Британската министерка за внатрешни работи, Суела Браверман, предупреди дека неконтролираната миграција е егзистенцијален ризик за западните нации и повика на преиспитување на договорот што влијаеше на глобалната политика за азил во последните седум години.

Во говорот во Американскиот институт за претпријатија во Вашингтон, Браверман рече дека конвенцијата на ОН за бегалци ја проширила дефиницијата за прогон и го зголемила бројот на луѓе што се квалификуваат за заштита.

Браверман, која се смета за можен лидер на владејачката Конзервативна партија, повика на глобален преглед на пристапот кон имиграцијата, што веројатно ќе биде клучно прашање на општите британски избори в година.

„Илегалната миграција и невиденото масовно движење на луѓето во светот се неодржливи притисоци врз Америка, Велика Британија и Европа. Мораме да се здружиме и да се запрашаме дали меѓународните конвенции и правни рамки изготвени пред повеќе од 50 години во ерата на воздушниот сообраќај и паметните телефони ја служат својата цел“, рече таа.

Конвенцијата на ОН од 1951 година, правна основа за заштита на бегалците во светот, го воведе принципот дека државите потписнички мора да ги заштитат цивилите што бегаат од конфликти и прогонства. Конвенцијата ја потпишаа околу 150 земји, меѓу кои и Британија.

Брејверман рече дека судскиот метеж што произлегува од таа конвенција го намали прагот, така што барателите на азил треба само да докажат дека се соочуваат со дискриминација наместо со реален ризик од тортура и насилство.