваквите настани се показател дека општествената одговорност треба да биде важен сегмент на сите компании и поединци кои можат во голема мера да помогнат за подобрување на квалитетот на животот на оние на кои им е најпотребно.
ПР текст
Соопштенија
Потпишување на нова соработка: клиентите со која било полиса за осигурување склучена преку „MintIns“ ќе добијат членство во „Interdomestik“
![](https://makfax.com.mk/wp-content/uploads/2024/05/1-4-1.jpg)
На 04.06.2024 година во 11.00 часот, најавено е потпишување на соработката помеѓу „MintIns“ и „Interdomestik“. Настанот ќе се случи на Уу. Димитрие Чуповски 22, Дебар Маало – О. Центар, Кај Круг (Радио Бар).
Ова ново партнерство означува добра пресвртница во осигурителната индустрија, носејќи придобивки за осигурениците.
Соработката помеѓу „MintIns“ и „Interdomestik“ гарантира дека клиентите со која било полиса за осигурување склучена преку „MintIns“ сега ќе добијат членство во „Interdomestik“. Ова членство обезбедува сеопфатна помош и го олеснува добивањето на побарувањата, нудејќи бројни придобивки, вклучувајќи:
– Бесплатна консултација за утврдување на правната основа за надомест на сите видови штети
– Процедури за надомест на штета од осигурителната компанија
– Бесплатна категоризација на повреди од сообраќајни незгоди од независен лекар-цензор
– Алтернативна пресметка за материјална штета во однос на проценката на осигурителната компанија.
– Определување коефициент на инвалидност во случај на несреќа
– Консултации за третман на лице место преку контакт центарот
Дополнителните придобивки за осигурениците вклучуваат:
– Авансно плаќање на трошоците за изготвување на вештачење на штета во вонсудска постапка
– Организирана наплата на штета во судска постапка во случај на неточни понуди
– Авансно плаќање на трошоците за правно застапување во судска постапка
Оваа иновативна соработка е прва од ваков вид помеѓу осигурителен брокер и компанија специјализирана за помош и наплата на штети. Ветува позитивно да влијае на осигурителниот пазар и ќе обезбеди подобрени услуги за сите осигуреници.
Придружете ни се на овој значаен настан и бидете сведоци на потпишувањето на договорот кој најавува нова ера во осигурителните услуги.
Со нетрпение го очекуваме вашето присуство на настанот.
ПР