Амбасадорот на Израел во Европската Унија, Хаим Регев, денес ги предупреди израелските новинари во Брисел за „дипломатската ерозија“ на односите меѓу Тел Авив и ЕУ, како и за другите предизвици со израелската јавна дипломатија.

„Нема дипломатско цунами, но секако постои дипломатска ерозија со која мора да се справиме“, изјави Регев за новинарите за време на брифингот за медиумите во Брисел, пренесе „Тајмс оф Израел“.

Регев рече дека Министерството за надворешни работи „работи“ и „води многу интензивна дипломатска кампања“, според официјални лица, но призна дека симпатиите кон Израел се намалуваат додека неговата војна со палестинската милитантна група Хамас во Газа се одолговлекува.

ЕУ во вторникот се согласи да го преиспита Договорот за асоцијација со Израел, наведувајќи ги наводните кршења на човековите права во Газа.

„Можам да кажам со прилично висок степен на сигурност дека нема да има консензус за целосно откажување на договорот, дури ни за делумно“, рече Регев.

Тој исто така рече дека „Европа гледа ужасни слики и се бори да се справи со нив“, како и дека Израел повеќе нема поддршка каква што имаше на почетокот на војната.

Регев, исто така, изјави дека, иако не е премногу загрижен за Договорот за асоцијација меѓу ЕУ и Израел, француско-саудиската иницијатива за признавање на палестинска држава за време на конференцијата на Обединетите нации во јуни претставува значаен дипломатски предизвик.

Тој додаде дека израелската армија не ги објавува своите податоци за жртвите од Газа, што ги наведува меѓународните тела да се потпираат на алтернативни извори, како што е Министерството за здравство управувано од Хамас, и нагласи дека враќањето на хуманитарната помош во Газа би можело да ги подобри дипломатските односи, пренесува Танјуг.

Дел од таван на училница во гимназијата во Бечеј падна денес за време на часот, пренесуваат локалните медиуми.

Настанот според написите го потврдил и директорот на тоа училиште, Миодраг Башариќ.

„Никој не е сериозно повреден“, изјави Башариќ за 021.rs.

Тој изјави дека училишниот тим за итни случаи моментално работи на инцидентот и дека се собираат информации за инцидентот, како и дека медиумите и јавноста ќе бидат навремено информирани за сè.

Полицијата и брзата помош беа на местото на настанот.

Општина Бечеј потврди дека на 22 мај, за време на часовите, гипс паднал од дел од таванот во Гимназијата, во кабинетот по јазик.

Во соопштението се наведува дека „редовни инспекции биле вршени до почетокот на ученичките блокади, и дека катот над споменатата училница е сè уште блокиран“.

Во изјавата на претседателот на општина Бечеј, Вук Радојевиќ, пишува дека четворица ученици добиле, како што е наведено, само гребнатини.

„Сепак, она што особено нè загрижува е фактот дека дел од училиштето е сè уште блокиран, поточно катот над училницата каде што се случи немилиот настан. Ве потсетуваме дека блокадата на гимназијата Бечеј започна на 21 февруари, а заврши на 6 април, кога наставата беше повторно воспоставена на приземјето на училиштето. Сепак, горниот кат остана блокиран од мал број ученици“, се наведува во соопштението, како што пишуваат медиумите во регионот.

Се наведува дека ќе бидат преземени сите мерки за испитување на сите околности што доведоа до овој немил настан.

„Особено апелирам до родителите и учениците кои блокираат дел од училиштето да престанат да го прават тоа, за да можат стручните служби и надлежните инспекции целосно да ја утврдат состојбата на училиштето по неколкумесечна блокада, а сè за безбедноста на нашите деца“, вели претседателот на општина Бечеј.

Членот на Собранието на Бечеј, Милан Бокун, чие дете оди во ова училиште, за Н1 изјави дека „ова е предупредување дека очигледно не се посветува доволно внимание на сите работи за кои треба да се води грижа“.

„По падот, имавме инспекција со наредба од претседателот на државата. Таа инспекција изготви извештај во кој се наведува дека има пукнатини на таваните и ѕидовите, и очигледно ништо не е преземено во врска со тоа. Зошто? Го оставаме тоа на претседателот на општината, кој вели дека издвојува огромни средства за образование, како што самиот рече кога го отворија тој кабинет“, истакнува тој.

Тој наведува дека кабинетот каде што се урна дел од таванот бил отворен пред нешто повеќе од една година.

„Дури имаше и помошник-министер за образование за да го отвори. Кабинетот беше реновиран, реконструиран. Очигледно е дека плаќаме само за скапа шминка, а тоа е многу лошо“, вели тој.

Бремени жени се евакуираат од породилиште во Бристол откако избувна голем пожар, јавува Би-Би-Си. Црн чад беше забележан над болницата „Свети Михаил“ во Бристол кратко пред 16:30 часот по локално време. Пожарникарите од противпожарната служба „Ејвон“ се на местото на настанот.

Thick clouds of black smoke in Bristol city centre. #Bristol pic.twitter.com/uUwN5UaZos

— Dan Martin (@Dan_Martin) May 22, 2025

Акушерките им помагаат на бремените жени кои беа изнесени од зградата. Џес Хачинсон (22), која се нашла на местото раскажала дека било застрашувачки да чуе дека на покривот избувнал пожар.

Полицијата од Ејвон и Сомерсет соопшти дека им помага на противпожарните служби на местото на пожарот. „Улицата „Свети Михаил“ е затворена за возила и пешаци и луѓето се повикуваат да ја избегнуваат областа доколку е можно“, соопшти полицијата на X.